This topic contains 12 replies, has 1 voice, and was last updated by 
-
Topic
-
Núna væri gaman að vita hvort Þjórsá hafi rutt sig á Sóleyjarhöfðavaði. Rennsli í Þjórsá hefur vaxið yfir 1000 m3/s í þessu skoti, var 356 m3/s, en er núna 1447 m3/s. Hitinn í Þúfuveri fór í 4.7 gráður í dag, en fór hæðst í 3.1 gráðu í Setrinu. Líklega er gúmmítuðar besta farartækið þarna núna.
Hlynur
-
Replies
-
Ef Þjórsá er ekki búin að ryðja sig, þá er ég hræddur um hún geri það fljótlega. Mér sýnist stefna í að það að bíða þurfi fram á næsta ár, eftir eitthverjum marktækum breytingum í veðri. Líklega er núna allt vaðandi í krapa, þar sem á annað borð var kominn eitthver snjór.
-Einar
Já nú held ég að það sé allt annað hvort orðið autt eða allt gjörsamlega vaðandi í krapa.
Ég held að árabátur verði efst á óskalistanum fyrir jólin… Allavega ef maður ætlar að komast eitthvað á næstu vikum.
Annars held ég að svifnökkvi verði næsta tækið í dótakassann.
Benni
Þarna rataðirðu á það, værir virðulegur á svifnökkva, allavega mun gáfulegri kaup en í þessum 2 síðustu…
Rúnar, ég held að þetta sé kannski í lagi með bílaeignasögu formannsins. Einhvers staðar í einhverjum þræði held ég að hafi komið fram að hann eigi eða allavega hafi átt forkunnarfagran Land Rover, gott ef ekki Series eitthvað. Hann getur þá gripið í hann þegar Fordar, pæjur og svifnökkvar bregðast.
Kv – Skúli
Gat nú verið að það heyrðist baul að austan…
Hvað áttu við með síðustu tveimur Rúnar – hefurðu eitthvað á móti Polaris vélsleðanum og Harley hjólinu ?
Eða er það Terranóinn og Mussóinn sem stóðu í þér
En ég hef átt ýmsar tegundir af bílum, ég er t.d. enþá með óbragð í munninum eftir að ég neyddist til að eiga nissan í nokkra dag – og það ekki einu sinni patrol…
En Landbúnaðartæki… Jú ég átti víst hlut í svoleiðis tæki austur í sveitum – hann lét þó lífið eftir umtalsverðar misþyrmingar og var grafinn í túngarðinum… held ég..
BM
Sem gamall vatnamælingamaður (þ.e.a.s. vann við þetta í gamla daga) þá er ekki alltaf að marka vatnshæðarmælana að vetrarlagi vegna grunnstinguls og /eða klaka. Það er ákveðið útreiknað samband milli vatnshæðar og rennslis (svokallaður rennslislykill minnir mig), en hann gildir aðeins ef rennslið er ótruflað. Þannig virtust hinar ýmsustu ár og sprænur vera vænlegar til virkjana, -þar til raunrennslið var mælt að vetrarlagi og skráning síritans leiðrétt handvirkt eftir á.
Allt um þetta í "Vadd’útí" ,bók um Sigurjón Rist, vatnamælingamann.
Ingi
heirði ég ekki rétt Benni að þú fórst uppí IH að kaupa Patta, en þeir vildu ekki hafa hann í ábyrgð á 44" ????
Jóla kveðja. Kalli
[url=http://www.f4x4.is/new/forum/default.aspx?file=bilarogbreytingar/7597:17qdmwzd][b:17qdmwzd]Þráður[/b:17qdmwzd][/url:17qdmwzd]
Já strákar – það gerist ýmislegt þegar maður fer í ruglið… Þarna var ég nýbúinn að kaupa LC80 og fann út að þar með væri ég kominn á botninn…. Ég ætlaði svo að reyna að fara upp aftur í hænuskrefum. S.s. fara á Patta og fikra mig svo aftur upp í toppbíl.. Eins og t.d. Ford eða Pajeró..
En sem betur fer náðu vinir mínir að koma mér til hjálpar og ná mér út úr þessu rugli – – – og nú er maður kominn á toppinn aftur… Og komst þangað í einu stökki frá Toy.
En annars var það prufutúr á 44" patta sem gerði útslagið um það að svoliis bíl nennti ég ekki að aka.
Benni
Benni minn, farðu nú og fáðu eitthvað við þessu. LC80 botninn og Ford toppurinn! Ruglið er algjört. Held þú ættir að snúa við af þessari braut, áður en það verður of seint.
Gleðileg jól
Agust
………..en bíddu nú aðeins, ég sé fordinn þinn svo oft já marg oft hjá Jeppaþjónustinni BREYTI er hann svona bilanagjarn.
Með Jóla kveðju
Kalli
Sóleyjarhöfði var búinn að ryðja sig með stæl. Það er hægt að keyra yfir eystri álinn á ís, en sá vestari er alveg opinn. Við fórum yfir og rendum upp í Setur í gær. Það er ekki hægt að fara beint yfir verin, heldur fórum við niður að Hnífa, sem er öll í drasli og full af klaka. Það er mjög lítill snjór við Tjarnarver, en eykst aðeins þegar maður nálgast Setrið. Síðan má segja að það sé snjólaust við Íllugaver.
Hlynur
You must be logged in to reply to this topic.