setja rásir inn

[url=http://www.f4x4.is/new/misc/default.aspx?file=31/25:3gcwbbkf][b:3gcwbbkf]Hér[/b:3gcwbbkf][/url:3gcwbbkf] geta menn svo séð áætlaða dreifni endurvarpanna.
kv
AB

Allar rásirnar sem Agnar nefnir hér að ofan eru samkvæmt leyfi Ferðaklúbbsins 4×4 og allir meðlimir hafa rétt á að nota þær (allar deildir). Ástæðan fyrir meintum átthagafjötrunum er nú ekki flóknari en það að á rásum klúbbsins er verið að samnýta tíðni en fá fleiri rásir með að hafa sítóna. Með því að setja höfuðáttirnar inn átti að reyna að fækka þeim tilfellum þar sem tíðni væri upptekin vegna notkunar á annarri rás (með öðrum sítón). Ég man bara ekki hvort það liggi nema tvær eða hugsanlega þrjár tíðnir á bak við þessar átta beinu rásir.
Til að flækja þetta eiga svo einhverjar landsbyggðardeildir sínar eigin rásir sem eru skráðar á deildina en það eru ekki rásir 51 – 58.

Ég vil benda mönnum á að fyrirbærið "Norðurlandsdeild" er ekki til. Á Norðurlandi eru FJÓRAR deildir. Húnvetningadeild, Skagafjarðardeild, Eyjafjarðardeild og Húsavíkurdeild. Þessar deildir hafa rás 52 sem sameiginlega "heimarás". Á sama hátt væri eðlilegt að Vestfjarðadeild og Vesturlandsdeild notuðu báðar 51 sem "heimarás".

Ég veit ekki betur en að klúbburinn sé með 4 sítónstíðnir sem skipt er upp í 8 rásir, og eru "fjórðungsrásinar" innan þeirra. Að auki eru síðan 6 tíðnir fyrir endurvarpana(með Hlöðufelli), en það þarf 2 tíðnir í hvern endurvarpa (Tx og Rx).
Endilega leiðréttið mig ef þetta er vitlaust hjá mér.

Almennur notandi þarf ekkert að vita um þessar tíðnir eða hvernig þær eru samsettar. Hann þarf bar að þekkja "rásirnar".

Tíðnirnar eru eign þess sem er skráður fyrir tíðninni og greiðir af henni árgjald. Sá sem á tíðnina ræður alfarið hverjum er heimilt að nota tíðnina.

VHF stöðvarnar eru þannig að hver tíðni er forrituð í minnishólf stöðvanna. Elstu VHF stöðvarnar voru þannig að minnishólfin höfðu einungis númer (enga texta). Hvert minni er kallað rás (svona af gömlum vana frá CB rásunum). Til að koma skipulagi á hlutina tók Siggi Harðar sig til á sínum tíma og bjó til lista yfir "rásirnar" eða hvaðað tíðni/tíðnir skyldi setja í hvert minnishólf. Þetta var nauðsynlegt til þess að sama tíðni væri forrituð í sama minnishólf (rás) í öllum VHF stöðvum. Nýrri VHF stöðvar eru með texta fyrir hvert minnishólf auk númers eða jafnvel bara texta. Númerakerfið er nú farið að riðlast aðeins, sérstaklega hjá einkaaðlium, en sem betur fer eru tíðnir F4x4 ennþá allar forritaðar í sömu minnishólf og mikilvægt að við höldum því áfram á meðan enn eru í noktun VHF stöðvar sem aðeins sýna númer.

Nýrri VHF stöðvar sem geta sýnt texta eru yfirleitt forritaðar með heiti viðkomandi tíðni og númerinu á undan eða að númerinu er einfaldlega sleppt og bara notað texti. Nokkur dæmi um rásir einkaaðila sem ekki hafa fasta hefð fyrir númeri heita:
Snaeland
Fulagengid
Kerlingarfjoll
o.s.fr

Beinar rásir eru með einni tíðni en endurvarparásir eru með tveim tíðnum (ein fyrir sendingu og önnur fyrir móttöku).

Rásanúmer (minnisnúmer) sem hefð er fyrir að F4x4 félagar noti eru eftirfarandi:

42 FÍ endurvarp (er eign Ferðafélags Íslands en F4x4 má nota)
44 4×4 endurvarp (eign F4x4)
45 Almenn rás (er ekki eign F4x4 en allir mega nota þessa rás)
46 4×4 endurvarp (eign F4x4)
47 4×4 beint almenn (eign F4x4)
48 4×4 beint almenn (eign F4x4)
49 4×4 beint almenn (eign F4x4)
50 4×4 beint almenn (eign F4x4)
51 4×4 beint Vesturland (eign F4x4)
52 4×4 beint Norðurland (eign F4x4)
53 4×4 beint Austurland (eign F4x4)
54 4×4 beint Suðurland (eign F4x4)
58 4×4 endurvarp Hlöðufelli (eign F4x4)

Athugið að þó að rásir 51 – 54 séu kallaðar eftir landshlutum þá veitir það viðkomandi landshluta í sjálfu sér landshluta engan rétt á þeim umfram aðra F4x4 félaga. F4x4 greiðir af öllum þessum tíðnum (rásum) og hefur ráðstöfunarrétt fyrir þeim. Við höfum alveg í hendi okkar að skipuleggja í sameiningu með landsbyggðadeildum hvaða rás verður "heimarás" á hverju svæði en allir félagar í F4x4 hafa rétt á að nota allar þessar rásir og ég er sammála því að skiptingin Vesturland-Norðurland-Austurland-Suðurland er ekkert sú heppilegasta.

