This topic contains 37 replies, has 1 voice, and was last updated by 
-
Topic
-
Á eyjunni er enn og aftur pistill eftir Pál Ásgeir stjórnarmann í Ferðafélagi Íslands þar sem hann „hraunar“ yfir landsbyggðarfólk http://blog.eyjan.is/pallasgeir/2010/10/07/landsbyggdarvael/#comments
Ekki skil ég af hverju Ferðfélag Íslands velur mann með slíkar skoðanir í stjórn sína, en Forseti ferðafélagsins Ólafur Örn Haraldsson kom með þennan mann á fund Samút, sem væntanlegan fullrtúa FÍ í Samút, en af sjálfsögðu var honum algjörlega hafnað af öðrum félögum í Samút.
Hvert stefnir FÍ? Er Ferðfélag Ísland orðið gegn eigin stefnu sem sett var á stofnfundi þess félags http://fi.is/um-fi/stofnun-felagsins/ en skoðanir stjórnarmanna spegla yfirleitt stefnu þess félagskapar sem þeir eru stjórnarmenn í.Árni Pétur Hilmarsson skrifaði þennan ágæta texta hér að neðan og veitti hann mér góðfúslega leyfi til að byrta hann hér.
kveðja Dagur
“ Árni Pétur Hilmarsson // 9.10 2010 kl. 11:43
Eitt sinn heyrði ég nýyrðið „moldarbarðsmiga“ . Þegar ég spurði orðsmiðinn að merkingu orðsins svaraði hann: ,,Þetta er einstaklingur sem kemur til æskustöðvanna á eins til fimm ára fresti, andar djúpt að sér, kastar af sér þvagi, blessar það að ekkert hefur breyst síðan í uppeldinu, stígur upp í bíl sinn og hverfur á braut.“ Þessir menn eru undantekningalítið verstu óvinir uppeldisstöðvanna, því þeir reyna með ráð og dáð að standa í vegi fyrir hvers konar breytingum eða framþróun, því allt skal vera eins og það var. Páll var eitt sinn landsbyggðarmaður, bjó fyrir vestan en af einhverjum ástæðum gafst hann upp á því að búa þar og fór suður eins og svo margir aðrir, sennilega til þess að sækja meiri lífsgæði.
Ég veit ekki alveg hvað það er sem gerir það að verkum að menn sem hafa gefist upp á því að búa út á landi og hafa flúið á mölina, taka sér þann rétt að afskrifa baráttu fólks sem er að verja sín núverandi lífsgæði og kalla það landsbyggðarvæl.
Orðið „landsbyggðarvæl“ fer ofboðslega í taugarnar á mér. Yfirleitt er þetta barátta fólks við að verja lífgæði sín, verja störf og tryggja samgöngur sem er afskrifað sem landsbyggðarvæl. Það er ekki eins og landsbyggðin sé í stórsókn, við erum í varnarbaráttu enda er fólksfækkun viðvarandi.
Ég ætla ekki að detta ofan í tölfræði eins og það að innlegg landsbyggðafólks er meira en tvöfalt meira til þjóðarbúsins en höfuðborgarbúans, né heldur að af hverjum tveimur krónum sem lansdbyggðamaðurinn borgar í skatt fær hann eina til baka í formi þjónustu.
En það sem ég er að reyna að koma til skila er að það er ekki um neina ölmusu okkur til handa að ræða þegar við gerum þá sjálfsögðu kröfu að þjónusta við okkur sé ekki skert meira en annars staðar.
Við búum við samtryggingakerfi og því drögum við öll vagninn saman, það er vel. En brauðið sem í vagninum er á að deilast út eins jafnt og hægt er. Það gerist ekki með því að í niðurskurði til heilbrigðismála sé skorið niður um 85% úti á landi en 15% á höfuðborgarsvæðinu.
Ég tók ákvörðun um að búa út á landi. Ég sé ekki eftir því og er full viss um það að lífsgæði mín og hamingja er meiri hér en ef ég byggi á mölinni.
