This topic contains 4 replies, has 1 voice, and was last updated by 
-
Topic
-
Ég er að hugsa um að nota hálendið í sumar til að komast á milli þessara staða.
Er eitthvað sem að þið fróðu jeppamenn gætuð bent mér á?
Ég er á Nizzan Terrano II, ætti að komast þetta er það ekki?
Þessi ferð verður farin um Jónsmessu, veit einhver með opnunina, hvort að hlutar af þessari leið séu seint opnaðir?
Kveðja Arndís
-
Replies
-
Það er ekkert mál að fara þessa leið á óbreyttum jeppa. Samkvæmt [url=http://www.vegagerdin.is/vefur2.nsf/pages/fu_fv_hagnytaruppl_opnun_fjallvega.html:u7ubyb40]Vegagerðinni[/url:u7ubyb40] opnast Sprengisandsleið upp úr Skagafirði oftast eftir jónsmessu. Nú er meiri snjór a.m.k. sumstaðar á Sprengisandi, en verið hefur undanfarin ár, því er líklegt að leiðin opnist ekki fyrr en í júlí.
-Einar
Sennilega getur enginn – ekki einu sinni Vegagerðin, svarað því hvort þetta verður orðið fært um Jónsmessu. Leiðin af Sprengisandsleið ofan í Skagafjörð eru venjulega opnuð til muna síðar en aðalleiðin. Sprengisandsleið sjálf hefur oft verið opnuð talsvert seinna en t.d. Kjalvegur, og núna er lítið farið að vora á hálendinu. En sé Vegagerðin á annað borð búin að lýsa leiðina opna, þá er þetta fært nánast hvaða jeppa sem er. Að sjálfsögðu þarf að hafa aðgæslu við eins og alstaðar þar sem fara þarf yfir óbrúaðar ár. Komið hafa snemmsumars mikil skot í ár eins og t.d. Bergvatnskvíslina í úrkomu og/eða hlýindum, og er dæmi um slæmt slys þar af þeim völdum. Helstu ár sem þarf að fara yfir á vaði eru auk Nýjadalskvíslar og Hagakvísla, Bergvatnskvísl, sem áður er nefnd, Laugafellskvísl, Hnjúkskvísl og Strangilækur. Á venjulegum degi eru þessar ár ekki sérlega erfiðar, nema kannski þá Hnjúkskvíslin, því í hana geta komið skot fyrri hluta sumars. Sum þeirra eru sögð stafa af því að lón við jökulrönd tæmi sig í kvíslina. Annars er þetta að mörgu leyti skemmtileg leið og talsvert fjölfarin yfir sumarmánuðina.
Ekki veit ég af hverju þetta fór inn í Innanfélgasmál…það hefði verið rétt að hafa þetta í Ferðir…
En þetta er fyrsta innleggið mitt, ég átta mig kannski á þessu næst.
En þið sem að hafið verið að svara mér, væri kannski betra að fara upp hjá Blöndu og yfir Kjöl?
Ég hef reyndar farið þá leið en var þá að fara í Árnes.Er hægt að fara þá leið öðruvísi en að koma niður í Biskupstungur….vera nær Klaustri þegar að maður kemur af fjöllum?
Það er líklegt að Kjalvegur opnist fyrir Jónsmessu, það væri hægt að fara yfir Hvíta á brú við Brúarhlöð skammt sunnan við Gullfoss og þaðan um Flúðir á Fjallabaksleið nyrðri. Samkvæmt vegagerðinni opnast hún að jafnaði um Jónsmessu.
Guðbrandur hefur sett greinargóðar lýsingar af leiðum sem liggja frá Sagafjarðardölum að Kjalvegi inn á [url=http://vegir.klaki.net/vegir/?q=taxonomy/term/10:31u84ew9]Vegasíðuna[/url:31u84ew9]
-Einar
You must be logged in to reply to this topic.