Setrið 25 ára 2013

Góðan daginn Skálanefnd,
ég er meira en fús í að taka til hendinni og aðstoða við einhver verk.
Einnig er ég með meirapróf og get ekið vörubíl ef þarf.
Gott væri að vita með fyrirvara hvenær eitthvað stendur til svo auðveldara sé að skipuleggja fyrirhuguð störf í Setrinu.
Kveðja [url=http://www.jakinn.is/skrar/Nidurrif31.jpg:2zp590xh]Hjörtur[/url:2zp590xh] og [url=http://www.jakinn.is/skrar/Nidurrif32.jpg:2zp590xh]JAKINN[/url:2zp590xh].is

Fyrst við erum að ræða Setrið langar mig að varpa fram vangaveltu sem þó hefur verið rædd áður að ég held. Mig svíður stundum þegar ég kem í Setrið og kyndi allt húsið til að hýsa örfáar hræður. Er hægt með einföldum hætti að útbúa kyndinguna þannig að það sé hægt að kynda bara hluta hússins? T.d. kynda bara innsta hlutann, sleppa því að hita anddyrið og neðrarýmið/fremra svefnloftið, sleppa vatnssalernunum……?

Hæ hæ allir saman.
Þetta hljómar mjög skemmtilega, líst vel á þessar hugmyndir og væri mikið til í að aðstoða við þetta að einhverju leiti. Þar sem þetta er mjög skemmtilegur skáli og kostar ekki efrihlutann af búknum á manni að gista, þá er nú þetta bara verða einn af fáum skálum sem hægt er að gista í. Ég verð memm í einhverri vinnuferðinni

Kv Bjarki R-2405

Sælir félagar. Við í skálanefndinni viljum þakka undirtektirnar sem hafa komið hér að spjallinu. Þær framkvæmdir sem taldar eru upp utan skemmubyggingarinnar eru hlutir sem við ætlum að reyna með hjálp ykkar félagsmanna að klára í sumar og hafa verið í farvatninu hjá okkur um nokkra hríð en ekki komist í framkvæmd vegna annara og brýnni verkefna. Skemmubyggingin aftur á móti er háð samþykki stjórnar og aðalfundar klúbbsins og verður ekki hafist handa með skipulagningu þess verkefnis fyrr en eftir aðalfund ef af því verður. Þá er það von okkar að við náum að steypa sökkla og koma nýjum olíutank fyrir á undirstöðum þeim sem hann á að fara á og færa gáminn með öllu því sem því fylgir. Það verði áfanginn á þessu ári. Á næsta ári, afmælisárinu yrði svo skemman reist utan um tank og gám og kláruð svo sem unnt er. Ef í þessi verkefni öll verður farið í sumar sjáum við fram á annasamt starfstímabil frá seinnipart júní og fram til loka september eða október og þurfum góða aðstoð ykkar sem hafið áhuga á að láta gott af ykkur leiða við uppbyggingu og viðhalds skálans okkar. Þetta er samt allt háð veðri og færð svo sem vera vill þegar Setrið er annarsvegar. Við skálakallar látum svo frá okkur heyra þegar við erum byrjaðir að setja niður skipulag sumarsins og hvernig við komum til með að haga hlutunum. Með kv. Skálanefnd.

Jú ég er mikið til í þetta eins og Teddi segir og er með meiraprófsréttindi ef á þarf að halda. Mikið líst mér vel á þetta framtak skálanefndarmanna bæði það sem framkvæma á og að pósta því svona á netið okkur til upplýsinga og fróðleiks. Þið eruð flottir
kv Gísli Þór