Ég á þrjú börn og mér finnst það hart ef það að verja það að hér sé sjúkraþjónusta sé kallað „landsbyggðarvæl“.
Ég hef stundum velt fyrir mér hver hvatinn fyrir skrifum eins og þessum eftir Pál sé. Það sem mér dettur í hug er eftirfarandi: Sérhagsmunagæsla. Páll virðist vera svo einkennilega samsettur að hann getur ekki stundað sitt áhugamál ef einhver er nærri. Hann getur ekki unnt öðrum að stunda sín áhugamál s.s. hestamensku, mótorhjól, vélsleða eða jeppamennslu, virðist það vera af þeim sökum að hann gæti séð þá eða heyrt einhverstaðar og þar með er göngutúrinn ónýtur. Af þessu leiðir að kannski finnst Páli bara best að fara út á land í göngutúr ef það býr enginn þar. En auðtvitað vona ég að þessar hugleiðingar mínar séu rangar.
Annars finnst mér ánægjulegt að sjá efnistökin í nýjasta pistli Páls og vona að hann haldi sig við að skrifa bara um tjaldið sitt í framtíðinni, það er alla vega engum til tjóns.
Árni Pétur Hilmarsson“
-
Replies
-
Þetta mál er allt hið furðulegasta. Eins og ég skil það, þá lagði svæðisráðið á vestursvæði fram þá tillögu að akstur um Vonaskarð yrði takmarkaður yfir hásumarið, en á öðrum tíma ársins yrði hún opin. Stjórn Vatnajökulsþjóðgarðs ákvað að fara ekki eftir þeim tillögum, og hafa mér vitanlega ekki fært nein haldbær rök fyrir því.
Þetta fólk skipar stjórn Vatnajökulsþjóðgarðs.
Stjórn Vatnajökulsþjóðgarðs skipa:
Anna Kristín Ólafsdóttir, formaður.
Varamaður, Hilmar J. Malmquist.Ólöf Ýrr Atladóttir, varaformaður.
Varamaður, Hjalti J. Guðmundsson.Böðvar Pétursson, aðalmaður og Katrín Eymundsdóttir, varamaður.
Björn Ármann Ólafsson, aðalmaður og Ruth Magnúsdóttir, varamaður.
Hjalti Þór Vignisson, aðalmaður og Björn Ingi Jónsson, varamaður.
Elín Heiða Valsdóttir, aðalmaður og Eydís Indriðadóttir, varamaður.
Þórunn Pétursdóttir, aðalmaður og Ingólfur Á. Jóhannesson, varamaður, tilnefnd af umhverfisverndarsamtökum.
Magnús Hallgrímsson, aðaláheyrnarfulltrúi og Magnús Tumi Guðmundsson, varaáheyrnarfulltrúi, tilnefndir af Samtökum útivistarfélaga.
Það gæti verið tilraunarinnar virði, að senda þessu fólki tölvupóst og fara fram á frekari rökstuðning fyrir lokun á Vonaskarði, en skýringarnar sem koma fram í verndaráætlun segja mér ekki mikið, og eins hafa verið færð ágæt rök fyrir því að lokun geti haft neikvæð áhrif á svæðið.
Góðar stundir
Mér ofbýður algerlega framganga Páls Ásgeirs, sem kemur fram sem hálendissérfræðingur en berst samt hatrammri baráttu gegn ferðafelsi okkar.
Ég velti fyrir mér hvort Páll Ásgeir er að berjast fyrir hugsjónum eða eigin fjárhagslegum hagsmunum.
Á heimasíðu hans kemur hvergi fram að hann starfar við leiðsögn með gangandi túrista og er í stjórn Ferðafélags Íslands.
Með öfgafullum skrifum sínum gegn okkur jeppamönnum og ferðafrelsinu í heild er hann að skipa sér, og þeim aðilum sem hann stýrir, þ.e.
Ferðafélagi íslands, í hóp með hörðustu andstæðingum okkar sem viljum viðhalda ferðafrelsi almennings á hálendinu.
