This topic contains 72 replies, has 1 voice, and was last updated by 
-
Topic
-
var að sjá fréttablaðið og what the fuck…. Er búið að komast að því hverjir þetta voru.
-
Replies
-
þar sem það er svo skemmtilegt að linka á fréttina þá skrifa ég hana bara upp…
Grillað á gólfi fjallaskála.
Vinnuferðin okkar hefur farið í að þrífa og ganga frá eftir einhverja drullusokka, segir Magnús Tómasson, gjaldkeri skálanefndar.
Magnús fór um helgina í vinnuferð í fjallaskála ferðaklúbbsins sunnan við Hofsjökul ásamt öðrum úr klúbbnum. Þegar komið var að skálanum var búið að brjóta allt og bramla. Bjórflöskur og matarleifa voru á gólfinu og síminn slitinn úr sambandi. Engu var stolið en það var búið að skemma margt. Búið að brjóta rúðu, sparka upp klósett hurðinni. Síðann grilluðu þeir greinilega innandyra á gólfinu. Það má þakka fyrir að þeir kveiktu ekki í húsinu því það var stór bruna blettur á gólfinu, segir magnús.
og svo er meir í fréttablaðinu.sorglegt.
Það er ótrúlegt að menn brjótist inn, og sitji síðan að sumbli á innbrotsstað.
Án þess að blikka auga yfir því að vera staðnir að verki. Getur verði að það sé komið gæsaveiðitímabil.
Það er sumt við þessi skemmdarverk í fjallaskálum sem eru með öllu óskiljanleg.
Þarna er greinilegt að um hóp er að ræða. Sama gerðist í Landmannalaugum þegar hópur eyðilagði þar fyrir 500.00 kr og þá var meðal annars logandi grilli skellt ofaná sólpallinn og hann skemmdur og ofnar slitnir frá veggjum. Hvernig í veröldin getur það gerst að heilir hópar komist upp með að stela og skemma skála marg ítrekað án þess að það leki út.
Getur verið að við megum fara að búast við því að þetta komi til með að aukast.
Við það að skálum hefur verið lokað í stórum stíl samanber ferðafélagsskálunum og Útivistarskálunum. Gæti verið að talnalás á Setrinu, drægi úr hugsanlegum innbrotum í framtíðinni.
Grillað á gólfi fjallaskálans
Afbrot "Vinnuferðin okkar hefur farið í að þrífa og ganga frá eftir einhverja drullusokka," segir Magnús Tómasson, gjaldkeri skálanefndar ferðaklúbbs 4×4.
Afbrot "Vinnuferðin okkar hefur farið í að þrífa og ganga frá eftir einhverja drullusokka," segir Magnús Tómasson, gjaldkeri skálanefndar ferðaklúbbs 4×4.Magnús fór um helgina í vinnuferð í fjallaskála ferðaklúbbsins, sunnan við Hofsjökul ásamt öðrum úr klúbbnum. Þegar komið var að skálanum var búið að brjóta allt og bramla. Bjórflöskur og matarleifar voru á gólfinu og síminn slitinn úr sambandi.
"Engu var stolið en það var búið að skemma margt. Búið var að brjóta rúðu og sparka upp klósetthurðinni. Síðan grilluðu þeir greinilega innandyra á gólfinu. Það má þakka fyrir að þeir kveiktu ekki í húsinu því það var stór brunablettur á gólfinu," segir Magnús.
Hann segir líklegast að sníkjudýrin hafi brotist inn á fimmtudagskvöldið þegar mikil rigning var á svæðinu. "Síðan hafa þeir leitað skjóls hjá okkur því þessir leppalúðar þoldu ekki rigninguna eins og sannir Íslendingar."
Búið er að kæra málið til lögreglu- vs
Daginn
Þetta nær náttúrulega ekki nokkurri átt. Óskaplega eru menn barnalegir að fara á fjöll til þess eins að skemma. Og borguðu örugglega ekki einu sinni gistigjöld.
