This topic contains 11 replies, has 1 voice, and was last updated by 
-
Topic
-
Getur einhver sagt mér hvaða vandamál getur verið að hrjá skiptingu í Ford Econoline E350 7,3 dísil sem lýsir sé í því að hann er djöflast á milli gíra og er verstur í lágadrifinu en ber líka á þessu í hádrifinu og þá sérstaklega eftir mikla keyrslu í lágadrifi. Sem dæmi þá ertu kannski í öðrum (fastagírnum) og í lágadrifinu og þá er hann stanslaust að skipta sér á upp og niður. Í háadrifinu getur þetta lýst sér þannig að þú ert kannski á lítilli ferð og lágum snúning og þá er hann kannski að kvelja sig áfram í hæsta gír og svo kannski í eðlilegri þjóðvegakeyrslu neglir hann niður í fyrsta gír og allt á yfirsnúning. Þetta virðist vera verst eftir mikinn akstur í lágadrifi en virðist svo jafna sig og er ég ekki frá því að hann sé verri eftir dálítið vatnssull. Þegar þetta gerist þá virðist skiptingin höggva en ekki skipta sér eðlilega. Það er rofi við skiptinguna sem fer á þegar hann er í lágadrifinu og er held ég til að leiðrétta skiptitölvuna þegar hann er í lágadrifinu (til að hraðamælir sé réttur ef ég fer rétt með) og það er búið að prufa að aftengja hann og breytti það engu. Það er milligír í þessum bíl líka ef það gæti skipt einhverju máli. Það er hitamælir á skiptingunni og ekki er hægt að sjá að hún sé hitna óeðlilega svo það getur varla verið málið. Vantar endilega að heyra í einhverjum sem gæti sagt mér eitthvað um hvað gæti verið að.
Kv. Björn Ingi H1995
-
Replies
-
millikassi er i honum
Gæti verið raki í tengjum, prufaðu að losa tengin í sundur og þurrka þau, setja þau svo saman og einangra þau með mikilli feiti til að ekki komist vatn inn í þau, hef lent í svona brasi með skiftingu, það lak úr tengjunum þegar þau voru tekin í sundur og leiddi þar af leiðandi saman þeim og komu falsboð upp í tölvu. Hefur verið til friðs síðan ég þurrkaði og vatnseinangraði þau. Kveðjur, Logi.
þetta var mjög algeng bilun og var lendingin sú að aftengja rafgeyma í smá stund til að núlla tölvuna það er varasamt að geyma GSM sima á stokknum t.d.
Sælir strákar. Ég er ekki alveg klár á hvaða millikassi er í honum, þekki það ekki nógu vel þar sem ég á ekki bílinn. Þetta með rakan gæti verið hluti af þessu en þetta er búið að vera viðvarandi held ég frá því að bílnum var breytt en er heldur að versna. Það rifjaðist upp fyrir mér áðan að þegar hann fær þessi "köst" þá blikkar overdriveljósið á fullu þó að overdrive sé ekki á.
Kannski segir það ykkur eitthvað. Held að það sé búið að prufa að aftengja geymana og núlla tölvuna.Kv. BIO
Hvaða árgerð er bíllin og hvaða skifting er í honum?
Er þetta Power Stroke 7.3?Ég var að nota breitan Econline í vinnuni sem að lét svona, blikkaði O.D. ljósinu og gíraði sig upp og niður.
Hraðamælirinn fyrir skiftinguna er ofaná kúluin á afturhásinguni og les hann á krans sem boltaður er á Carrierin. Þessi lestur reyndist ekki réttur og lét bíllin því illa. Ekki man ég hvort neminn var ónítur eða drifið hafi verið í ólagi.Kv. Ragnar Karl
..hann sé ekki ca. ´97-´98, með 7.3l með E4OD skiftingu veit ekki hvað millikasinn heitir
KV. SiggiHall
Hvernig er hraðamælirinn? Flöktir nálin til og frá þegar þú keyrir? Ef svo er þá er líklegt að skynjarinn í afturdrifinu sé ekki að skila nógu góðu merki. Þetta merki er líka notað til að stýra skiptingunni. Ef hraðamælirinn er stöðugur þá er skynjarinn að telja rétt og vandamálið því tengt tölvunni. Gæti verið plöggið, laus eða tærður vír, vonandi ekki hún sjálf.
Ég er ekki alveg viss með hvaða skipting er í honum gæti verið það sem SiggiHall nefnir eða þá 4R70W en þetta er allavega 7.3 Powerstroke vélin. Þetta með hraðamælinn gæti verið rétt því ég hef séð að nálin er stundum kyrr á hægum snúning og stekkur svo af stað þegar hraðinn eykst.
Mér dettur í hug hvort að það geti haft áhrif að það er búið að skipta tvisvar um hlutföll í honum og virtist hann heldur versna nú í seinna skiptið. Ég þekki ekki hvernig leiðréttingu á hraðamælinum er háttað.Kv. BIO
Ég þekki bara til E4OD og hraða nema í afturdrifi. Neminn er nándarnemi sem telur þegar tennur á hjóli sem fest er á kambinn í drifinu fara framhjá. Ef að drifið brotnar geta Þessar tennur skemmst, neminn getur skemmst, eða jafnvel hjólið aflagast þannig að neminn nái ekki að telja allar tennurnar. Það kemur fram sem flökt á hraðamælinum og líka ótímabærar skiptingar í skiptingunni. Það er lítið mál að skoða nemann, ein skrúfa og kippa honum upp. Það er meira að segja hægt að skoða tennurnar niður um gatið, lyfta öðru afturhjólinu og snúa, þá sést fljótt amk ef eitthvað mikið vantar á það eða slag í hjólinu.
Þetta verður skoðað og takk fyrir upplýsingarnar.
Læti ykkur vita hvað kemur út úr þessu.Kv. BIO
Þá er búið að kíkja á skynjarann ofan á afturdrifinu
og var svo sem ekki mikið að sjá. Hann virðist vera alveg óskemmdur og ekkert sá á tannhjólinu heldur en það gæti nú hafa komist raki skynjarann sjálfan. Er eitthvað hægt að mæla þennan skynjara og veit einhver hvað hann ætti að mælast. Sá á netinu að þessi skynjari væri fyrir ABS og signalið væri líka notað fyrir hraðamælinn. En ekkert hefur orðið vart við vandamál tengt ABS svo vitað sé. Á sömu síðu sá ég líka að það var talað um Programmable Speedometer Odometer PSOM hraðamæliseiningu og að þar sé hægt að leiðrétta hraðamæli þegar skipt er um dekkjastærð og þetta system gæti líka klikkast og þá væri fjandinn laus. Spurning hvort einhver leiðrétting hafi verið gerð þar gegar bílnum var breytt.
Þetta virtist samt ekki vera í öllum bílum með þessa skiptingu (E4OD) svo ég veit ekki hvort þetta er í þessum bíl.Kv. BIO
You must be logged in to reply to this topic.