Setrið wtf

Ég persónulega get ekki séð að það sé nein ástæða til þess að setja þennan þráð á innanfélagsmál. Með því að hafa hann opinn eru mun meiri líkur á að fleiri sjái hann og geti jafnvel veitt einhverjar upplýsingar um þetta leiðinda mál.

Svo vil ég bara segja að sem betur fer eru ekki allir eins og hún Stefanía. Ég sé enga einustu ástæðu til þess að vera að fegra þennan atburð, sumir vilja heyra sannleikan eins og hann er.
Kv Ýr
p.s. Ég hélt að þú værir ein af þeim sem er alltaf að tala um að ekki eigi að vera með persónuárásir á vefnum. Eða er það bara þegar umræðan tengist þér og þínum.

Góðan daginn,
já "EKKI GOTT" "EKKI GOTT"
En þeir eru ekki parhrifnir skotveiðimenn á HLAD.is segja að við jeppamenn séum að skella skuldinni á þá, taka ekki tillit til afsökunarbeiðnar Ofsans. En þar kom einn með góða lausn að ég tel og ekki mjög dýra en hún er eftirfarandi…………………………………………………….. http://www.cabelas.com/cabelas/en/templ … stid=83779

Kveðja Hjörtur og JAKINN

Stefán ég tók þá ákvörðun að svara Stefaníu ekki því sá vægir sem vitið hefur meira.

KV. Maggi gáfaði.

Ég get ekki hamið mig legur um að taka þátt í þessari umræðu. Á enn einu sinni að snúa umræðum í persónulegt skítkast. Stefanía, hættu nú. Þetta er orðið miklu meira en nóg.

Mitt álit er það að við höfum sloppið ótrúlega vel frá skemmdum á Setrinu. Auðvitað er þetta ömurlegt og lýsir best innra manni þeirra sem þannig haga sér, en mér sýsast skemmdirnar ekki vera nærri eins miklar og allavega ég óttaðist í fyrstu. En það hlaut að koma að því að eitthvað þessu líkt kæmi fyrir hjá okkur eins og svo mörgum öðrum. Í gegnum árin hefur svosem ýmislegt gerst þarna uppfrá. Sjálfur hef ég orðið vitni að því að litlu mátti muna að húsið myndi brenna til ösku, þegar maður fyrir mistkök notaði hreinan spíra í stað vatns til að þvo pönnu yfir eldi. Fyrir snarræði eins klúbbfélagans var komið í veg fyrir eldsvoða í það skiptið. Ég hef líka séð fremra húsið fullt af snjó þegar einhver hafði lokað illa á eftir sér. Sama hefur komið fyrir gamla klósetthúsið og þá eyðilaggðist loftið í húsinu og eitthvað fleira.

Það kemur alltaf öðru hvoru upp umræða um að setja upp eftirlitsmyndavélar í Setrinu. En það er ekki svo einfalt. Það má heldur ekki rugla saman eftirlits- myndavélakerfi og nettengdri myndavél. Það er langt frá því sami hluturinn. Ef kerfið á að koma að gagni til þess að rekja mannaferðir að einhverju gagni þarf svo margt til. Það þarf a.m.k. 3 myndavélar í upphituðum húsum sem þola okkar veðráttu. Það þarf upptökutæki og svo þarf nettengingu sem ræður við það að senda frá sér öll gögn jafn harðan á annað upptökutæki í bænum, því ekki er raunhæft að ætla að senda gögn frá öllum vélum jafn harðan í bæinn. (upptökutækið sendir frá sér á öðru formi sem tekur minni bandbreydd)
Svona kerfi gerir ekkert gagn ef ekki er hægt að skoða allar upptökur jafn óðum, og ekki væri mikið gagn að því að ætla að sækja þær, t.d. daginn eftir innbrot, því nánast öruggt væri að upptökutækið væri tekið. Það er fjandi erfitt að ganga þannig frá þeim að þeim verði ekki stolið. Svo þarf auðvitað stöðugt rafmagn til að knýja allt þett. Þetta er pakki fyrir að lágmarki 500 þús.
Þið sjáið trúlega að okkur vantar ansi margt til að þetta geti gengið upp. Það vantar háhraða nettengingu til gagnaflutninga. 3G kerfið er bara ekki nærri nóg fyrir þetta. Það vantar stöðugt rafmagn, þó sumir hlutar þessa kerfis gætu gengið á 12v. geta það ekki allir hlutar þess. T.d. þarf hitara við myndavélarnar og þeir eru ekki hagkvæmir á 12v.