Hvernig var það var ekki komin ný skrá og nýr lás á Setrið. Hvernig komust þessir pjakkar inn, maður spyr sig.
Nafni, þó að þú sért, með réttu, æfur af reiði skaltu ekki eitt andartak velja þér hóp manna til að skella skuldinni á. Rétt eins og skotveiðimenn eru jeppamenn og þar með talin þú taldir til minnihlutahópa og ef þú ætlar að velja þér einn slíkann til að skella skuldinni á gerir það þig að engu betri manni en þeim sem rústaði Setrinu.
Kv Jónsi
Það var víst ekki falleg að koman að skálanum. Búið að brjóta rúður og skemma hurðir, þannig komust þeir inn. Við þurfum að vera dugleg að finna út hverjir voru á ferli á þessu svæði og afla upplýsinga. Þessum ribböldum þarf að ná og láta þá borga tjónið. Ég vona að einhverjir viti að ferðum á svæðinu á þessum tíma og láti vikomandi yfirvöld vita.
Kveðja
Sveinbjörn Halldórsson
formaður f4x4
Það er ljóst að ekkert fær að vera í friði.
Mæli með að sett verði upp myndvél í Setrinu.
Hugsa að umgengnin myndi batna töluvert og skálagjöldin skili sér betur.
Kveðja Lella
Þetta er ótrúlegt. Það þarf að finna þessa aðila og birta af þeim myndir og nöfn öllum félögum til varnaðar. Varla vill nokkurt félag hafa svona hryðjuverkamenn innan sinnan vébanda.
Tek undir orð Izan, að vera að nefna skotveiðimenn sérstaklega í þessu sambandi er ekki viðeigandi.
Þetta var nú ljóti rasista skapurinn í manni að kenna skotveiðimönnum um.
Nú er maður alveg eins djöflarnir sem kenna jeppamönnum um allt.
Takk fyrir ábendingarnar maður á að fá sé kaffi áður en maður hamast á morgun vefnum.
Skamm Ofsi þú er ljóti sauðurinn.
Menn eða konur sem haga sér svona tilheyra ekki neinum tilteknum ábyrgum hópi.
Fólk sem hagar sér svona fellur undir fámennan hóp sem er rétt að kalla "Drullusokka". Það vill enginn kannast við þennan hóp en oft er hin ömurlegi félagi "Bakkus" með í för.
Mér finnst líklegt að nú ef og þegar timburmenn sækja að þessum hópi af "Drullusokkum" þá muni skömmin herja á þá og ég get ekki sagt að ég vorkenni þeim sérstaklega þau örlög. Þeir ættu hins vegar að hugsa sinn gang biðjast afsökunar og taka afleiðingum gjörða sinna. Til þess að þeir komist út úr þessum ömurlega félagsskap "Drullusokkunum" ættu þeir að íhuga áfengismeðferð!
kv,
Viðar Örn, (Jeppamaður, skotveiðimaður, golfari, námsmaður og fl. .fl.)
Já, drullusokkar eru víst til alstaðar og engin leið að komast hjá því. Því miður fer þeim líka fjölgandi. Það er að verða mikið vandamál með gæslulausa skála á fjöllum, hvernig um þá er gengið. Því miður þykir sá mestur í þessu þjóðfélagi sem kemst upp með að hafa rangt við, í hverju sem það er. Manni sýnist þeim hossað sem mestu hafa stolið frá þjóðinni. Því miður virðist ekki duga að læsa skálunum, þá eru þeir bara brotnir upp og skemmdirnar enn meiri. Þetta endar varla nema á þann veg að allir gefast upp á að halda úti skálum, allavega þar sem ekki er talin grundvöllur fyrir gæslu. Ég sá einu sinni leiðarvísi frá þýskri ferðaskrifstofu, sem listaði upp fyrir menn hvaða skálar væru án gæslu, því þar mætti komast hjá útgjöldum, íslendingarnir væru svo fávísir að þeir settu mönnum það í sjálfsvald hvort þeir greiddu eða ekki og það þekktist ekki í landinu bláa að það væri verið að eltast við menn sem ekki greiddu. Þýskur ferðamaður rak þennan bækling upp í nefið á mér þegar ég vogaði mér að spyrja þá hvort þeir greiddu fyrir gistingu í Ingólfsskála, sem þá var reyndar opinn. Ég var þarna einn á ferð með konu minni og þessi 14 manna hópur gaf það fyllilega í skyn að þeir væru ofurefli mitt ef út í það færi. Ekki þar fyrir, þetta fólk var ekkert að skemma, en þeim fannst allt í lagi að nota gas og annað sem húsinu fylgdi.
