Setrið, það fína rit

Það er með ólíkindum að lesa þennan þráð. Það er búið að koma fram að stjórnin var að redda þessu fjandans blaði á síðustu stundu. Það var þegar búið að selja og fá greitt fyrir auglýsingar í blaðið, svo það bara VARÐ að gefa það út, ef svo hafði ekki verið þá hefði þessi útgáfa hreinlega bara verið blásin af. Enda hafði sá sem sá um efnið í blaðið hreinlega engan tíma til þess að sinna þessu og gerði hann blaðið með hangandi hendi og sótvondur yfir því að vera truflaður frá stjórnarstörfum og ferlaverkefninu, þar sem mikil verkefni hreinlega voru látin í bið í fyrsta skipti í heilt ár.
Og að halda því fram að um einhverja smá gagnrýni sé að ræða, er kjaftæði. Ég tel ekki að um neina venjulega eða málefnalega gagnrýni sé að ræða þegar notuð eru orð og setningar, einsog:
skrifuð af krakka í barnaskóla. Alveg stórbrotið að eyða pening í þetta pufff..
greinilega mátt missa sig.
Greinin um mælingaverkefni F4x4 er bara léleg.

Ég lít ekki á svona gagnrýni sem uppbyggilega að neinu leit, heldur einungis til þess fallna að rífa niður og pirra þá sem þó nenna að vinna fyrir klúbbinn. Það væri kannski fróðlega að sjá ferilskráningu þessara sömu aðila í vinnu fyrir klúbbinn.

Ég verð nú að taka undir það með Agnesi og Ofsa að þessi gagnrýni hér hefur á tíðum verið allt annað en málefnaleg.

Þetta blað barst mér nokkuð seinna en mörgum öðrum – enda vandratað fyrir póstinn hér í 101 og stórhættulegt að vera á ferli nema í lögreglufylgd.

En loksins komst blessaður pósturinn með blaðið og ég fékk að líta þetta "skelfilega" rit sem menn hafa keppst um að lýsa hér….

Þetta er að mínu mati eitt allra FLOTTASTA Setur sem að ég hef séð – ég lifi alveg af nokkrar mál- og stafsetningarvillur (enda reglulegur lesandi hér á spjallinu). Stórskemmtilegar greinar og viðtöl ásamt fullt af fróðleik sem að gaman er að hafa við hendina – að ógleymdu félagatalinu sem er virkilega gaman að fá og núna hvet ég þá sem sáu villur í sinni skráningu að leiðrétta hana hjá skrifstofunni.

Mér finnst þetta frábært framtak hjá þeim sem að þessu unnu og ég vona að þetta verði árleg jólagjöf frá klúbbnum til félagsmanna.

TAKK FYRIR MIG

Benni

Setrið er enn ekki komið til mín í Hafnarfjörðinn.
Var ekki allt sett í póst á sama tíma.
Kv.
Trausti Kári Hansson
ps. skemmtið ykkur nú vel yfir áramótinn og gleðilegt nýtt ár.

Og get því hvorki tekið undir níðskrif eða hrós þau sem hér fjúka á síðunni.

Árið !
Nú er Fréttablaðið ekki borið í Norðlingaholtið (veit ekki hvort það komi málinu nokkuð við) og ekki hefur Setrið látið sjá sig hér hjá mér yfir hátíðarnar. Mig er farið að blóðlanga til að skoða þetta umdeilda rit.
Má ég ekki bara renna við á skrifstofunni hjá þér Agnes og næla mér í eintak ?
kv
Agnar

Gleðilegt nýtt ár kæru félagar

Jón Ofsi svaraði gagnrýni á greininga um mælingarverkefni f4x4 hér að ofan, en mig langar aðeins að útskýra hvað ég átti við.

Mig langar til að taka þátt í ferlunarverkefninu og hef ég verið að fikta í Mapsource í haust og læra á þetta alltsaman. Ég er búinn að gera mér grein fyrir því hversu gríðarlega mikil vinna þetta er og það fær mann til að bera ómælda virðingu fyrir Jóni Snæland og félögum.

Ég hélt að greinin væri um ferlunarverkefnið – hvað væri búið og hvað væri eftir, en það er það sem ég er spenntur fyrir. En hún var að mestu sögulegt ágrip á því hvernig þetta hefur gengið fyrir sig hingað til. Allt gott og blessað.

Það sem ég átti við er að það að tala illa um einhvern án þess að segja við hvern er átt og ekki undir nafni, er léleg blaðamennska. Almennur félagsmaður var engu fróðari um hvað hafði átt sér stað þarna eftir lestur greinarinnar.
Það hefði frekar bara átt að segja þetta beint út og undir nafni, eins og þú gerðir í svari þínu hér að ofan Jón. Núna skil ég hvað þú áttir við.

Ætlun mín var alls ekki að reita neinn til reiði eða rífa niður í svaðið, ég sé það núna að þetta var kannski full hvasst til orða tekið og mun ég gæta orða minna í framtíðinni hér á vefnum.

