Setursfarar þorrablót

Ég frétti að Reynir og Gísli hefðu bara drifið sig í Setrið til að kynda upp.
Enda vitað að þar sem Lúter fer, fer atvinnumaður í "uppákomum" sem telur ekki sólarhringana.
Þar að auki var liðsmunurinn orðinn sláandi í keppni, Patrol versus Paejero.
Þannig að það sem virtist "Rottulegt" hjá Reyni, var eftir á að hyggja, vel ígrundað!

P.S. Hvað eru menn svo líka að þvælast til fjalla í svona færi.
Bið að heilsa, er farinn á þorrablót alla leið uppí Lindahverfi og bíst við þokkalegu færi.

Bestu kveðjur.

Jón Ebbi.

Ég var að tala við Óskar.

Setursfarar voru komnir á Kvíslarveituveg og allt gekk eins og í sögu – tveir bílar pompuðu niður í krapa á leið niður á veg en annars var allt frosið enþá.

Kveðja
Benni

Ég, Fastur og AtliE erum nýlega komnir í bæinn eftir einn af betri dögum á fjöllum í gær.
Við gistum í góðu yfirlæti hjá AtlaE og Lindu í Gnúpverjasveitum á föstudagskvöldið og lögðum snemma á Laugardaginn af stað í átt að Sóleyjarhöfðanum.

Rúmlega 3 tímum síðar vorum við komin í Setrið, þ.e. um hádegi. Það er langt síðan við höfum fengið annað eins færi á fjöllum, það voru helst einn og einn skipaskurður sem truflaði einbeitinguna þegar við silgdum framhjá á næstum því 3 stafa tölu hraða.
Við ákváðum svo að taka forskot á Hofsjökulsrallið og komumst upp á mettíma. Tókum hring uppi á topp, fram á brún bæði norðan og vestan megin – en útsýnið var ótrúlega mikið þó einvher háský væru farin að láta sjá sig. Meðal annars sást austur á Herðurbreið, Kverkfjöll og Snæfell!
Á leiðinni niður tókum við krók meðfram jökulröndinni og þræddum okkur eftir hólunum í jökuljaðrinum austur að Setri og vorum þar um 5 til 6-leytið, en um leið kom ský yfir og smá þoka.
Eftir frábæran mat, skruppum við norður fyrir Nautöldu í pottinn en það toppaði algjörlega frábæran dag.

Kærar þakkir Lúddi og co. fyrir matinn – hann var frábær.

Arnór

Lúther, við vorum að tala um í gærkveldi að ég mundi láta þig vita áður en að við færum af stað, því við vorum að spá í að taka Hveravelli-Langjökul á leiðinni heim, en svo leist okkur ekkert á spánna og drifum okkur bara beina leið heim snemma í morgun, svo að ég var ekkert að vekja þig….

kv. Atli E.

Ég vil fyrir hönd okkur hjónin þakka kærlega fyrir okkur, þessi ferð var vel heppnuð, flott veður, fyrsta skiptið á Hofsjökul, gamli maturinn frábær eins og alltaf og fínn félagasskapur.

En alveg er víst að lygasögur sem Benedikt og Ofsi koma með hér á spjallið um gengi Pajeroana eru ekki komnar frá Lúther. Ef ekki væri fyrir Pajeroana og Bjarna á Patrol, sem var með spil, væru Lúther og Óskar eflaust ennþá í mýrinni því allar hinar Pattróllurnar höfðu yfirgefið þá. Ég festi mig aldrei og Halli (Ditto) bara þegar hann var að draga Patta upp úr krapasvelg. Ég er viss um það að Lúther og Óskar staðfesti það sem sannara er.

Á laugardeginum silgdi Halli á fullri ferð á leið í brekku sem átti að taka með trukki en áttaði sig ekki á að fyrir framann brekkuna var tjörn og fleitti hann kerlingar næstum þvi yfir hana. Þennan dag átti hann metið í skipaskurðagerð og ég komst að því að ég verð að kaupa mér nýjan spotta.

Takk fyrir frábæra helgi vals og frú.

Sæll Benni

Þegar ég fór frá Hveravöllum upp úr kl. 13:00 á laugardaginn, á leiðinni Húsafell-Hveravellir-Setur-Sóleyjarhöfði, var enginn norðanmaður mættur ef frá eru taldir þeir sem komu rétt á eftir okkur yfir Langjökul.

Þeir fóru svo frá Hveravöllum um svipað leyti og við til að aðstoða þá sem voru að koma að norðan, sögðu að einhverjar Toyotur væru á kafi í krapa á leiðinni, búið að brjóta stýrismaskínur og eitthvað fleira í þeim dúr. Hefur þú eitthvað heyrt af þessu, var þessi nokkuð á 39,5" Irok?

kv.
Eiríkur

Í nótt kyngdi niður snjó við Setrið og er snjódypdin orðin sviðuð og hún var mest fyrir hlákuna. Hitastigið komst aldri upp að frostmarki þannig að þessi lægð skilaði bara snjó en engri bleytu við Setrið. Væntanlega eru skipaskurðirnir flestir komnir á bólakaf í snjó.

-Einar