setrið

Við einmitt vissum af þessari ferð innúr þar sem illa hafði verið gengið frá skálanum og langar okkur því að vita hver hafi verið þarna innfrá áður og spyrjum því enn og aftur, veit einhver hver er búinn að vera inni í setri nýlega?? veit enginn neitt eða þorir enginn að segja neitt??

Ætli þá yrði ekki meira um innbrot sem er væntanlega ennþá dýrara. Hver er reynslan þar sem talnalásar eru ?
kv Lella

Hvernig stendur á því að við getum ekki læst skálanum okkar vegna hættu á innbrotum en allir aðrir læsa sínum skálum? Erum við með eitthvað verra fólk innan okkar raða en önnur félagasamtök?
Bæði Útivist og FÍ læsa sínum skálum og þar hafa almennir félagsmenn ekki lykla til að vaða inn og út eftir behag, það mætti segja mér að sú ráðstöfun yrði til svipaðra vandræða og við eigum í núna.
Suðurnesjadeild er með skála í Landmannahelli á leigu yfir veturinn. Þar eru einungis tveir lyklar í höndum deildarinnar, einn hjá formanni deildarinnar og annar hjá formanni skálanefndar. Ekki höfum við lent í því að okkar eigin félagsmenn brjótist inn í skálann og öll skálagjöld skila sér inn yfir veturinn.
Það er skömm að því fyrir félagsmenn okkar að ekki skuli vera hægt að umgangast eigur klúbbsins með virðingu en svona er þetta orðið og þurfum við kannski að horfast í augu við sannleikann og haga málum eftir því.
Kv.
Barbara Ósk

Takk fyrir þetta svar Axel.
Mér leikur forvitni á að vita hvernig innheimta skálagjalda hefur verið í Setrinu síðastliðið ár. Þar sem ég veit að á fyrrihluta árs voru litlar heimtur en nokkuð hefur verið af leigu til utanaðkomandi hópa á árinu sem hafa skilað góðum tekjum.
Til samanburðar má benda á að Suðurnesjadeildin sem hefur Landmannahelli á leigu frá október til maí og skálagjöldin skila sér öll, hefur í samanlagðar leigutekjur á árinu 2008 um tvöhundruð þúsund krónur.
Kv.
Barbara Ósk

Því miður er það rétt hjá Barböru að virðing fólks fyrir hlutum fer þverrandi, þess ber margt merki í þjóðfélaginu. Er kannski mögulegt að einhverjir þeir sem hafa fengið lánaða lykla að Setrinu hafi látið smíða sín eigin eintök til að geta haft frjálsan aðgang að húsinu þegar þeir vilja? Ætla ekki að fullyrða um það eða saka nokkurn um slíkt en þessi möguleiki er vissulega fyrir hendi þegar menn hafa lánslykla undir höndum. Því tel ég að því fyrr sem talnalás verður komið á, því betra. Og ég held að af fenginni reynslu af því að hafa komið að innbroti í Setrinu í haust þá væri betra en ekki að smíða skálka fyrir glugga með lásum hvers lyklar væru geymdir inni í húsinu því ég vill heldur koma að húsinu víggirtu og þurfa að taka skálka frá gluggum en að þurfa að lenda í því aftur að koma að húsinu eftir innbrot. Það er ekkert gaman að þurfa að byrja á því þegar maður er kominn á áfangastað að sópa saman glerbrotum, smíða upp í glugga og þrífa upp óhroðann eftir þá sem ekki hafa snefil af virðingu fyrir eigum annarra. Hitt er svo annað mál hvort að þessar aumingjans litlu sálir sem stunda þá iðju að umgangast eigur annarra eins og skít mundu þá kannski taka upp á því að einfaldlega kveikja í kofanum undir því yfirskyni að ef við fáum ekki að njóta, þá skal enginn fá að njóta. Við, sem viljum njóta Setursins á heilbrigðum forsendum og borga okkar skálagjöld þurfum að hugsa þetta mál til enda. Kveðjur, Logi Már.

Þeir voru náttúrulega mun fleiri, en núna er nýlega búið að skipta um cylindra í húsunum uppfrá og því ekki komnir margir lyklar í umferð, ekki veit ég hvort þeir séu 30 eða fleiri en þeir eru allavega ekki jafn margir og þeir voru.

Hlynur, að áhuginn á Setrinu sé ekkert að takmarkast meðal félagsmanna heldur að vandamálið sé frekar að menn séu að ferðast minna en áður vegna olíuverðsins og almenns efnahagsástands sem, eins og menn vita, hrundi í haust með ófyrirsjáanlegum afleiðingum fyrir marga. Það er einfaldlega þannig að menn verða frekar að horfa í peninginn í dag, hvort hann fer í brauð handa fjölskyldunni eða olíu á jeppann. Held að þetta sé miklu frekar vandamálið heldur en eitthvað áhugaleysi á Setrinu sem slíku. Kveðjur,Logi.