Mér finnst að það ætti að setja upp myndavélareftirlit þarna, bæði úti og inni, það verður ekki hjá því komist fyrr en síðar, fjallaskálar sem eru læstir verða oftast fyrir því að brotist er inn í þá og skiptir þá ekki máli hvort það er talnalás eða ekki.
Þeir sem ættla sér inn fara inn.
Hvernig er með tryggingar á skálanum, er hann tryggður fyrir svona tjóni?Kveðja GS
Myndavélakerfi og ekkert annað" svo við náum þessum drullusokkum sem skemma og borga EKKI.
Kalli
Við eigum ekkert að vera feimin við það að setja upp myndavél í Setrinu. Ekkert það sem fer fram þar fyrir utan eða í forstofu sem má ekki sjást á vefnum og væri m.a.s. held ég bara afskaplega skemmtilegt fyrir hin sem ekki komast í Setrið þá stundina.
Með nýkomnu þessu fína GSM sambandi í Setrið ætti að vera tiltölulega einfalt að koma upp þarna myndavéla búnaði sem gengur þá í netsambandi. Myndi halda að ætti að vera hægt að koma upp slíkum búnaði fyrir innan við 50.000 kall.
Spurningin er kannski bara hvort að sé ódýrara að láta skemma Setrið einstaka sinnum eða borga áskriftar gjöld af svona búnaði?
Mér þykir þú bjartur Baldvin, ég myndi skjóta á 500 þús.
Það þyrfti að setja upp rafmangsdæmi, geyma og eða sólarsellur því þetta þarf straum.
1 myndavél inni og önnur úti ……. þyrftu sennilega báðar að vera útimyndavélar með hita í húsinu, vegna kuldans þarna. 1 stk tölva ætli það færi ekki að nálgast milluna.
Held að það yrði ekki samþykkt að hafa beinaútsendingu á netinu, þó að það gæti verið gaman fyrir okkur sófariddarana að fylgjast með því.
Kveðja Lella
Menn verða að hafa augu og eyru opin ef þeir frétta eitthvað um mannaferðir á svæðinu. Þessir aumingjar þegja sjálfsagt ekki yfir þessu, þeir eru örugglega of vitlausir til þess. Eins og sagt er " Þjóð veit þá þrír vita", svo finnum þessa aumingja.
Kv.
Heiðar
Mér líst vel á að setja upp myndavél í Setrinu og nágranni minn fann í vetur á netinu veðurstöð sem hann er með sítengda á netinu. Veðurstöðin kostaði ekki nema eitthvað um 20 þúsund og sýnir allt sem þarf og mikið dýrari stöðvar gera. Svona skemmdarvargar eru alveg óþolandi og ætti að setja þá í gapastokk ef til þeirra næst. Kv. Olgeir
Og gerir það hvort sem gengið er um skála, hálendið, vefinn eða um félagsstarfið í klúbbnum.
Ég tel að það eigi að hafa Setrið opið að hluta eins og var fyrir nokkrum árum, efast reyndar um að rekstur skálanns sé léttari eftir að honum var læst.
Skemdarverk eins og framinn voru í Setrinu af þessum drullusokkum verður ekki komið í veg fyrir með myndavél. Drullusokkarnir geta hulið andlitið með lambhúshettu meðan þeir gera myndavélina óvirka.Spjöll af þessu tagi voru fátíð er fjallaskálar voru ólæstir.
Bestu kveðjur
Björn A 720
You must be logged in to reply to this topic.