sækja um stærra albúm

Þessi tímatakmörk hafa ekkert með Helga Hrafn eða Castor að gera og það er ekki verið að gagnrýna þá eitt né neitt, þeir eru einungis að vinna sína vinnu og hafa umsaminn tíma til þess. Jón Snæland.

Hægt er að telja í árum þann tíma sem búið er að taka að koma vefsíðunni í betra horf og uppsöfnuð gremja farin að gera vart við sig hér á sjallinu fyrir mörgum mánuðum. Mér leist vel á það sem stjórnin lagði upp með hér í haust í sambandi við úrbætur, sem fólust meðal annars í því að láta verkefnið í hendur á alvöru fyrirtæki sem starfaði á þessu sviði og greiða fyrir það sanngjarnt verð og brýnt væri að taka þetta föstum tökum og klára á sem skemmstum tíma.

Ég hef nú ekki aðrar upplýsingar að byggja mína skoðun á en það sem hægt er að lesa hér á netinu og ég geri mér grein fyrir því að um er að ræða tímafrekt og flókið verkefni þar sem ekki er búið að leysa öll tækniatriði fyrirfram og upp koma óvænt atriði sem geta tekið tíma. Þrátt fyrir það verð ég samt að segja það nokkur vonbrigði að málið sé ekki lengra komið nú í árbyrjun 2005 og farinn að efast um að fyrirtækið (Castor) sem fékk verkið hafi þau kaliber sem þarf til að klára málið innan viðunandi tímamarka. Vona þó að betur upplýstur maður um málið geti sannfært mig um annað.

Ef þessari vinnu væri líkt við erfitt ferðalag á Grímsfjall um miðjan vetur, að þá er mitt mat það að þeir á Castor trukkum séu að hleypa úr við Vatnsfell og ef eik hefði ekki "nöldrað" í þeim þá væru þeir ekki komnir í Hrauneyjar.

Væri ekki ráð að Castor upplýsti hinn almenna félagsmann hér á spjallinu og taki saman það helsta sem búið er að eyða tímanum í frá því skrifað var undir verksamning og eða hvernig verkið skiptist í áfanga og hvenær er stefnt á að ljúka tilteknum áföngum. Uppfæra svo á tveggja vikna fresti hér eftir hvernig verkinu hefur miðað. Það er betra að upplýsa fólk um gang mála en vera stöðugt að svara ásökunum sem kannski er ekki flugufótur fyrir.

ÓE

Það er sjálfsagt að verða við því og kynna efni samningsins fyrir félagsmönnum en það verður ekki gert á vettvangi sem hver sem er úti í bæ hefur aðgang að heldur á félagsfundi. Beiðnir um annað verða áfram hunsaðar, ef út í það er farið. Hins vegar er gagnrýnin góð núna eins og alltaf, það eru þær raddir sem sjá til þess að unnið sé sem best í hlutunum.

Hvað varðar það sem helst hefur verið kvartað yfir þá hefur verið svarað fyrir þau atriði í allavega þó nokkru mæli síðustu mánuði (myndaalmbúm, frosnir gagnagrunnar, feill í aðgangi o.fl.). Ég minni enn og aftur á það að a) þau vandamál sem menn hafa helst verið að tala um hér koma gerð nýrrar vefsíðu ekkert við heldur eru vandamál sem fylgja gamla vefnum og b) það er töluvert síðan fór að gæta ýmissa vandamála varðandi vefinn. Til dæmis má benda á að í [url]áramótapistli Jóns ofsa Snæland[/url] áramótin 2003-2004 útnefnir hann vefinn sem ?Bilun ársins?. Þá hafði um nokkurt skeið ekki verið hægt að komast í myndaalmbúmið og fleiri vandamál gert vart við sig. Þessi mál hafa m.ö.o. ekkert með það að gera að það sé verið að vinna að nýjum vef, þó svo það hafi verið sett ný svunta á þann gamla svona til að þreifa okkur áfram með nýtt útlit.

