Satt og logið um Mússó

Sko, Mussomenn hafa risið upp til varnar gegn róg og níði. Ég hefði líka verið illa svikinn ef ekkert hefði heyrst. Áfram strákar, látið þá hafa það! Það er semsagt vel hægt að komast austur fyrir Vatnsfell á Musso og annað hvort er hann laus við skrölt og vindgnauð eða að Mussoeigendur séu almennt heyrnardaufir.

Fullyrðingar austur-vestur um vélarnar finnst mér merkilega mikið í kross. Á bílnum stendur í "Powered by Mercedes Benz", Benni auglýsir svo að bíllinn sé með vél frá Benz, en ef ég skil fullyrðingar hér rétt vilja einhverjir halda því fram að það sé nánast bara að nafninu til og varla það að þetta sé vél úr Benz. Á hinn bóginn ef þetta er sama fimma og er í Sprinter eins og Rindill segir, þá er það vél sem ég gæti vel hugsað mér í jeppa, hörkuskemmtileg og skil ekki hvað menn gætu verið að kvarta undan henni. Hvar liggur þjóðsagan??

Kv – Skúli

Rétt er það, ég tala af nokkurri reynslu um Mussóinn minn. Gleymdi raunar að geta þess, að mótorinn, sem stjórnar framdrifstengingunni bilaði einn laugardagsmorgun. Ég brá mér til Benna til að spyrja, herju það sætti, að ljósið fyrir 4hjóladrifið blikkaði stöðugt, ef ég vildi setja í framdrif. Bubbi, verkstjórinn sem þá var á verkstæðinu, var staddur í búðinni. Hann gerði sér lítið fyrir, kippti bílnum inn á lyftu og skipti um stykkið í hvelli. Já, á sparifötunum eða því sem næst! Líka hefur eitt glóðarkerti farið. Fleiru man ég ekki eftir, sem fyrir bílinn hefur komið og hef ég þó ekki hlíft honum í ferðum. Jú nú man ég, að ég braut báðar demparafestingarnar að aftan, þegar ég skellti mér nokkuð snöggt upp á brattan bakka á leið suður Vonarskarð i Jökulheima. Lauk túrnum þrátt fyrir það, en demparana tóku ferðafélagar mínir undan um kvöldið.
Ég er nú svo gamall sem á grönum má sjá og hef nokkuð átt við að keyra jeppa um dagana. Pabbi sálugi átti Willys ’47, sjálfur eignaðist ég svo Landrover ’62, Willys ’63, Bronco ’65, Landcruiser langan ’71, stuttan ’73 og aftur langan ’74. Þessa bíla notaði ég í starfi mínu úti á landi, auðvitað aðeins á "geisladiskum". Hætti svo við jeppa ’78 og var jeppalaus þar til ég fékk mér Lödu 1986 og aftur 88. Er ég fékk fyrri Mússóinn hafði ég ekki átt jeppa í nokkur ár. Keypti hann aðallega af því að ég taldi Benna myndu hafa sæmilegt vit á jeppum og hann myndi varla flytja þetta inn, ef hann héldi það myndi ekki duga sæmilega. Engan bíl hef ég keyrt eins mikið þennan síðasta. Hann bilar ekki meira en hinir gerðu. Það má auðvitað segja, að þessar gömlu druslur standist engan samjöfnuð við bíla dagsins í dag, en fyrir utan tölvudótið, sem getur bilað ekki síður en annað, held ég að ekki sé stór munur á þeim gömlu og þeim nýju, hvað það snertir. Cruiserarnir voru þetta frá 135-155 hestöfl, svo ekki er svo ýkja mikill munur á kraftinum og enginn, hvað Mússóinn snertir.
En það er gaman að sjá, hvað margir vilja leggja orð í þennan belg. Upphafsmaðurinn á þakkir skilið.
V

Sælir…

Límmiðin í afturglugganum sem segir [b:2737qvn9]Powered by MERCEDES BENZ[/b:2737qvn9] er ekki bara hér heima. Ég bjó í Svíþjóð í nokkur ár og voru þessir sömu límmiðar í glugganum á þeim MUSSO bílum sem ég sá þar. Og sá ég þessa bíla hér og þar í Svíþjóð.

Hef einnig séð myndir af MUSSO frá Ísrael og var sá hinn sami einnig með þennan límmiða.

Þannig að þetta er allaveganna ekki "bara" sölutrikk hjá Benna.

Kveðja

[i:2737qvn9][b:2737qvn9]Rindill[/b:2737qvn9][/i:2737qvn9]

Sælir aftur.

Slagrýmið í 2,9 TDI í Mússóinum mínum er 2874cc ég er með ´98 bíl.
svo er slagrýmið í Benz E 290 TDI einnig 2874cc og er þessi Benz einnig ´98 módelið.

Ég er búinn að skoða vélarnar í bæði Benz og MUSSO og eru þær nákvæmlega eins að sjá að utan.

Ég þurfti að skipta um undirlyftur í bílnum hjá mér og þar af leiðandi er ég búinn að opna þessa vél og skoða hana töluvert. Tók af henni heddið og skipti um heddpakkningu í leiðinni og það eina sem ekki er merkt [b:38m2j2jl]MERCEDES BENZ[/b:38m2j2jl] er ventlalokið á vélinni hjá mér.

