Setrið, það fína rit

miðað við það sem þú hefur látið út úr þér við hin ýmsu tækifæri ætturðu stundum að hafa vit á því að þegja
Kveðja Lella

Þá verð ég að segja að blað var alveg frábært og félagatalið alveg undursamlegt. Smásálir eins og ég fá mikið útúr því að sjá nafnið sitt á brenti (ég fletti mér alltaf upp í símaskránni þegar hún kemur út) Greinarnar í blaðinu þvílíkar ritsmíðar að annaðeins hefur bara ekki sést. Hér eru allir að vinna frámært starf og skíturinn og leðjan sem stundum er skrifuð hér á vefinn er bara góð fyrir túnin.

Að öllu gamni sleptu þá verðum við að gera eitthvað skemmtilegt á 25 ára afmælinu, stóra ferð eða eitthvað álíka.

Á sá hinn sami þá líka að bera tapið ef auglýsingasala er undir væntingum? Á hann þá líka að sjá um innheimtu auglýsingatekna sjálfur?
Að selja auglýsingar og safna styrkjum fyrir klúbbinn er eitt það erfiðasta verkefni sem ég hef lent í. Maður var rétt nýbúinn að selja auglýsingu til fyrirtækis, þá var valtrað yfir fyrirtækið hér á spjallinu og í kjölfarið dró fyrirtækið auglýsingakaupin til baka. Einnig lenti ég í því að svara fyrir skítkast og afhroð sem hin ýmsu fyrirtæki hafa þurft að sitja undir hér á spjallinu í gegnum tíðina.
þess vegna segi ég að auglýsingasala fyrir þetta Setur fór langt fram úr væntingum og ekki verður hægt að treysta á að sum fyrirtækin kaupi auglýsingar aftur. Þó fer það eftir því hvernig yfirskítkösturum klúbbsins tekst til að drepa mannorð fyrirtækja á þessu ári, en þeim gekk ágætlega til í lok síðasta árs.
Þar fyrir utan má reikna með að ef einhver aðili hagnast á eða hefur tekjur af útgáfu Seturs þá fái hann virkilega að kenna á skítkösturum klúbbsins sem aldrei fyrr.
kveðja
Siggi

sæll Siggi
Þetta sem Balvin er að stinga upp á er alþekkt dæmi í blaðabransanum hér heima (og væntanlega erlendis líka), hef sjálfur tekið þátt í svona verkefni sem verktaki.
Verktakinn ber að sjálfsögðu alla fjárhagslega áhættu (tap/gróði) en hann skuldbindur sig til þess að sjá um efnisöflun, safna auglýsingum og gefa blaðið út.
Það er vonandi að atvinnumenn í auglýsingasöfnun sem myndu vinna þetta sem sitt aðalstarf ættu að geta náð inn meiri tekjum heldur en félagsmenn sem vinna þetta í frítíma sínum.
Á þessu er líka vankantar eins og gæði á efni í blaðinu, fjöldi auglýsinga, gæði í umbroti og prentun o.sfrv. Hvort þetta er vænleg leið fyrir klúbbinn veit ég svo sem ekki ….
kveðja
Agnar

Aðferðin sem Agnar vitnar til var notuð þegar bókin Farið var gerð. Ég held að það sé reynsla sem engan langi til að endurtaka.

Ferðaklúbburinn 4×4 er hagsmunafélag áhugamanna um fjórhjóladrifsbifreiðar. Hann er ekki fyrirtæki, og það er ekki markmið í sjálfu sér að hann velti sem mestum peningum. Hann stendur og fellur með starfi áhugamanna, sem hafa á bak við sig stóran hóp félagsmanna. Svona félag þarf að gefa út fréttabréf reglulega, en það er ekkert sem segir að það þurfi að vera litprentað eða af eitthverri tiltekinni stærð. Í flestum tilfellum er hægt að dreyfa frettabréfinu rafrænt. Í þessum efnum þurfa menn einfaldlega að kunna að sníða sér stakk eftir vexti.

Það er mjög varasamt þegar félagið verður háð stuðningi utankomandi aðila, hvort sem það eru olíufélög, ríkisstofnanir sem reyna að reka fjarskiptaþjónustu, eða eitthverjir aðrir.
Það á ekki að skipta við eða gera samninga við aðila sem reyna að ritskoða efni fréttabréfsins eða vefsíðunnar. (Í þessu felst svar við ítrekaðri spurningu Baldvins hér að ofan.)

-Einar