This topic contains 8 replies, has 1 voice, and was last updated by 
-
Topic
-
AnonymousÍ ljósi þeirrar umræðu sem fór af stað á spjallasvæðinu undir yfirskriftinni Þyrlur og ákærur langar mig að benda á þá staðreynd að sveitarfélögin ráða miklu um hvar er slóð og hvar er ekki slóð.
Þetta á kannski ekki við á hálendinu þar sem ríkið reynir nú að hrifsa til sýn lönd bænda og búarliðs, en á aðalskipulagi eiga að koma fram slóðar, útivistasvæði og annað sem skiptir okkur máli.
Menn verða að stíga varlega til jarðar ef farið verður af stað með sjálfstæða kortaútgáfu. Það er nefnilega ekki svo að lögin breytist þó gott hálendiskort verði gefið út. Enn situr eftir vondur lagarammi sem löggan getur notað til að koma höggi á þá sem keyra á slóðum.
Í staðinn fyrir að eyða ómældri vinnu í að búa til kort, á að eyða kröftunum í að eyða lagalegri óvissum um slóða og vegi. Þessi umræða hefur farið fram í röðum vélhjólafólks og var málið metið svo að það mundi ekki skila tilætluðum árangri að búa til sérstakt slóðakort fyrir vélhjól, meðan lögin eru eins óljós og raun ber vitni. Það er því mikilvægt að 4×4 leggi öll spilin á borðið og meti hvort sé skárri kostur: Fara út í sjálfstæða kortlagningu og eiga á hættu á að fá sveitarfélög upp á móti sér eða eyða kröftunum til að fá lögunum breytt þannig að réttarstaða þeirra sem aka á slóðum sé tryggð.
jakob
Umhverfisnefnd Vélhjólafélaganna.
-
Replies
-
Þetta er gott innlegg frá Jakobi, áminning um að fara með gát og huga að öllum hliðum mála. Mig langar af þessu tilefni að minna aftur á að flest bendir til þess, að það vanti lögformlegan gagnagrunn – þ.e. kort – sem geti verið grundvöllur undir málsókn á hendur mönnum fyrir meintan utanvegaakstur. Meðan ekki er hægt að benda á og vísa til sérstakra korta, sem eru viðurkennd í þessum tilgangi og eigi bakgrunn í lögum, þá gæti orðið erfitt að reka slíkt mál fyrir dómstólum. Er þá sérstaklega með í huga mál þeirra sem teknir voru fyrir meintan utanvegaakstur á slóðunum við Hagavatnsskálann. Málin eru öðruvísu vaxin þegar hægt er að sýna fram á að menn hafi beinlínis valdið náttúruspjöllum með akstri sínum.
Þetta er alveg rétt hjá Jakobi að lagaramminn er alls ekki nógu skýr.
En það breytir ekki þeirri skoðun minni að kort sem inniheldur alla löglega slóða þarf að vera til og á að vera sá grunnur sem farið er eftir þegar verið er að meta hvort menn hafi verið utanvega og að valda spjöllum á náttúrunni.
Þessi vinna hófst rétt aðeins í vor og verður vonandi og væntanlega framhaldið fljótlega.
Benni
"Það er svo aftur "a million dollar question" hvort við eigum yfirleitt að þrýsta á um kortagerð í þessu skyni, " benti einn kunningi minn á. Auðvitað er það möguleiki hvort á að bíða þess að dómur falli í svona máli, ef einhver fæst til að fara í svoleiðis mál í stað þess að borga sekt með óvissum réttargrunni. Hingað til hefur mér allavega fundist heppilegra og líklegra til að slík kortagerð yrði af einhverju viti ef klúbburinn og systurfélög hans eins og t.d. Vélhjólaklúbburinn kæmu að slíkri slóðamerkingu inn á viðurkennd "slóðakort" frá byrjun. En það þýðir ekki að önnur sjónarmið eigi ekki að fá skoðun og umræðu.
Anonymous- Umræður: 0
- Svör: 16404
Ég hef fyrir því mjög áreiðanlegar heimildir að Loftmyndir séu búnir að liggja yfir loftmyndum af landinu og eigi marga ef ekki alla slóða á landinu kortlagða. Þeir eru að reyna að selja ríkinu þennan pakka en einhver stífni virðist vera í gangi þeim megin.
Það er því búið að vinna stærstu vinnuna í tengslum við slóðakort vélhjóla og jeppa.
