This topic contains 8 replies, has 1 voice, and was last updated by 
-
Topic
-
Fórum Klakkinn upp í Setur á Laugardag í þeim tilgangi að
finna naglaklippurnar hans Sigga tæknó sem týndust af einstökum klaufaskap í fyrri þorrablótsferðinni,einnig átti
að skoða klakkinn í björtu og skoða trackið af þorrablótinuÁ trackinu sást greinilega að allt var í góðum gír hjá þorrablótsförum þangað til oftnefnd björgunarsveit birtist
og setti allt á annan endan og þegar gilið þar sem þrír bílar voru spilaðir upp var skoðað kom í ljós að um hreina morðtilraun var um að ræða hjá Kjartani og félögum að senda bíla þarna niður.Þegar í Setrið var komið birtist Viðar Elliða og fjöldskylda og tók konan hans á móti okkur með nýbökuðum vöfflum höfðu þau komið einbíla upp gljúfurleitin.
Fórum svo Kerlingafjöllin til baka og í leit að snjó og sýndi Viddi okkur hvernig Mussó virkaði með Lolo, en fannst okkur lítið til koma þar sem búið var að búa til för fyrir hann upp:)
Rennt var svo upp á Hveravelli og góðri helgi lokað með að dóla niður kjöl.Strákar og stelpur takk fyrir fína helgi.
kv Lúther
-
Replies
-
Ég get bara ekki orða bundist og ætla að ræða um dómgreindarskort skemmtinefndar.
Það var á fimmtudagskvöldinu í Mörkinni að fyrrverandi skemmtinefnd tilkynnti með mannalátum að þeir ætluðu af stað inn í Setur um hádegi daginn eftir með þorramatinn og fara Klakkinn. Fyrsta merki um dómgreindarskort því Klakkurinn er mjög erfið leið inneftir að vetri til.Magni og Reynir úr skálanefndinni ásamt Stjána Sig. ætluðu að leggja af stað inneftir um 5 leitið. Ekki var kjarkurinn meiri en svo hjá skemmtinefndinni, að þeir ákváðu að bíða eftir skálanefndinni.
Þarna kom upp annað tilvik um dómgreindarskort, því formaður skemmtinefndar kom tveim fullorðnum farþegum á verst búna bílinn í ferðinni, sem var Krúserinn hans Stjána. Þurfti hann því að bera 4 fullorðna og var þó aðeins á 35" dekkjum. Ekkert fréttist af ferðum þeirra fyrr en um miðjan dag á laugardegi.Undirritaður var staddur á Geysi um hádegisbil, ásamt fjórum öðrum bílum, á leið um Kerlingarfjöll í Setrið, þegar Jón Snæland hringdi og sagði að skemmtinefndin væri í vandræðum. Þeir væru einhversstaðar inni á Klakksleið, sennilega nálægt Draugakvísl. Allt væri að fara á kaf í krapa því þeir skældu svo mikið. Voru þeir farnir að tala um að kalla út björgunarsveitir til að ná í sig. Við breyttum því snarlega ferðaáætlun og fórum á eftir þeim upp Klakk. Okkur gekk þokkalega uppeftir og komum til þeirra seinni part dagsins.
Gerðum við stuttan stans hjá þeim og héldum síðan ótrauðir áfram. Þegar við komum niður í brekkurnar ofan við Kisubotna var erfitt að átta sig á hvar leiðin lægi því skollið var á myrkur. Ég fór fyrstur og keyrði niður rana með laut eða gil á hægri hönd. Ég snéri fljótlega til baka og ákvað að komast yfir lautina. Ofan í lautinni var mikið púður og mjög erfitt færi og var ég lengi að mjaka mér þar yfir. Siggi Tæknó var sífellt að spyrja í talstöðinni hvort ekki væri óhætt að fara niður ranann. Ég sagði að hann gæti skoðað það og ákvað Lúther að elta hann þar niður.
Ég get ekki borið ábyrgð á að menn hafi ekki dómgreind til að ákveða hvenær á að snúa við.