Páll Ásgeir er líka í ritnefnd tímaritsins Útiveru sem verður héreftir lítið áhugavert blað undir hans áhrifum.Hann áttar sig ekki á því að sami einsleiti ferðamátinn hentar ekki öllum þeim sem vilja njóta landsins okkar.
Kannski á Páll Ásgeir eftir að verða gamall maður sem vill þrátt fyrir háan aldur og hugsanlega skerta líkamsburði njóta öræfanna.
Hann væri þá kannski til í að komast á vit þeirra með aðstoð þeirra tækja sem hann vill nú brottræk. Hvernig munu pistlarnir hans hljóma þá?Einnig er þess að minnast að Páll Ásgeir hefur skrifað nokkrar bækur um ferðalög á hálendinu og gerir þá útá jeppaeigendur sem markhóp.
Hann virðist telja að nú verði ekki lengra komist með þann hóp og því sé mál að losna við þá af hálendinu.Þegar gos hófst á Fimmvörðuhálsi snemma á þessu ári þá hvatti Páll Ásgeir fólk til að fara gangandi að skoða gosið. Hvaða hvatir lágu þar að baki?
Þarna voru aðstæður afleitar til gönguferða fyrir venjulegt fólk og mikill ábyrgðarhluti að etja fólki út í þær aðstæður sem ríktu þarna.
Vegalengdin a.m.k 13 km ( aðra leiðina), hækkun meir en 1000 metrar , frost 10-15 stig og hvass vindur
Jafnvel þó að fyrirvari væri á að þetta væri aðeins fyrir vana göngumenn þá beið þeirra stórkostlegur lífsháski.
Enda var það haft eftir björgunarsveitarmögnnum að þeir hefðu bjargað ca 50 örmagna göngumönnum frá bráðum bana ofan af hálsinum dag hvern.Framganga og viðhorf Páls Ásgeirs hafa vakið mig til umhugsunar um það hvaða öfgaöfl það eru sem vilja hafa af okkur ferðafrelsið.
Greinilegt er að ekki duga nein vettlingartök ef við viljum áfram hafa frelsi til að ferðast um landið okkar á eigin vegum.
Ég hvet alla hugsandi ferðamenn til að spyrna við fótum og gera alvarlegar athugsemdir við félög og fyrirtæki þar sem Páll Ásgeir er áhrifamaður.Hjalti R-14
Sælir
Það er alveg óþolandi hvað Páll Ásgeir Ásgeirson stjórnarmaður í Ferðaféalgi íslands og einn af ritstjórum í nýju blaði Útivera hefur mikið horn í síðu almennrar ferðamennsku.
Það er með ólíkindum ef maðurinn telur það að hans einkaskoðun blandist ekki inn í Ferðafélag Íslands þar sem hann situr í stjórn. Hver á að trúa því að þegar hans skoðun breytist eitthvað þegar hans sest við stjórnarborðið hjá Ferðafélaginu.Ég tel að nú þurfi að berjast gegn skoðunum hans, sem gengur út á það að göngufólki verði einum heimilt að njóta hálendis íslendinga. Ég sé ekki betur en að hann telji best ef við fyllum hálendið af "goritex útlendingum", sem koma með allt fæði í þurrpakkningum.
Ég mælist til þess að við hættum öll að kaupa blaðið Útiveru á meðan Páll Ásgeir kemur þar nærri. Einnig eigum við félagsmenn alls ekki að leggja blaðinu til efni eða myndir.
Einnig legg ég til að Ferðaklúbburinn 4×4 hætti að leigja sal fyrir félagsfundi af Ferðafélagi Íslands á meðan Páll Ásgeir situr þar í stjórn.