Svo er spurningin um nettengda myndavél. Það er allt annað mál. Þannig vél má vel setja upp við húsið. Hún myndi t.d. sýna hlaðið við húsið og umhverfið til suðurs. Það væri frábært að geta séð hvernig veðrið væri og hvort einhver væri á staðnum. Til þess þarf miklu minni búnað. Það þarf einfaldari myndavél. Hún sendi myndir með 3G kerfinu t.d. á 30 mínútna fresti. Sú mynd væri svo sett sjálfvirkt á vefinn. Þetta krefst samt þess að sólarsella væri sett upp með öllu sem henni fylgir. Það þarf myndavélina sjálfa og svo 3G módem til að senda efnið. Í bænum þarf svo tölvu sem tæi á móti myndunum og setti þær á netið. (myndirnar væru auðvitað vistaðar þannig að hægt væri að skoða þær seinna) Myndgæðin í svona vél eru allt önnur og minni en í hinu kerfinu og ólíklegt er að andlit eða smáatriði séu auðgreinanleg.

Og hvernig get ég verið viss um þetta allt? Ég hef starfað við innflutning, sölu, hönnun og uppsetningu á myndavélakerfum af ýmsum gerðum um árabil.

Kv.
Emil Borg

Örugglega rétt hjá Emil að eftirlitsmyndavélakerfi þarna er óraunhæf pæling. Það má ekki gleymast að þetta er fjallakofi lengst inni á hálendi. Því miður er ekkert óskaplega margt sem hægt er að gera á svona stað til að verjast vitleysingum sem er andsk… sama um allt nema rassgatið á sjálfum sér. Sem betur fer eru ekki margir á ferðinni á fjöllum sem eru svona andlega skertir en þessir fáu koma óorði á heildina, hvort sem það eru jeppamenn, mótorhjólamenn, skotveiðimenn, göngumenn eða hvað. Besta sem hægt er að gera er að vera vakandi fyrir svona pakki og hika ekki við að tilkynna um framferði þeirra og kæra þegar það á við, hvort heldur er umgengni í skálum, utanvegaakstur, ölvunarakstur eða hvað. Láta menn ekki komast upp með að haga sér eins fífl.
Kv – Skúli

Því þessi gáfumenni og kvenni sem halda áfram að sprauta salti úr plasthúsi virðast ekki vita hvenær á að hætta.

En það er orðið broslegt hvað þetta ágæta fólk er að gera sig að miklum bjánum.

Ég held að klúbburinn verði að hugsa þetta vel áður settur verður myndavélabúnaður á staðinn.
Ég tel afar litlar líkur á því að fólk hafi áhuga á að leigja skálann til að hafa það huggulegt í beinni útsendingu.
Myndavél og rekstur á henni er engin lausn. Það að hafa skálan að hluta til opin er mun gæfulegri lausn. Ef einhver ætlar sér inn í læstan skála þá finnur hann leið til þess. Það að setja upp kerfi fyrir fleiri hundruð þúsundir verður bara til þess að meira spennandi verður að brjóta þarna allt og bramla. Það að setja endalaust nýjar reglur, þú mátt ekki gera þetta eða hitt hefur oft öfug áhrif á fólk.

Auglýsing á vegg skálans þar sem höfðað væri á samvisku fólks um umgengni væri miklu líklegri til árangurs heldur en hengilásar og camerur.

PS: Stefanía þú ert of skynsöm til að fara út í svona munnhöggvanir á netinu. Segðu þetta frekar á fundi með þessum mönnum en ekki hér á bak við tölvuskjá. Klúbburinn má ekki við meiri leiðindum í bili. Klúbburinn er í lægð sem þarf að rífa hann upp úr og það gerist ekki með fílu og leiðindum.

Kveðja, Theodor.

Teddy ofan í húddi að laga. Úps, allir að horfa á.

fyrir löng er ég hættur að fara á fjöll sökum þess að í dag eru allskonar menn á ferð á flottum öflugum faratækjum vel tæknilega væddir á allan hátt en bara geta ekki eða kunna ekki að meta hvorki náttúru íslands né annarra manna hluti eins sést nú með þessari umgengni í skála okkar félagsmanna – það þarf að tækla svona fólk vel og rækilega öðrum sambærilega þenkjandi svínum til varnaðar, kanski virkar ekkert á svona skíthæla en látum ekki deigan síga – herðir þetta ekki okkur hina sem teljum okkur geta notið þess að eiga frið útaf fyrir okkur eða með vinum og félögum og látið náttúruna njóta vafans í hvert einasta skipti sem við ferðumst.
anks vissi ekki að ég gæti orðið svona reiður ;-o

þegar fólk grillar innandyra og er með útikerti logandi, þá fara væntanlega reykskynjarar í gang og eru slitnir niður eins og gerðist í Setrinu.
Líst vel á að fá úti myndavél yfir planið.
Kveðja Lella