This topic contains 4 replies, has 1 voice, and was last updated by 
-
Topic
-
Sæl öll.
Ég vil byrja á því að spyrja vefnefnd:
1) Hvers vegna er verið að deildarskipta umræðum?
Þá vil ég spyrja formann F4x4:
2) Ef breytingar eru gerðar sem koma við deildir utan móðurfélags. Hvers vegna er ekki látið vita um breytingar?
Aftur formaður F4x4:
3) Finnst ykkur í stjórn og vefnefnd ekki eðlilegt þegar breytingar eiga sér stað eins og nú nýverið, að haft sé samband við deildir og að samþykki sé fengið fyrir breytingunum.
Stjórn:
4) Hefur verið gerð þarfagreining félagsmanna á notkun vefsins? og ef svo er, hvernig var staðið að henni?Bestu kveðjur,
Elli.
-
Replies
-
Sæll Elías.
MIg langar að svara þessu og kannski að reyna að útskýra tilganginn.
1. Við í vefnefnd ákváðum við uppfærslu þessa vefs að gera deildunum hærra undir höfði með því að búa til sér umhverfi fyrir deildirnar. Þannig að þær gætu hætt að reka sínar síður og það vesen sem því fylgir. Það var engin samræmd nafnastefna á lénum deilda og þær því hálf viðutan og virtust ótengdar Ferðaklúbbnum 4×4 að því leyti. Partur af þessu umhverfi var að virkja deildarspjallið, sem var til fyrir en lítið sem ekkert notað.
Hugmyndin er s.s. að deildirnar geti fjallað um sín mál, viðburði og annað sem þeim er í sveit sett og að auðveldara væri fyrir alla að fylgjast með starfi deildarinnar, hvort þeir búi á viðkomandi svæði eða annarsstaðar á landinu.
Það er nú þannig að það eru engin landa- né hreppamörk á internetinu. Hugmyndin var ekki að deildirnar eigi eingöngu að vera á sínu spjalli, það væri bara rugl. Allir félagsmenn eiga að taka þátt í þeirri umræðu sem í gangi er og eins stofna til þeirra undir þeim flokkum sem fyrir eru. Reyndar ætlum við aðeins að upphugsa þá betur og kannski gera smá breytingar til hagræðingar.2. Ekki ætla ég að svara fyrir formann en ef breytingar, sem varða vefsíðuna og deildir/nefndir, eins og þú fiskar eftir, þá að sjálfsögðu verða þær gerðar í samráði við stjórn viðkomandi deildar/nefndar sem og við stjórn klúbbsins.
3. Aftur, þá hafa ekki verið gerðar neinar breytingar sem krefjast samþykktar. Ef þú getur bent á slíkt, endilega sendu okkur það á vefnefnd@f4x4.is og það verður tekið fyrir málefnanlega.
4. Já. Stjórn kom á fót rýnihóp, sem gerði mikla þarfagreiningu og úttekt áður en farið var af stað í þetta verkefni fyrir rúmu ári. Við í vefnefnd höfum síðan verði í góðu sambandi (að því við teljum) við bæði nefndir, deildir og aðra félagsmenn, þar sem fram hafa komið ýmsar kröfur sem reynt hefur verið að mæta, þannig að þær samræmist stefnu Klúbbsins.
Bragi Þór Jónsson
Vefstjóri Vefnefndar F4x4
Komdu sæll Bragi.
Þakka þér svörin.
Ég veit ekki til þess að haft hafi verið samband við deildir s.b.r. Skagafjarðardeild eða Eyjafjarðardeild þegar þorrablótsþráðunum var breytt. (þú leiðréttir mig, fari ég með rangt mál)
Ég er ekki að gagnrýna störf ykkar á neikvæðan hátt heldur að hvetja til betri samskipta við deildir og formenn þeirra. Þegar þráðunum var breytt vissi enginn (allavega af mínum félögum) hvað var í gangi.
Mæli með að við tökum upp betri samskipti og förum ekki fram úr okkur.Bestu kveðjur,
Elli.
"Það er nú þannig að það eru engin landa- né hreppamörk á internetinu". Er þá nokkur ástæða til að búa til hreppamörk á þessum vef með því að setja hreppana til hliðar? Verður "móður hreppurinn" ekki bara að una því að hjáleigurnar taki sitt pláss í virkum umræðum?
Kv.
Það eru greinilega ekki allir að skilja þetta en við erum að reyna að virkja Deildar spjallið þannig að auðveldara sé fyrir alla sem vilja, að fylgjast með starfi deildanna.
Þetta er í raun eins og hver annar flokkur, þar sem viss umræða fer fram samanber flokkurinn "Bílar og breytingar" en þar er ekki ætlast til að menn ræði fjarskiptamál eða um veðrið, það eru aðrir flokkar ætlaðir til þess.Bragi þór
Vefstjóri F4x4
You must be logged in to reply to this topic.