Einnig þurfum við á öflugum mönnum til að koma okkar sjónarmiðum á framfæri nú, áður en Umhverfisráðherra fellir sinn dóm. Mikil vakning varð vegna aðgerða okkar í Vonarskarði og við þurfum að fylgja því eftir.kveðja
Friðrik R11
Væri ekki upplagt að senda Útiveru góða grein um Vonarskarð og ástæður þess að menn vilja halda þeirri leið áfram opinni fyrir ferðafólki ? Amk sjá hvort menn fái hana birta ??
kv P
Hef verið alvarlega að hugsa um að segja mig úr Ferðafélagi Íslands þar sem ég hef verið félagi og er það vegna stjórnarsetu Páls Ásgeirs Ásgeirssonar þar. Eða svo getum við félagar í 4×4 sem einnig erum félagar í Ferðafélagi Íslands fjölmennt á næsta aðalfund FÍ og gert byltingu þar og komið Páli Ásgeiri Ásgeirssyni frá. Var að segja upp blaðinu Útiveru sem ég hef keypt frá upphafi og er það af sömu ástæðu þ.e. að PÁÁ er þar í ritstjórn. Bækur PÁÁ mun ég aldrei kaupa framar.
Kveðja – Gísli
Nefnd Samút um Vatnajökulsþjóðgarð fundaði í dag fimmtudaginn 14. október með umhverfisráðherra. Á fundinum voru fjórir fulltrúar Samút eða frá Alpaklúbbnum, Útivist, Skotreyn/Skotvís og F4x4. Þetta var góður fundur og stað mála rædd fram og aftur.
Ráðherra segir að hennar hendur séu bundnar vegna þess að mikið þurfi til að hún geti gert breytingar á fyrirliggjandi drögum samkvæmt hefðbundnum stjórnsýsluumhverfi. Ég nefndi þá hversu stjórnsýslan varðandi undirbúning og framkvæmd á verkferli við Vatnajökulsþjóðgarð hefði verið ábótavant og ábyrgð ráðherra væri mikil að bæta fyrir það með því að ná samstöðu um niðurstöðu varðandi lokanir.
Tvennt er til skoðunar vegna Vatnajökulsþjóðgarðs. Annarsvegar vandamál innan Samút varðandi upplýsingastreymi og fundarboðanir og hins vegar slæmt verkferli frá hendi Svæðisráða og meðferð stjórnar Vatnajökulsþjóðgarðs á athugasemdum við fyrirliggjandi drög.
Það liggur fyrir fundur í Samút í byrjun nóvember þar sem gengið verður frá því hvernig samstarf F4x4 verður við Samút. Persónulega finnst mér að það þurfi að skipta um flesta fulltrúa Samút í stjórnkerfinu og skipa starfhæfa stjórn sem leggur grunn að stefnumótunarvinnu innan samtakanna. Samút getur verið öflugt tæki ef rétt er haldið á spilunum, en mistökin við undirbúningsvinnu vegna Vatnajökulsþjóðgarðs mega ekki endurtaka sig.
Það á eftir að koma í ljós hvernig ráðherra tekur á drögum um Vatnajökulsþjóðgarð, en það er nokkuð ljóst að stjórnsýslulög voru brotin varðandi svör stjórnar Vatnajökulsþjóðgarðs við athugasemdum okkar og fleiri aðila.
Nú þurfum við að bíða eftir ákvörðun ráðherra og taka síðan stöðuna þegar hún liggur fyrir. Vonandi verður þetta mál leist á farsælan hátt fyrir alla aðila.
Næst er síðan að takast á við Þjórsárverin og þar má ekki gera sömu mistök og voru gerð varðandi Vatnajökulsþjóðgarð. Í því máli þarf Samút aðkoma fram sem öflugur samtaka aðili með tillögur um hvernig best að standa að samgöngum í friðlandinu. Það er starfandi sérstök nefnd frá Samút sem vonandi leggur fram góðar tillögur í þessum efnum.
Guðmundur G. Kristinsson
Athyglisvert að Samút ætli að stofna nefnd sem kemur að friðlandinu í Þjórsárverum.
Ég velti fyrir mér hvort það komi Ferðaklúbbnum 4×4 illa eða mjög illa, það er spurningin.
Eina farsæla leiðin sem ég sé er að bakka aftur fyrir lögbrotin og vinna þetta aftur eða bara hreinlega sleppa þessu alveg og spara skattborgurum peninginn.
