Setrið

Setrið var mjög fínt í þetta sinn hvað varðar efni, en hvað varðaði frágang og texta hefði verið hægt að gera betur. Ég mæli eindregið með því þegar verið er að vinna með texta sem á að fara í blaðið, að það sé að minnsta að kosti lesið yfir, annað hvort af einhverjum sem er góður í íslensku eða hreinlega að nota forrit sem heitir "Púki" og fæst hjá frisk.is í stað þess að láta stafsetningavillurnar fara með í blaðið.

Annars bara frábært blað eins og við var að búast.

Sælir

Það hefði nú verið gaman að heyra meira af þessum beltabúnaði sem var undir Hiluxinum.
Ég man eftir þessu þegar ég var krakki og að strákarnir voru að prufa þetta.

Var þetta ekki alveg ómögulegur búnaður? Virðist vera hálfgert pjátur, óþjált og reyna mikið á legur og fl..

Eða var þetta kannski bara tær snild?
Er þetta til ennþá einhversstaðar.

Annars er Setrið alltaf stór fínt, en það væri mér alveg að meinalausu þó að það væri bara gefið út hér á netinu, en það væri sennilega ekki eins mikil formleg heit yfir því þá,

kv. Atli E.

Ég verð nú að segja fyrir mitt leyti að mér finnst alveg óþolandi að lesa Setrið þegar það er uppfullt af stafsetningarvillum. Það er undantekning að maður lesi grein þar sem ekki vantar inn stafi, ekki settur stór stafur í byrjun setningar og ekki bil á eftir kommum, ý í stað í og öfugt, svo eitthvað sé nefnt. (Nýjasta tölublað er reyndar skárra en oft áður). Það er eðlilegt að sjá slíkar villur í skrifum t.d. hér á síðunni en þegar er verið að hafa fyrir því að gefa þetta blað út með litmyndum og flottheitum er sorglegt að þetta skuli skemma fyrir (allavega fyrir þeim sem kunna að skrifa íslensku rétt).

Ef maður býr á Íslandi og er íslendingur ætti maður að nenna að læra að skrifa hana rétt. Annars getum við bara öll talað okkar eigin útgáfu og sleppt því að kenna íslensku í skólum.
Ef þeir sem skrifa í þetta blað á vegum ritstjórnar kunna ekki stafsetningu ættu þeir að fá einhvern til að renna yfir textann áður en hann er sendur í prentun. Þetta er ekki það mikill texti fyrir hvert tölublað að það ætti að vera stórmál.

Ég bara varð að tjá mig aðeins um þetta því þetta er búið að pirra mig í rúmt ár og er farið að minnka verulega áhuga minn á að lesa Setrið.

Með íslenskri kveðju,
Valdi

P.S. Ekki koma svo með einhver lesblindusvör því fólk sem er haldið þeim kvilla ætti ekki að sjá um útgáfu á félagsriti.

Af því ég lét það einu sinni frá mér fara á þessum vettvangi að ég kynni stafsetningu til hlítar þá rennur mér blóðið til skyldunnar. Ritstjórn Setursins má prófa að hafa samband við mig þegar næsta tölublað er í burðarliðnum og skal ég reyna að útrýma prentvillum. Heimilisfangið er einhversstaðar í bókhaldi félagsins. Lifið heil- hálf, eða í pörtum.
Þorvaldur Sigurðsson

Maður er bara orðinn spenntur að fá næsta Setur, þó ekki sé til annars en að finna stafsetningavillu

Væri ekki hægt að verðlauna á einhvern hátt þann sem er fyrstur að finna og birta hér á vefnum stafsetningarvillu sem kann að leynast í október heftinu?

ÓE

Hvar er setrið mitt,hef ekki fengið neitt setur.
Ætlar þessi vitleysa aldrei að taka enda,það er fínt að skrifa smá vitlaust.
Maður getur þá hlegið aðeins af . , . _
kv-JÞJ

Sem formaður ritnefndar þetta árið þakka ég alla umfjöllun um blaðið því að það er okkar stolt sem að því vinna og við höfum lagt mikla vinnu í þetta og þið verðið að athuga að það skiptir ekki máli hvort að fólk sé með lesblindu í ritnefnd á það ekki að skipta neinu máli svo framarlega sem að það er ritskoðað eftir þá. Mér finnst alltaf einhverjir eða er það bara þessi eini sem þarf að setja út á villur en hvar er þetta fólk þegar aðalfundur er afhverju býður það sig ekki fram til að starfa í þessari nefnd sér í lagi að það kunni íslensku og er gott í stafsetningu. Ég tel mig þokkalega góða í íslensku og í íslenskri stafsetningu þá getur alltaf hlaupið framhjá manni 1 n eða 2 nn og í og ý ef því er að skipta þessi vinna er í sjálfboðavinnu og þegar fólk vinnur alla daga og þarf að lesa yfir um miðnætti fyrir prentun getur allt gerst. Ég hef gert mitt besta til að komu þessu á laggirnar og ef að þú sem býður þig fram við að lesa yfir blaðið þá munum við þiggja það með þökkum en það er þitt að hafa samband við okkur svo að við getum náð í þig aftur. Jú það er þú sem ert að segja að við hin séum ekki íslensk vegna málfræðikunnáttuleysi ef að þú getur hjálpað okkur vertu velkominn. Sendu línu um þig og síma á ritnefnd@f4x4.is og við höfum samband fyrir næstu útgáfu.

kv. formaður ritnefndar Halldóra

P.S svo annað mál ég get ekki skráð mig inná þennan fína vef ennþá undir mínu nafni eftir að hann breyttist