Sérskoðun…… og hvað þarf til þess.

1 bíllinn þarf að standast aðalskoðun.
2 Það þurfa að vera brettakantar sem hylja allt mynstur dekkjanna og drullusokkar sem held ég þurfa að ná 15 cm niður fyrir miðju hjólanna. Ef það eru stigbretti sem eru jafnbreið eða breiðari en dekkjamynstur þarf ekki drullusokka að framan.
3 Það þarf að vera viðurkenndur sjúkrapúði með innihaldi sem er fyrir stór, meðal og lítil sár, skæri o.s.frv.
4 Slökkvitæki með duft slökkviefni að minnsta kosti 2 kg.
5 Þyngdarseðill af viðurkenndri vikt. (t.d. við hliðina á Ingvari Helgasyni í saltgeymslunni, Eimskip og örugglega víðar). Þetta kostar skít á spítu. ATH bíllinn þarf að hafa fullann eldsneytistank, varadekk, verkfæri og aðra sjálfsagða fylgihluti.
6 Hraðamælaskírteini er langdýrasti parturinn. Þetta krefst viðurkenndra vinnubragða og sárafá fyrirtæki virðast gera þetta. VDO er eitt þeirra.
7 Þú þarft að koma á stærstu mögulegum dekkjum til þess að hægt sé að mæla hæð, ljóshæð og fulla breidd bílsins.
8 Notaðu eðlilegar og viðurkenndar perur í aðalljós.
9 Ef þú hefur látið lengja stýrið þarftu að hafa gæðavottorð yfir það s.s. röntken mynd af suðu.
10 Þú þarft að standa klár á öllum breytingum og láta skrá þær.

Mig minnir að þetta sé það helsta sem var athugað með Ísuna mína í sumar. Hún féll á því að það voru ekki viðurkenndar perur í aðalljósunum.

Kv Isan