Ef umhverfisráðherra bregst okkur líka er eina leiðin sem eftir er að fara í stjórnsýsluákærur og fylgja þeim eftir að fullum þunga, lögbrot skulum við ekki líða ofan á annað.
Greinilegt þykir mér að hér hefur sambland af ofstæki og hatri í garð alls sem er með mótor í bland við sérhagsmuni örfárra ferðaþjónustufyrirtækja ráðið för en ekki umhyggja fyrir náttúrunni eða eðlilegri umgengni almennings um landið.
Mikill fjöldi fólks sem ekki veit betur hefur samsinnt þessum öfgum vegna þess að búið er að hamra svo á því árum saman að "utanvegaakstur" sé undirrót allrar áníðslu á náttúrinni og besta leiðin til að vernda náttúruna sé að banna akstur um hefðbundnar ferðmannaleiðir. Við nánari skoðun á þessu sést að þetta er alls ekki rétt og gengur alls ekki upp.
Sem betur fer eru sífellt fleiri að vakna upp við vondan draum um það sem er að gerast og hvernig hreinlega er verið að ræna okkur ferðafrelsinu.
Þessu er ekki lokið. Næst eru það Þjórsárverin og fyrstu fréttir um að þar eigi að banna allan akstur á snjó nema beltatækja benda til þess að sérhagsmuna- og öfgaöflin gegn okkur vaði enn uppi.
Nú veltur á okkur ferðamönnum að láta í okkur heyra og upplýsa fólk í kringum okkur um það hvernig verið er að beita allsherjarbanni gegn akstri til að leysa tiltölulega staðbundin vandamál vegna umferðar.
Anonymous- Umræður: 0
- Svör: 16404
Ef engin skylningur kemur frá stjórnvöldum þá er næst að reisa kross á miðjunni og síðan einn fyrir hvern landsfjórðung.
Krossinn er það eina sem flæmir burt ofbeldisfulla drauga. Einn er nú þegar búin að yfirgefa F4x4.Kveðja SBS.
Komiði sæl.
Setti í dag inn komment á margumrædda bloggsíðu Páls Ásgeirs stjórnarmanns í FÍ:
http://blog.eyjan.is/pallasgeir/2010/10 … mment-1625Birti það líka hér:
Atli Karl Ingimarsson // 15.10 2010 kl. 12:23
Mikið er sorglegt þegar sterkar skoðanir fólks eru byggðar á vanþekkingu. Þessir flokkadrættir á útivistarfólki er dæmi um slíkt, sem endurspeglast gjarnan í fordómum og ofstopa. Ég er t.d. áhugamaður um ýmis konar ferðamennsku um hálendi Íslands, bæði að sumar- og vetrarlagi, og hef talsvert stundað göngu-, gönguskíða-, hjóla- og jeppaferðir. Svipað gildir hjá stórum hluta íslensks útivistarfólks. Flest þetta fólk notar jeppa (eða önnur farartæki) til að komast inn á svæði sem það síðan t.d. gengur um. Það að loka áratuga gömlum leiðum á heilu landsvæðunum einfaldlega eyðileggur þetta!
Þessar leiðir, eins og Vonarskarð, Vikrafellsleið, leið um Heinabergsdal og margar fleiri, eru eins konar aðkomuæðar útivistarfólks inn á landsvæði sem bjóða upp á gríðarlega útivistarfjölbreytni. Ég er sjálfur fullfær um, og finnst líka bráðskemmtilegt, að fara í margra daga gönguferðir með allt mitt á bakinu. Slíkar ferðir eru samt ýmsum takmörkunum háðar. Ég fer t.d. ekki í helgarferð ef ég þarf 2 daga til að ganga til og frá því svæði sem ég hyggst ganga um og skoða. Helgarferð hentar hins vegar ágætlega ef ég get keyrt mína traustu aðkomuæð inn á viðkomandi svæði og gengið frá henni á minn áfangastað.