Hitt er svo annað mál að það var ákveðið að drífa í að flytja hýsngu vefsins (þess gamla), enda voru flestir sem að þessum málum komu ekki sáttir við þjónustuna þar sem vefurinn var hýstur áður. Þeirri aðgerð fylgdu nokkur vandamál t.d. varðandi uppsetningu vefsins, fá gögn og nauðsynlegar upplýsingar og annað slíkt. Ein fúnksjón virðist hafa hætt að virka við flutninginn og það er niðurskölun á stærð mynda sem var sjálfvirkt áður. Hugsanlega er hægt að gera við þetta en Castor menn munu ekki koma nálægt því, einfaldlega ekki í þeirra verkahring og í mínum huga tekur því ekki að standa í því þar sem þetta og önnur vandamál af sama toga hljóta að hverfa þegar við hættum að nota þann hugbúnað sem keyrir vefinn.

Kv – Skúli

Ég stóð í þeirri meiningu að Castor hefði tekið að sér hýsingu vefsíðunnar, þar með talið gömlu síðunnar meðan á smíði stæði. Var flutningur síðunnar ekki innifalinn í þessu?

Ef svo er ekki, hver sér um að flytja síðuna og að reka hana þangað til nýja síðan kemst í gagnið?

Hversvegna var þeim spurningum sem ekki er hægt að svara á vefsíðunni, ekki svarað á síðasta félagsfundi?

Við flutninginn tapaðist hluti af virkni myndaalbúms og hluti gagna spjallsins. Á að láta við svo búið standa?

-Einar

Vissulega er það slæmt mál að menn þurfi að niðurskala myndirnar sjálfir áður en þær eru settar inn og/eða eru að lenda í vandræðum með plássið. Það má vel vera að það hafi verið mistök að flytja hýsinguna eins og Oddur segir, en eiginlega lít ég svo á að í ljósi þess hve margir kvörtuðu undan fyrri hýsingaraðila og þeirra vandamála sem voru búin að vera uppi í langan tíma hafi það verið tilraunarinnar virði, Ég held að það sé raunar ólíklegt að keyrsla gamla vefsins væri vandræðalaus þó svo ekki hefði verið ráðist í flutninginn, en á hinn bóginn kom í ljós að a.m.k. að hluta til var það sem fyrri hýsingaraðila var kennt um var raunar ekki hans sök, en það er annað mál. Ég vísaði áðan í ársgamla útnefningu um bilerí ársins, það var eftir að t.d. myndaalmbúmið hafði verið bilað á fjórða mánuð. Hér er þráður sem heitir ?101 dagur án mynda? (https://old.f4x4.is/vefspjall/tradur.asp?t=1824). Auk þess sem það bilaði svo aftur skömmu eftir að það komst í lag og svo aftur… Við höfum því örugglega séð það svartara, allavega sé ég engan vegin rökin fyrir því að vinna verði sett í að lappa frekar upp á gamla vefinn, á meðan bilunin er ekki afdrifaríkari en þetta.

Svo þetta sé ekki rangtúlkað er ekki ætlun mín með þessu að gagnrýna fyrri stjórn eða vefstjóra þó ég vísi í hvernig þetta var. Ég er aðeins að benda á að það er ekkert nýtt að upp komi bilun á vefnum og stundum verið alvarlegri bilanir en núna og varað lengur. Það sem er nýtt núna hins vegar er að það er komin í gang vinna við varanlega lausn og þá er að mínu mati ekki gáfulegt að eyða tíma og kröftum í skammtímalausnir.

Og svo ég svari spurningunni í fyrirsögninni Oddur, stjórnin er ábyrg og enginn annar.

Kv – Skúli

Það er ekki rétt að það sé margra mánaðar vinna eftir, þetta er spurning um vikur, reyndar of margar. En ég hef heyrt lok feb-eða byrjun mars, þetta segi ég án ábyrðar en fæ nánari fréttir í vikunu nánari útlistun á stöðu mála, þ.a.s hvað sé búið og hvað sé eftir og þá í framhaldi af því hvenær verkinu ljúki.

Verkstöðu fáum við í skýrslu formi frá Helga Hrafni.
Ný Internetnefnd á að fjalla um hana en netnefnd ætti að geta hafið störf eftir rúmlega viku ef hún verður skipuð af stjórn fram að næsta aðalfundi.

Jón Snæland.