[b:38m2j2jl]Jú og heyrðu…undirlyfturnar keypti ég í RÆSI og bað þá um undirlyftur í 2,9 lítra díselvélina. Skrýtið að maður skuli geta keypt varahluti í þessa vél hjá RÆSI ef þetta er bara einhver ný útfærsla hjá SsangYong af einhverri gammalli vél frá BENZ.[/b:38m2j2jl]

Kveðja

[i:38m2j2jl][b:38m2j2jl]Rindill[/b:38m2j2jl][/i:38m2j2jl]

Benz hætti að nota 2.9 vélina 1999. Aflmesti Sprinterin í dag er með 2.7 lítra 5 holu vél sem er að skila 160 hestum og er mjög hagstæð í eyðslu. Þessa vél er líka hægt að fá í Grand Cherokee, en ég skal hundur heita ef hún verður boðin í Musso á næstu árum.

Þótt að þetta hljómi ótrúlega en þá kom það upp að þegar
farið var með orginal musso (held að það hafi verið bensín
ekki viss) í dyno bekk þá skilaði hann fleiri hestöflum
heldur en voru gefinn upp á skráningar skírteininu, hljómar ótrúlega en svona er lífið.

Og er ég ekki mikill Rússó aðdáandi, eiginlega frekar lítill.
En það væri gaman að sjá Patrol gera þetta.

P.s. hefur einhver farið með Patrol í dyno bekk???

Baldur H.

Jæja , enn og aftur koma draugasögurnar upp um Mussó .

Ég átti svona bíl á 38" og ferðaðist á honum 2 vetur og bíllinn var að standa sig mjög vel , það hefði að vísu þurft að klafa hækka hann til að auka drifgetuna !

Mussóinn er með mjög skemmtilega gíringu enda er 1 í lága 1:53 sem er mjög gott og getur bíllinn talsvert klórað sig áfram í hægagangi í þungri færð.

Hitt er annað mál hvað menn hafa mikið út á þennan nýja meðlim jeppaflórunnar að setja , tala um að þetta séu 30 ára gamlar teikningar og slíkt , ´því miður tekur ekki að vera að þrátta um þetta , bíllinn virkar vel í snjó enda er hann tæp 2 tonn á 38" .

Menn tala um vindhljóð og marr , ekki var ég var við þetta en auðvita heyrði maður af svokölluðum mánudagsbílum , bíllinn hjá mér bilaði svo til ekkert fyrir utan hefðbundið viðhald .

Persónulega finnst mér Mussó á 38" virka mun betur en Patrolinn sem ég á í dag sem er einnig á 38" , Mussóinn er mun léttari og kraftar mun betur .

Varðandi klafabúnaðinn , hann dugar létt fyrir 38" en fyrir 44" þýðir ekkert annað en hásing enda er framdrifið í Dana 30 ekki nema 7 1/4 tommu stórt .

Einnig þessu máli til staðfestingar er rétt á að benda að sá maður sem hefur ferðast talsvert á svona bíl , Tóti á gráa 44" bílnum hefur látið vel af honum eftir að hann skipti um drifbúnað þeas setti 9" Ford á aftan og Dana 44 á framan , gamla Bronco dótið frá 74.

Hef ég heyrt og séð til hans á fjöllum og er sá bíll ekki í neinum vandræðum enda er Mussóinn t.d. 500 kg léttari en 80 Cruiser en auðvita er ekki sama afl til staðar en léttleikinn vegur það upp á móti .

Heyrði ég einn breytingarmann hér í bæ sem er á 44" breyttum Patrol sjálfskiptum að annað hvort þyrfti að bæta við 100 hestöflum eða létta bílinn um 1 tonn , segir það ekki aðeins um hlutfall þyngdar og afls eða hvað !

Varðandi Land Rover sem sumir halda ekki vatni yfir þessa dagana , já humm , hann er ágætur fyrir hjálparsveitir en til eigin nota þá mundi ég frekar kjósa Double Cap , hef ég talsvert keyrt svona Land Rover á vegum hjálparsveitar og eru þetta illa einangraðir , afl litlar vélar og með ónýta öxla en kosturinn er plássið , þeir eru fínir í túristakeyrsluna og hjálparsveitar skak .

Vonandi sárnar engum skoðun mín á Breska Heimsveldinu ..

eða má kannski bara hafa lélega skoðun á Mussó or….

mbk

Pési

Hef minnst á það á spjallinu áður hvað það væri gott (á sínum tíma) að fá Musso inn í jeppaflóruna….
En hvar er umboðið í dag ? hvað eru þeir að gera fyrir þessa bíla, eigendur þeirra sem og væntanlega nýja eigendur ???????

cheers
Jon

Sæll Lúther

það er nú einhvernveginn þannig að mér finnst eins og að BB sé að hætta með þessa bíla, það síðasta sem "ég" sá frá þeim var að Mussooooúú yrði pickup frá framleiðanda ?

ættla ekki að særa neinn, lá við fyrir allnokkru að ég eignaðist svona grip sjálfur

kv
Jon

Jónas skrifar um Mússó: "..dísel bílar hafa verið að stúta vélum ef keyrt er í læk á ferð."
Það vill svo til, að við komum nokkrir félagar, í hitteðfyrra, minnir mig, að splúnkunýjum Mússó, sem hafði tekið inn á sig vatn. Eigandinn hafði ekið á fullri ferð í pytt í læknum á leiðinni í Veiðivötn, stakk sem sé nefinu beint í pyttin á fullri ferð. Slíkt má sjálfsagt flestum bílum gera.
Vissulega varð mér ekki um sel, þegar minn flaut upp í Markarfljóti í fyrra. Allt slapp það þó vel og "skröltmaskínan", sem sumir myndu líklega vilja kalla boddíið á þessum bílum, tók ekki inn dropa. Sumir ferðafélaganna trúðu ekki fyrr en þeir sáu.
(Vildi ekki að þráðurinn dytti niður fyrr en komnir væru 40 póstar!)
V