Ég fann síðan réttu leiðina niður í Kisubotna og var fremstur í að ryðja leiðina áleiðis í Setrið, eða þar til framöxull brotnaði hjá mér. Þá tók Reynir við að ryðja.Lúther, ég skal framvegis taka stóran hring framhjá, ef ég frétti af þér í vandræðum á fjöllum, svo ég leiði þig ekki í ógöngur.
Ps. Ætli Siggi tæknó hafi tínt naglaklippunum sínum þegar hann var að moka.
Kv. Kjartan
Já ég á bara ekki til orð.
það er greinilegt á þessu að maður getur snúið sér að einhverju öðru en að vera með skrif á léttu nótunum á þessu spjalli.
Mér datt bara ekki í hug að menn tækju þennan pistil minn hér að ofan svo alvarlega að ég væri með eithvað skítkast út í formanninn og hans menn.
En ég veit þá að ég verð að ferðast með einhverjum öðrum en hans félögum í framtíðinni þar sem ég fæ ekki aðstoð framar frá þeim.
kv Lúther
Anonymous- Umræður: 0
- Svör: 16404
Strákar mínir
Er ég nokkuð að skynja eitthvert leiðindarmál í uppsiglingu
ég efast um að Lúther hafi meint þetta illa.stöndum saman.
Auðvita meina menn hvert orð sem þeir segja enda ekki á hverjum degi sem þeim er sýnt morðtilræði af verstu gerð.
Líka hef ég heimildir fyrir því að nýlegur þjófnaður á sprengiefni tengist þessu óþverramáli, sem sé langt frá því að vera lokið.
Svo vil ég endilega biðja menn um að vera með personuleg níð og alvöru skítkast, enda er það skemmtilegast af öllum skrifum hér á vefnum.
Hlynur
ps… er það satt Lúther að þú hafir snýtt þér á öxlina á formanninum þegar þú fékkst að gráta á hana bakvið setuna og það hafi komið þessu öllu á stað ???????
Allir að vera stiltir, ég hef nú littla trú á að Lúther hafi nú meint þetta svona þó hann sé prakkari…
[img:2kv0ui8z]http://skins.hotbar.com/skins/mailskins/img/Fighti/Fighting_Sports_Fight_prv.gif[/img:2kv0ui8z]
Kv.
Benni
Kæri Lúther
Þú hlýtur að vita jafn vel og næsti maður að aðstæður í snjó og aðstæður að sumarlagi eiga oft ekkert sameiginlegt. Þó þú hafir orðið kvektur við að sjá hvernig var umhorfs þarna um helgina þýðir það ekkert að þetta hafi verið glæfralegt í vetur á snjó. Svo annað að auki. Ef þú varst með öll tækin með þér afhverju gerðir þú ekki athugasemd þegar þú varst á staðnum. Varstu kannski bara svona ánægður að fá "FAR" og spotta upp í Setur að þú slökktir á græjunum þínum?
Orða tiltækið að "fá far" hefur fengið nýja merkingu hérna þar sem maður fær stundum að vera í "farinu" eftir einhver til að létta sér aksturinn.
Kveðja Fastur
Sæll þú hárprúði litli mömmudrengur
Það þýðir ekkert að vera að rífast og skammast í mér, eins og komið hefur framm er dómgreind mín á svo lágu plani að hún varla mælist, hvernig er hægt að ætlast til að maður eins og ég með greindarvísitölu langt undir meðallagi
geti fylgst með hvort kveikt er á GPS eða slökkt.Svo hef ég ekki dómgreind til að vera í einhverjum förum, ég veit ekkert um hvernig þau líta út
Svo eru komnar upp efasemdar raddir um að ég hafi yfirleitt verið á klakknum um helgina, heldur sást til mín á Lágafelli
en HVAÐ VEIT ÉG UM ÞAÐ.Ég hef ekki dómgreind til að gefa upp rétta staðsetningu hverju sinni sem ég hreyfi jeppann.En ég er með það nokkurn veginn á hreinu að ég tók eithvað í jeppann um helgina.
kv.Lúther
(sem á verulega bágt þessa dagana)
Kæri Lúther
En ég gleymdi alveg að spyrja að þvi .. fundust klippurnar?
Mér var líka boðið í leitirnar en var bara því miður bókaður annað. Alltaf gaman að leyta af klippum.
Kveðja Fastur
You must be logged in to reply to this topic.