Það er klúbbnum til framdráttar að gefa út svona flott blað og finnst mér alls ekki að eigi að leggja það niður, sérstaklega gagnlegar upplýsingar einkum fyrir nýja félaga. En það getur ekki verið meiningin að stjórnin sjái um þetta alfarið? Ritnefnd, landsbyggðardeildirnar og hinn almenni félagi ættu að geta lagt sitt af mörkum?

Ég segi allavega fyrir mig að mér finndist mikill heiður af því að fá að taka þátt í þessu og er alveg tilbúinn til að hjálpa til ef einhver sér gagn í því.

Takk fyrir gott blað

það er alrangt Pálmi að stjórn hafi séð alfarið um þetta Setur. Setrið er búið að vera í fullri vinnslu ritnefndar síðan í mai, eða þegar ritnefnd samþykkti tillögu mína um að gefa út veglegra rit en hingað til, ef til þess fengist styrkur í formi auglýsinga.
Strax í júlí var það ljóst að auglýsingasalan sem ritnefndin stóð fyrir, hefði farið fram út öllum vonum og hráefnissöfnun fór af stað. Notaði ég lungan úr sumarfríinu mínu í að skrifa og sanka að mér upplýsingum frá nefndum og deildum með mikilli hjálp starfsmanns klúbbsins. Efni sem leitað var eftir barst seint og sumt aldrei og þegar líða fór að landfundi ákváðum við að setja ritið í uppsetningu og prentun með því efni sem komið var, sem við gerðum. Því miður vorum við lent á háannatíma prentsmiðjunar sem gerði það að verkum að útgáfan tafðist enn frekar eða um 4 vikur til viðbótar.
Þegar hérna er komið til sögu var próförk send til ritnefndar og stjórnar og þótti litlaus og ekki innihalda nóg og mikið af skrifuðu efni. Nú var tíminn orðin mjög naumur og við að falla á tíma við þá sem höfðu keypt auglýsingar í ritið og félagsmenn sem margir voru bíðandi langeygir eftir næsta Setri.
Þarna tók Jón Snæland af skarið og hóf að sanka að sér meira efni í blaðið. Ég og Jón settumst svo niður fyrstu vikuna í Desember og skoðuðum það efni sem bæst hafði við til viðbótar, samþykktum herlegheitin og sendum allt í uppsetningu í annað sinn og prentun í framhaldi af því mánudaginn 17 Des. Starfsmaður klúbbsins fór svo miðvikudaginn 19 Des og leysti blaðið úr prentun og setti í pökkun og póst.
Eins og sjá má á þessari atburðarás gekk allt mjög hratt á siðustu stundu og var Jón driffjöðurin í því og á heiður og þakkir skyldar fyrir.
Þetta er í fyrsta skipti sem ritnefndin ræðst í svona stórt verkefni og má segja að vaðið hafi verið útí óvissuna. Núna á nýju ári verður svo tekin ákvörðun um það hvort svona stórt og veglegt Setur verði gefið út aftur og ef ákvörðunin verður sú þá vitum við allavega hvað við erum að gera, hversu mikil vinna og mikill tími fer í það og síðast en ekki síst hvenær ógjörningur er að komast að hjá prentsmiðjum fyrir jólabæklingum. Einnig verður gaman að geta leitað til þín Pálmi eftir hjálp því öll hjálp er miklu meira en vel þegin.
Nýárskveðja
Siggi
ritstjóri Seturs.

Útgáfa Setursins hefur verið rekið með bullandi tapi fyrir klúbbinn undanfarin ár og raddir sem vilja leggja þetta bákn niður verða sífellt háværari. Þess vegna ákváðum við að fara í þetta verkefni með fyrirvara um að það væri ekki gert með tapi.
Að borga utanaðkomandi aðila fyrir að gera Setrið get ég ekki ímyndað mér að væri annað en nokkra milljóna króna útgjöld fyrir klúbbin, sem seint væri hægt að réttlæta.
Þrátt fyrir rífandi góða auglýsingasölu gerði það lítið meira en að borga prentun og dreifingu.
Nánar ætla ég ekki að fara útí fjármál ritnefndar eða klúbbsins á opnum vettvangi, farið verður yfir þetta á aðalfundi í vor.
kveðja
Siggi
Ritstjóri

Jæja blaðið var að koma inn um lúguna núna flott blað og ekkert útá það að setja
En skemtilegt að fá afsláttarkortið frá Regatta sem var útrunnið 31 des 2007 sent heim til sín 2 jan 😀
mbk Guðni

Ég er einn af þessum fundalötu mönnum sem teljast til meðlima klúbbsins. Mér finnst ágætt að fá Setrið sent heim öðru hvoru til að fá yfirlit yfir það helsta sem er að gerast í klúbbnum og ýmsar gagnlegar upplýsingar. Ég vona því að útgáfunni verði haldið áfram og vil hrósa því ágæta fólki er leggur til tíma og starfskrafta til að halda henni gangandi.
Nýjasta heftið hef ég að vísu enn ekki fengið sent heim til mín, en sá það hjá kunningja mínum og sá ekki betur en að þar væri fullt af gagnlegum upplýsingum auk ýmiskonar léttmetis. Blaðið er mjög veglegt og vel úr garði gert.
Svo ég bíð bara spenntur við póstlúguna í þeirri von að fá eintak!