Þeir sem hér hafa skrifað, og hafa verið stimplaðir „jeppamenn“, eru einungis að berjast gegn því að þessum gömlu samgönguæðum um hálendið verði lokað án þess að nokkur vitræn rök liggi þar að baki. Þetta fólk er ekki að fara fram á að „geta farið hvert sem því sýnist á tröllvöxnu dekkjunum sínum“, eins og ein vanþekkingarröddin hér orðaði það. Bent skal á að félagsmenn í Ferðaklúbbnum 4×4 hafa unnið gríðarlega mikið náttúruverndarstarf á undanförnum árum og áratugum, t.d. með landgræðslu, stikun leiða, merkingu slóða, lokun villuslóða, fræðslu og áróðri gegn náttúruspjöllum. Þessu fólki er almennt annt um náttúru Íslands sem er jú grunnurinn að áhugamáli þeirra.
Lokanir þessara leiða eru einfaldlega skerðing á lífsgæðum áhugafólks um útivist. Í raun hræðilegt mál, ekki síst í kjölfarið á undangengnum áföllum íslensku þjóðarinnar.
Ég er meðlimur í Ferðafélagi Íslands, stærstu og öflugustu ferðasamtökum á Íslandi, og lít á félagið sem hagsmunasamtök allra íslenskra ferðaáhugamanna. Það getur varla talist rétt að slík samtök tali gegn sumum tegundum heilbrigðrar ferðamennsku. Höfundur þessarar bloggsíðu er stjórnarmaður í þessum samtökum og fer ekki leynt með sitt tal gegn sumum tegundum ferðamennsku. Ég set því stórt spurningamerki við hæfi hans í stjórn samtaka sem ber að hugsa um mína hagsmuni sem alhliða ferðamanns.
Sæll Atli og takk fyrir skynsemisorð.
Umburðarlyndi er ekki hátt skrifað hjá Páli Ásgeiri og hefur hann útilokað mig frá hans spjalli vegna skoðanamuns og get ég ekki svarað honum þar.
Stefna Ferðafélags Íslands frá stofnun er göfug hugsjón, en eitthvað hefur breyst nú á tímum og er Fí fyrirtækið ekki sú kjölfesta sem áður var.
Hinsvegar held ég að fólkið í FÍ er enn með gömlu hugsjónir FÍ óháð hvert stjórn FÍ er að fara og held ég að stjórn FÍ hafi fjarlægst sitt fólk á síðustu tímum.
Óska öllu ferðafólki velgegnis, óháð hvernig það ferðast.
Kveðja Dagur
Kvöldið.
Ég var aðeins að ferðast um netheima í tölvunni minni, og þá sá ég þetta hér:[url:8gfnt2mj]http://www.ferdamalastofa.is/upload/files/pall_asgeir.pdf[/url:8gfnt2mj]
Í þessum fyrirlestri er að finna fullyrðingar eins og þessa:
Tilvitnun hefst:
Þeir sem valda mestum skemmdum á landinu eru ungir Íslendingar á torfærumótorhjólum, bændur á fjórhólum í smalamennsku, veiðimenn á fjórhjólum og léttkenndir Íslendingar á jeppum.
Tilvitnun lýkur.Það er kannski ekki að furða hversu illvíg umræðan er um okkur ferðamenn á jeppum, fyrst óhróður af þessu tagi fær að grassera.
Hjalti, R-14
Það sem mér finnst merkilegra og hef bent á það áður eru þessi orð Páls:
"Sá sem stendur á hlaðinu í Snapadal í Vonarskarði hefur Bárðarbungu að bæjarfjalli. Það kemur aldrei neinn í Vonarskarð nema fáeinir jeppamenn í hálfgerðu leyfisleysi og mótorhjólamenn í algerri óþökk því að eftirsóttustu stöðunum er enginn vegur.
Það er góður vegur en ómerktur að Valahnúkum en þaðan eru um það bil 2-3 km að heita læknum og í fjallinu þar fyrir ofan er hverasvæðið.
