This topic contains 3 replies, has 1 voice, and was last updated by 
-
Topic
-
Við erum að fara nokkrir félagar í næstu viku í Reykjavatnið syðst á Arnvarvatnsheiðinni. Veit einhver hvernig færðin þangað er núna og hvort vötnin þarna uppfrá séu ekki örugglega orðin íslaus?
Við vorum þarna um mánaðarmótin maí/júní í fyrra og þá var engan snjó að sjá og hvergi drulla eða bleyta.
kv,
Elvar
-
Replies
-
Ef þú skoðar kort vegagerðarinnar á vegag.is sérðu merki á Arnarvatnsheiðarveginum. Það er kringlótt og gult með rauðri bryddingu. Þetta er merkið B01.11. Það, ásamt rauðum lit á veginum yfir Arnarvatnsheiðina, táknar að þar er öll umferð ökutækja bönnuð. Af því leiðir að enginn má aka um veginn. Hins vegar er sennilegt að enginn muni fetta fingur út í það þótt þú röltir þarna inn úr. En í uppsveitum Borgarfjarðar býr fjöldi manna sem ekki teldi það eftir sér að taka upp símann og hafa samband við sýslumanninn í Borgarnesi ef þeir hefðu vitneskju um ferðir vélknúinna ökutækja þarna.
Og þá er það bara nestið og nýju skórnir því sektirnar fyrir svoleiðis bíltúr eru býsna háar.
Sæll og takk fyrir ábendinguna.
Slóðin inn að Reykjavatni er hinsvegar önnur en sú sem farin er á hin vötnin á heiðinni. Þegar komið er að vaðinu yfir Norðlingafljót er ekki farið yfir heldur ekið inn í Hallmundarhraunið og farið eftir jaðri þess. Vegurinn að fljótinu er hinsvegar orðinn það góður að væntanlega er hann orðinn fær.
kv,
Elvar
Ef þú ætlar í Reykjavatn, líklegast til veiða, er best að hafa samband við Ólaf á Kalmanstungu I. Er hann líklegastur til að vita um ástand vega þar framfrá ásamt því að selja þér veiðileyfið.
Einnig gæti verið ráð að leita upplýsinga hjá Snorra á Augastöðum. Hann er mikið á ferðinni um heiðina.
Annars getur oft verið erfiður krapi í lægðum nálægt vaðinu hjá Norðlingafljóti og ekki er rétt að fara um heiðina sjálfa fyrr en hún hefur verið opnuð.
Steini
You must be logged in to reply to this topic.