Höfum í huga að við erum með 8 beinar rásir til að velja um og ég held að það þurfi smá þvergirðingshátt til að lenda í árekstrum með að hafa ekki lausa rás til að tala á.

Eftirfarandi rásanúmer (minnishólf) eru notuð fyrir öfugar endurvarparásir (einfaldlega búið að víxla sendi og móttökutíðni)
82 FÍ öfugt endurvarp fyrir 42
86 4×4 öfugt endurvarp fyrir 46
88 4×4 öfugt endurvarp fyrir 44

Í beinu framhaldi af þessu er spurning hvort við veljum ekki 85 sem öfuga endurvarparás fyrir rás 58.

Reynar hafa öfugu endurvarparásirnar litla þýðingu og þær eru lítið notaðar, þær nýtast helst til að tékka á því hvort aðrar stöðvar eru rétt forritaðar.

Nokkrar landsbyggðadeidlir eru með eigin tíðnir, greiða af þeim sjálfar, og þær hafa sjálfar fulla lögsögu yfir þeim. Hefð er fyrir að setja þessar tíðnir í eftirfarandi minnishólf (rásir):
55 4×4 beint Borgarfjörður eystri & Hérað
56 4×4 beint Vesturlandsdeild (Akranesi)
57 4×4 beint Suðurnes

Fyrir hönd fjarskiptanefndar
Snorri

Beinu rásirnar eru á bilinu ca 152,5 – 153,3 Mhz.
Endurvarpahlustun (sending á stöð) er á bilinu 163,3 – 164,2 Mhz.
Endurvarpasending (móttaka á stöð) er á bilinu 154,1 – 155,0 Mhz.

Val á loftnetum er ekki einfalt mál og snúnara en virðist í fyrstu, sérstaklega þar sem þau þurfa að geta sent út á breiðu tíðnibili eða allt frá 152 – 164 Mhz. Bilið er um 8% sem er mikið í þessum fræðum. Yfirleitt er þetta leyst með því að stilla loftnetin á að vera best á ca 154-155 Mhz og "fórna" þannig aðeins í sendingu á endurvarpana. Endurvarpararnir eru nær allir með mjög næm loftnet í hlustun sem bætir það upp að hluta.

Að öllu jöfnu virðist 5/8 eða 1/4 bylgjulengdartoppar á miðju stálþaki koma best út og þeir eru ódýrir.

Margir eru hrifnir af bátaloftnetum, sérstaklega þar sem þau þurfa ekki jarðflöt (eins og bílþak) á móti, en ég leyfi mér að efast um að til séu meðfærileg bátaloftnet sem ganga á öllu þessu tíðnibandi og kosta ekki heil ósköp. Ef menn hafa þó fundið slík lofnet væri gott að frétta af því.

Ég hef fundið bátaloftnet sem gengur á mjög breiðu bandi (ca 140-170 Mhz) en það er svert og hátt, yfir 2m

Auðvelt að finna hundruðir af VHF loftnetum á netinu. Gallinn er hins vegar sá að mjög takmarkarðar upplýsingar eru yfirleitt gefnar um þessi loftnet. Varist að falla fyrir loftnetnum sem má klippa til fyrir eina tíðni sem má vera á bilinu 144-170. Það sem telur er tíðnibilið eftir að búið er að klippa loftnetið til. Einnig þarf að hafa fyrirvara á mögnunartölunum sem gefnar eru, t.d. 6db. Yfirleitt er gefin mesta mögnun sem næst fyrir einhverja heppilegustu tíðni fyrir viðkomandi loftnet. Sjaldan er gefið upp hvernig þessi mögnun heldur sér á öllu tiðnisviðinu sem nota þarf.

Margir munu vafalítið hafa skoðun á þessu, vinsamlega hafið framangreint í huga áður en þið skrifið athugasemdir.

Snorri.

Hlöðufellið er komið inn aftur. Við höfum samt ekki hugmynd um hvað er í gangi þar uppi núna, enda fór það í lag alveg sjálft.

Hvað varðar flottu útbreiðslumyndirnar af endurvörpunum, þá er sá sem gerði þær ekki lengur í fjarskiptanefnd og við verðum að blikka hann voða fallega og reyna að múta honum með bjór til að hafa hann góðan. Eigum við ekki að segja að með nýja vefnum verði allt uppfært og gert voða fínt.

Hlynur
Fjarskiptanefnd

meinti nú reyndar yfirlitskortið sem Simmi var að dreifa á sýningunni. [url=http://www.radioehf.is/:1rp0uham][b:1rp0uham]Þetta [/b:1rp0uham][/url:1rp0uham] kort uppfært.
Hefur einhver reynt að lykla Hlöðufellið inn frá Grímsfjalli ?
kv
AB

ég sendi dreifingarmyndina á meili til vefnefndar og fjarskiptanefndar og hún hefur ekki skilað sér.
Ég verð að prófa aftur. Taka 2 kemur