Þarna vantar ekkert nema svolítinn vegarspotta, nokkur skilti, góðan skála, salernisaðstöðu, góða stíflu í lækinn til að búa til stórkostlegusta villibað á Íslandi og þá mætti taka þarna á móti þúsundum ferðamanna á hverju einasta ári og létta álaginu af öðrum stöðum til mótvægis.
Mér skilst að Vonarskarð sé innan vébanda hins nýstofnaða Vatnajökulsþjóðgarðs svo ég geri ekki ráð fyrir að neitt af þessu gerist á mínum líftíma. Reyndar á ég ekki von á að neitt gerist annað en að ástandið haldist óbreytt og staðurinn haldi áfram að keppa í flokki óuppgötvaðra leyndarmála. Ég get ekki séð að Vonarskarð myndi missa neitt af töfrum sínum þótt þangað kæmu 50 þúsund manns á ári. "Hann hefur líklegast skipt um skoðun nokkrum sinnum síðan hann skrifaði þetta og ekki finn ég færsluna í bloggi Páls og hefur hann eytt þessu út eins og flest sem kemur honum ekki vel.
kveðja Dagur
Sælir.
Já, það virðist vera að til stjórnar og valda hjá FÍ hafi valist fólk sem lítur ekki alla ferðamenn sömu augum. Mjög slæm þróun, sérstaklega þar sem FÍ hefur völd og tengsl inn í embætti ríkisins.
Og að þarna séu auk þess aðilar sem hafa lifibrauð sitt af ákveðinni tegund ferðamanna, og beina hagsmuni af því að sú tegund ferðamanna verði ekki fyrir truflun af öðrum tegundum ferðamanna, er auðvitað enn meira ógnvekjandi.
Kv.
aki
Þetta er aldeilis flott hjá Páli Ásger. Ég held að ómerkilegri pennar séu vandfundnir.
Það er alveg stórmerkilegt hvað hann Páll Ásgeir nær að draga fram í umræðunni. Ég sagði fólk að kynna sér ummæli sem hann viðhafði á Facebook og út frá því spunnust langar umræður. Mín skoðun er sú að hann tali ekki fyrir marga og hef eiginlega fengið það staðfest með því hvað fáir virðast styðja hans málstað. Ég held að Ferðafélagið sé í standandi vandræðum með hann og það er ástæðan fyrir því að hann segist bara tala fyrir sig. Hann er nefnilega alls ekki að tala fyrir neinn nema jálfan sig og mér fannst Ólafur formaður Ferðafélagsins tala þannig á síðasta Samútfundi þegar hann sagði félagið skiptast í tvo hópa í þessum málum.
Best væri að hunsa algjörlega það sem Páll Ásgeir skrifar og leiða umræðuna aldrei að eða frá einhverju sem hann hefur skrifað. Á síðasta fundi Samút fannst mér Ólafur formaður ferðafélagsins segja margt skynsamlegt og lendingin með þeim nefndum sem samþykktar voru er góð niðurstaða í erfiðri stöðu. Með Samút er komin formlegur aðgangur að opinberu umhverfi sem skiptir okkur miklu máli til framtíðar. Þetta var það sem Ólafur sagði á síðasta Samútfundi og margir tóku undir með. Þetta var það sem lagði grunn að þeim tveimur nefndum sem stofnaðar voru.
Samút hefur ekki unnið vel varðandi Vatnajökulsþjóðgarð, en það þarf að muna að margt af því sem náðst hefur fram jákvætt í Vatnajökulsverkefninu (sem er efnislega margt umfram aðra þjóðgarða í heiminum) er frábært afrek og má þakka það sumum fulltrúum Samút og mörgum baráttumönnum innan okkar vébanda og annarra félagsamtaka.
Verkefnið núna er ekki að fjasa um bull í steingerðum mönnum sem virðast hafa það eitt að leiðarljósi að draga upp það versta í skrifuðu máli, heldur að leggja grunn að markvissri stefnumótun um okkar innlegg hjá F4x4 til að berjast í okkar hagsmunamálum. Við þurfum að tryggja eðlilegan baráttugrundvöll innan Samút og að þar sé fólk í fararbroddi sem hefur skynsamlega náttúruvernd að markmiði.
