This topic contains 7 replies, has 1 voice, and was last updated by 
-
Topic
-
Jæja áfram með spjallið var að eignast Rússa sjá albúmið undir trölli_1 sem ég veit lítið um nema að hann er cirka 75 til 78 módel, ekinn aðeins 9000km. Hásingar sem ég hef ekki séð áður undir Rússa eru td. niðurgíraðar og með lokuðum liðhúsum og með litlum drifkúlum. Þar af leiðandi er mikil veghæð undir kúluna. Ég veit ekki um hlutföllin. Vélin virðist vera orginal Volga með krómuðu ventlaloki sem mér finnst ansi frumlegt af rússa að vera. Þetta er fjögra gíra bíll og er hann vel ökufær og góður í gang. Töluvert ryð hrjáir þennan öldung enn grind og gólf er stráheilt ásamt bodí festingum. Gott væri að fá vitneskju um hina ýsmsu boddíhluti ef menn luma á svoleiðis dóti eða upplýsingar um hvar væri hægt að fá svoleiðis varahluti svo sem bretti og hurðar og fleira.Með von um líflegar umræður um þessa annars svo sérstöku jeppa kveðja trölli_1
-
Replies
-
heita þeir.
Þessir eru flottir. Pabbi átti einn svona þegar ég var lítill, sá var 1976 árgerð, þrusu bílar.
Mótorinn í þessum er nánast sá sami og í Volgu nema með öðru heddi eða knastás að ég held (þó ekki viss)
Volgan var nokkrum hestöflum öflugri.Þessar hásingar eru í það minnsta ekki orginal. Orginal hásingarnar eru af Timken gerð, boltaðar saman á flangs í miðjunni, og ekki niðurgíraðar út við hjól.
Ekki gott að segja hvaða hásingar þetta eru, örugglega ekki Unimog því að þá kæmust ekki þessar felgur undir. Kannski hásingar undan Volvo C303 eða einhverjum austurrískum.Gangi þér vel í uppgerðinni !
PS. Mæli með að fara með leitarorðið UAZ469B inn á YouTube, fullt af þessum bílum í átökum þar. Í löndum þar sem skilgreiningi á utanvegarakstri er aðeins önnur en hér
Kv. Olgeir Ö.
Hef einhversstaðar heyrt að Rússinn hafi verið til með níðurgíruðum hásingum, og þá til hernaðarnota. Hef þó aldrei séð svoleiðis í raun. Þú hefur kannski komist yfir einn svona her-rússa…
Svo getur líka verið að þessa sé eitthvað mix.
kv
Rúnar.
Hér er linkur á áhugaverðar myndir af rússabreytingum http://www.mktb.ru/fotki/
Guðni sagði mér að hásingarnar væru original, sem er rétt, ég bara vissi það ekki. Ég veit ekki hvernig á að virkja linkinn, en notið bara copy/paste.Kv. Steinmar
Eftir því sem ég kemst næst voru til 2 útgáfur af þessum bíl: til almenningsnota og til hernaðarnota. Þeir voru einkenndir með UAZ 469-B og UAZ 469.
Sá með B-inu var til almenningsnota og útflutnings og var með hefðbundnar samanboltaðar hásingar. Bíllinn sem var til hernaðarnota var framleiddur með niðurgíruðum nöfum, sk. portal. Samkvæmt partalistum sem ég hef skoðað eru þær einnig til með diskabremsum og læsingum. Munurinn á Rússahásingunum og Volvohásingunum er sá að Volvoinn var með síðari niðurgírun og þar með hærra undir drifkúlu.Kv. Steinmar
Ekki vissi ég um að þeir hefðu komið með svona hásingum. Þetta er sennilega ansi merkilegt eintak af bíl, örugglega mjög fáir svona komið til Íslands.
Kv. Olgeir Ö.
Sæll Guðni og þakka þér allt gamalt og gott!
Einu sinni átti ég frambyggðan rússajeppa, (UAZ)hann var með þessari Timken-stælingu rússanna og með fjöðrum í sleðum í staðinn fyrir laus hengsli, sem var auðvitað mikil framför frá því sem var á gamla Willy´s sem var minn fyrsti bíll. Það er mikið til sami undirvagn og vél í UAZ og í GAZ typunni með "húddinu". Það var talsvert meira um UAZ typuna en GAZ bílana, en ég veit ekki betur en ýmislegt eigi að passa á milli úr gangverkinu. En myndirnar segja manni að það komi þér að litlu gagni, félagi Guðni! Ekki man ég eftir neinu heillegu eintaki af GZ 469 hér á okkar slóðum, en hefurðu spurt Þorvald Óskarsson á Sleitustöðum? Eða þá hann Björn okkar Sverrisson, fornbílabjargara hér á Króknum? En nú sýnist manni að það sé komið erindi fyrir mann úteftir, það er líka komið á annað ár síðan undirritaður hefur druslað sér út á Siglufjörð og kominn tími á að kíkja til nágrannanna. En maður verður svo helvíti værukær og latur að fara eitthvað nema það allra nauðsynlegasta þegar maður er orðinn svona gamall.
Sælir félagar og takk fyrir að líta á þráðinn ég veit af reynslu að menn vita ýmislegt um Rússan enda var hann nokku algengur hér í gamla daga, átti sjálfur ein 7 stykki og þar af einn 44" með blæju Ég er búinn að vera með þennan bíl í sigtinu í mörg ár og þá út af hásingunum. Þettað er orginal í þessum bíl þetta er her útgáfan af honum og virðist vera ansi traust. Ég veit ekki hvort það borgar sig að gera bílinn upp eða hvort maður eigi að taka hásingarnar undan og setja þær til dæmis undir Toyotu Dobulcab disel eða Suzuki Vitara sem sagt létta og afl litla bíla. Það er gaman að heyra frá ykkur eldri jeppamönnum og ekki væri verra að fá ykkur í heimsókn á Sigló hér eitthvað af góðum og sérstökum bílum, kveðja Guðni gsm 8925426
You must be logged in to reply to this topic.