Ég held að það þjóni ekki okkar hagsmunum að það verði til kort sem sýna alla þá vegi sem heimilt er að aka. Þau öfl sem vilja takmarka ferðafrelsi okkar dreymir um slíkt kort, því þá yrði hugsanlega hægt að sakfella okkur fyrir að ferðast eftir þeim vegum og leiðum sem við erum að nota.
Eins og staðan er núna er sennilega ekki hægt að sakfella menn fyrir að ferðast eftir misgömlum vegum og slóðum, niðurstaða í þeim málum sem nú eru fyirir dómstólum mun væntanlega staðfesta þetta.Ef markmiðið er að sporna gegn náttúruspjöllum, þarf það að endurspeglast í viðkomandi lögum og reglum, slíkt vantar í núgildandi reglugerð.
-Einar
Mér sýnist að menn leggi svolítið mismunandi skilningi í hvað slóði er. Hugtakið slóði er haft um leið sem hefur verið ekin eða gengin án vegalagningar og ummerkin sem ferðalangarnir hafa skilið eftir sig er slóðinn. Löglegur slóði þarf ekki að vera sýnilegur og öfugt. Ég held að það sé vonlaust verk að búa til kort sem afmarka alla slóða svo skýrt að hægt sé að aka alveg eftir þeim enda er leiðin oft valin eftir aðstæðum hverju sinni. snjór, ís, bleyta og vatnavextir ráða oft miklu um hvar nákvæmlega er farið. Til þess að hægt sé að fara í svona kortagerð þyrfti því víða að far líka í vegagerð til að tryggja að merkt leið sé farinn. Eða hreinleg loka stórum hluta þeirra slóða sem nú teljast löglegir. Markmið þeirra sem eru að ferðast á slóðum hlýtur að vera að sem minnst sjái á því landi sem ferðast er um. Til að svo megi vera er mjög oft nauðsinlegt að vera á litlu lofti og að aka utan slóðans. Mér finnst varhugavert hvað margir virðast taka það sem sjálfsagt mál að að spóla í slóðum bara ef þeir eru löglegir. Það endar bara með því að ekki verður hægt að leifa akstur á neinum slóðum og jeppamenn verða bara að halda sig á vegunum. Ég held að til að bæta umgengni um land sé betri kostur en kortagerðin að kenna fólki að ferðast án þess að skemma land og beita mergfalt hærri sektum, ökuleyfissviptingum og gera ökurækinn upptæk verði menn uppvísir að landspjöllum.
guðmundur
"Auðvitað er það möguleiki hvort á að bíða þess að dómur falli í svona máli, ef einhver fæst til að fara í svoleiðis mál í stað þess að borga sekt með óvissum réttargrunni"
m.ö.o.
Sekur uns sakleysi er sannað!
Sem er allgjörlega óásættanlega staða ferðalanga.Löglegt slóðakort kostar auðvitað umtalsverða vinnu = peninga
En þær leiðir sem eknar eru reglulega eru nú líklegri til þess að vera löglegar, og leiðir sem eru lýtt eknar frekar til þess fallnar að vera bannleiðir stjórnvalda.
En leiðir sem eru lýtt eknar, verða alldrei eknar reglulega, nema að menn viti af þeim. Svo þetta gengur í báðar áttir!Mitt álit er það að þeir sem þess leita, ættu að eiga möguleika á því að nálgast upplýsingar um sem flestar leiðir.
Það er alveg rétt að það þarf upplýsingar um hvað er löglegt og hvað ekki en það er ekki hægt að gera það á fullnægjandi hátt með korti einu saman heldur verður líka að styðjast við heimildir og lýsingar þeirra sem hafa nota þessa slóða. Því er rökréttara að mínu viti að styðjast frekar við leiðarlýsingu en kort þegar um óljósa lítið ekna slóða er að ræða. Eins er alltaf þetta vandamál með að kortið verður aldrei nógu rétt til að hægt sé að sakfella menn eftir því. Strikið á kortinu eða upplausnin í ferlinum hittir aldrei alveg á slóðina. þess vegna er þetta hvort sem er alltaf mat þess sem ekur slóðan hvar eigi að aka. Flest allar þær skemdir sem við erum að sjá eru einmitt af þessum toga þar sem tjónið er við hliðina á slóðinni eða veginum.
guðmundur
You must be logged in to reply to this topic.