Það kemur fljótlega að næsta fundi Samút og þar þarf að skipa/kjósa í nýja stjórn og setja niður tíma fyrir stefnumótun og markmiðasetningu fyrir starfsemina næstu árin. Það þarf að legja grunn að því að Samút hafi aðstöðu, starfsfólk og umhverfi sem hægt er að nota á markvissan hátt til að berjast fyrir sameiginlegum markmiðum útivistarfólks og almennings á Íslandi. Mörg félög og fyrirtæki eru nú sameinuð í skynsamlegri baráttu og það liggur fyrir markviss áætlun um aðgerðir næstu mánuði. Okkur vantar bara að hafa aðila í þessu sem geta unnið þetta af heilum hug. Þetta er of stórt mál til að hægt sé að vinna þetta í sjálfboðavinnu.
[b:18tm28me]Sameinumst um að gera það sem þar til að ná árangri!![/b:18tm28me]
Guðmundur G. Kristinsson
Rétt er það að umræðan um ferðafrelsið snýst ekki bara um Pál Ásgeir. Margir fleiri hafa svipaðar öfgaskoðanir, þeir flíka þeim bara minna en laumast engu að síður í bakið á okkur sem viljum ferðafrelsi almennings. Vinnubrögð stjórnar Vatnajökulsþjóðgarðs er dæmi um það, þau lögðu til að taka í engu mark á þúsundum mótmæla við fyrirhuguðum lokunum og gerðu lítið úr þeim sem sendu inn athugasemdir. Fleiri sem að málinu koma virðast hafa þá skoðun að loka beri Vonarskarði og marka þar leið að skertu ferðafrelsi almennings, þó að þetta fólk hafi hægt um sig nú þegar alda mótmæla og reiði rís upp gegn þeim. Þetta fólk virðist sumt vera á miklum flótta frá verkum sínum þar.
Skjalið sem Hjalti fann á vef ferðamálastofu með ræðu Páls Ásgeirs á Ferðamálaþingi 2008 er alveg með ólíkindum. Þarna fer Páll Ásgeir m.a. með illkvittinn róg á hendur íslenskum jeppaferðamönnum og ber á þá almenna drykkju við akstur utanvega. Segir líka sögu af ætluðum drykkjulátum og öðrum ólátum túristajeppaökumanna í Landmannalaugum sem er full af rangfærslum. Hann nefnir ekki ferðamenn á jeppum nema í neikvæðum og háðskum tón.
Ég velti fyrir mér hvernig þáttakendum á Ferðmálaþingi 2008, þar sem hann flutti þennan pistil, hafi orðið um undir lestrinum. Voru þeir kannski bara sammála því að rægja jeppaferðamenn á þennan hátt ? Hverjir skyldu sitja þetta þing, er einhver hér sem veit það ? Hver ber ábyrgð á því að öfgalokunarsinninn Páll Ásgeir er dreginn upp til að halda svona rógspistil þarna ?
Eitt liggur þó fyrir, Ferðamálastofa undir stjórn Ferðamálastjóra, birtir þennan pistil með illmælgi í okkar garð á heimasíðu sinni og dreifir þannig rógi um íslenska jeppaferðamenn. Ferðamálastjóri er Ólöf Ýrr Atladóttir. Ég nefni þetta vegna þess að hún er líka varaformaður stjórnar Vatnajökulsþjóðgarðs.
Nú veit ég fátt um þessa konu annað en að sem stjórnarmaður í Vatnajökulsþjóðgarði hefur hún sýnt í verki að hún er fylgjandi fyrirhugðum lokunum og þar með skertu ferðafrelsi almennings. Tekur virkan þátt í þeirri valdníðslu og þeim vafasömu vinnubrögðum sem við erum nú að mótmæla. Það vekur spurningar um afstöðu hennar sem ferðamálstjóra og þar með Ferðamálastofu til þessara mála.
You must be logged in to reply to this topic.