Setrið

Sælir félagar.

Þetta á sér þá skýringu að nú er Setrið aðeins sent þeim sem hafa greitt félagsgjaldið. það hafa því miður ekki allar deildir sent inn lista yfir þá félaga sem hafa greitt hjá þeim og því höfum við ekki sent þeim Setrið. Við eigum þó von á að þettá klárist í þessari viku og þá verður Setrið auðvitað sent þeim sem hafa greitt.

Kveðja,
Emil

Mér sýnist menn vera aðeins að misskilja málið. Þetta stafar ekki af því að félagsmenn á Suðurnesjum séu upp til hópa ekki búnir að borga félagsgjöld, heldur vantar að senda upplýsingar um það til móðurfélagsins. S.s. stjórnin á Suðurnesjum þarf að senda gjaldkera lista yfir greidd félagsgjöld þannig að Heiðar og félagar hans komist á listann yfir þá sem eiga að fá Setrið sent. Þar liggur s.s. skýringin á að heilu deildirnar fá ekkert Setur.

Kv – Skúli

Vill koma á framfæri að gefnu tilefni.

Að stjórnir landsbyggðadeilda verða að vita af því ef RVK stjórn móðurfélagsins 4×4 ákveður slíkt
þ.e.a.s.dagsetningar, því engar uppl. lágu fyrir frá þeim um skil fyrir vissan tíma á lista yfir ógreidd félagsgjöld ,þannig að félagsmenn með ógreidd félagsgjöld fengju ekki Setrið sent í mars (sem er hið besta mál)en verður þá að framkvæmast í réttri röð eins og undanfarin ár,

Kall eftir listanum kemur ekki til okkar fyrr en 10.mars í mjög einkennilega orðuðu bréfi frá starfsmanni 4×4 þar sem hann óskar eftir lista frá deildunum yfir ógreidd félagsgjöld STRAX ,sem var svarað þannig af mér ,"Sendu út Setrið á alla okkar félagsmenn strax,listi yfir ógreidda félagsmenn berst þér á næstu dögum".

Verð að segja að þessi ráðstöfun að senda ekki Setrið út 1-3.mars eins og venja er ,og óska síðan eftir lista frá deildunum yfir greidd félagsgjöld þann 10.mars STRAX svo hægt sé að senda út Setrið í mars á greidda félagsmenn er mjög sérstök og klúðursleg.

Við í Vesturlandsdeild höfum ca.160 skráða félagsmenn ,ca.145 hafa greitt félagsgjöld og bíða eftir Setrinu sínu NÚNA en ca.15 eru ógreidd.
Síðan barst í dag þann 15.mars annað bréf frá starfsmanni 4×4 þar sem hann ítrekar ósk sína svo hægt sé að senda út Setrið (athugið það er komin 15.mars),þrátt fyrir að listi yfir ógreidda félaga hafi verið sendur þann 14.mars til hennar.

Það er reyndar svolítið sérstakt að skynja hvursu mikilvægt Setrið er okkur jeppamönnum ,hálfgerð fíkn jafnvel ,því menn eru haugfúlir yfir þessum drætti á málgagni okkar á aðal vetrarferðatímanum þessa dagana.

Úr þessu er líklega best að fá bara mars og apríl Setrin á sama tíma, 1-3.apríl.?

Með kveðju,
Siggi.
Vesturlandsdeild

Sælir félagar.

Ætli það sé ekki best að ég reyni að útskýra þetta aðeins.
Þið reynið svo sjálfir að greina "samhengið á milli raunveruleikans og staðhæfinganna".

Það má vel vera að vinnulag okkar í stjórninni varðandi þetta þurfi að endurskoðast. það munum við líka gera nú í vikunni.

Það er rétt sem fram hefur komið að greiðsluseðlar voru sendir út seinna en venjulega. Fyrir því eru ýmsar ástæður eins og samningar við Skeljung, útgáfa kortanna sem við notum sem félagsskýrteini og fleira. M.a. þess vegna var Setrið sent til allra félaga í janúar og febrúar, en að öllu jöfnu eru eingöngu þeir sem hafa greitt sem fá þau blöð.

En það kemur mér á óvart að það sé ekki forráðamönnum deildanna ljóst að þær þurfi að senda okkur lista yfir þá félaga sem hafa greitt gjöldin. það er nú ekki eins og þetta sé í fyrsta skipti sem þetta fer fram. Og svo hafa flestar deildir sent okkur þessa lista óumbeðnar.

En hvað um það. Til að leysa þetta mál munum við breggðast við með því að senda Setrið út sem fyrst. Límmiðar verða prentaðir í kvöld, þannig að blaðið fer í póst á morgun eða föstudag.

Kveðja,
Emil Borg

Þetta er greinilega hið mesta klúður, en ég held að menn ættu að hverfa aðeins úr skotgröfum ;o) Það má læra af þessu og reyndar ef maður pælir í því liggur það líklega í hlutarins eðli, að venjur og vinnuferli lifa ekki mjög vel í stóru félagi sem skiptir ört út fólki í stjórnum og nefndum. Mér sýnist að það hafi verið gengið út frá því að deildir sendi reglulega lista yfir greidda félaga, það væri bara í föstu ferli og þyrfti ekki að hafa áhyggjur af því. Ég stóð allavega í þeirri meiningu að svo væri. En af ofangreindum ástæðum (s.s. þetta með endurnýjun í stjórnum) er líklega ekki hægt að ganga út frá því og þó slíkt ferli sé komið á er ekki víst að það lifi.

Við finnum okkur bara eitthvað betra fyrirkomulag, starfsmaður sendi alltaf kringum 1. hvers mánaðar áminningu um það eða eitthvað slíkt og sendum öllum Setrið sem það vilja. Þá ætti þetta ekki að vera vandamál og við getum snúið okkur að skemmtilegri umræðuefnum á vefnum. Hvað finnst mönnum t.d. um að taka Willisinn úr merki félagsins og setja þar Land Rover?

Kv – Skúli

Mér finnst það allavega jákvætt að hafa Land Rover þarna (mætti reyndar mín vegna vera í sparifötum 😉 )

kv.

Þorsteinn Þ.