Reykingarmál

VERUM GÓÐ VIÐ REYKINGARFÓLKIÐ!!!!!

ÞAÐ Á SVO STUTT EFTIR.

Fyrst byrjað er að tala um reykingar í mörkinni verð ég að taka þátt. Þetta með að koma upp stigann og lenda í reykjarþoku er náttúru lega óþolandi fyrir reyklausa (skiljanlega) nú er ég einn af þessum sem talað er um að ætti að banna og er alveg tilbúinn að færa mig yfir í hinn endan og hafa alla glugga opna til að "hlífa" hinum reyklausu. Þetta myndi maður flokka undir eðlilega málamyndun en að fara banna fólk eða reykingar er bara hrein mismunun því að þó að við reykjum erum við líka félagsmenn og höfum engu minni rétt en reyklausir.

Mér finnst að það ætti að banna reykingar í skálum.

Samt er ég alveg sammál honum það á bara svo stutt eftir.

Væri ekki möguleiki að halda rafræna kostningu á síðunni. Það mætti útfæra þetta þannig að kosið væri um Mörkina og mánudagsfundina saman:

Á að leyfa reykingar á fundum eða opnum húsum:

X Nei X Nei X NEI

Aðrir möguleikar væru ekki fyrir hendi.

Annars væri einn möguleiki með Mörkina. Útbúa reykingarkompu á skrifstofu stjórnarinnar. Ég er viss um að stjórnin væri til í að samnýta skrifstofuna með reykingarmönnum.

Annar þvottalatur.

Það er alltaf gaman að sjá tillögur reykingamanna um hvernig á að aðskilja reyk- og reyklaus svæði.

Ég verð nú reyndar að viðurkenna að ég hugsaði svona svipað hérna í gamla daga meðan ég reykti.
Það vill bara svo til að það er ekki hægt að segja að hluti af svona sal eins og er í Mörkinni eigi að vara reyklaus vegna þess að reykurinn berst náttúrulega um allt rýmið.
Að reykja í austurendanum er þar af leiðandi út í bláinn (eða er kannski út í "gráinn" meira viðeigandi í þessu sambandi :)). Hvað ef það er austan átt sem er nú ekki óalgengt haldið þið að reykinn mundi leggja út um gluggann á móti vindinum.

Um miðja síðustu öld þótti ekkert tiltökumál þó að menn reyktu í bíó og ég held að tíminn muni leiða í ljós að fólki fynnist svona ámóta hlægilegt að við sem ekki reykjum þurfum árið 2001 að vera að standa í svona þvargi til að geta nýtt okkur félagsaðstöðu Ferðaklúbbsins 4X4.

Með félagskveðju…
Kalli
R-94

Reykingar – þess vegna á að hætta að reykja í Mörkinni og skálum félagsins

Hvers vegna að snúa baki við reykingum?

Ótal heilsufarslegar ástæður er hægt að nefna fyrir því að slökkva í síðustu sígarettunni, bæði vegna reykingamannsins og hans nánustu.

Batnar líðanin?

Auðveldara verður að draga andann, og hósti lagast.
Bragð- og lyktarskyn batnar.
Minna álag verður á hjartað.
Minni hætta er á krabbameini og blóðtappa.
Sjálfstraustið eykst.
Peningasparnaður.
Hvaða áhrif hafa reykingarnar á heilsu reykingamanns og hans nánustu?

Lungnateppa (langvarandi berkjubólga (krónískur bronkítis), lungnaþemba og COPD).
Sjúkdómurinn lýsir sér fyrst og fremst með hósta og slímhráka. Hann stigmagnast og kemur fram því að smátt og smátt dregur úr starfsemi lungnanna. Dæmigert er að sjúkdómurinn geri vart við sig á aldursbilinu 35 til 45 ára. Þegar dregur úr lungnastarfsemi þjáist sjúklingurinn af mæði, og spítalalegum fjölgar vegna bráðatilfella er sjúkdómurinn sækir í sig veðrið. Fjöldi manns deyr árlega hér á landi af völdum reykinga.
Krabbamein
Reykingafólk á þá mun frekar á hættu að fá krabbamein en aðrir. Þetta á sérstaklega við um þær tegundir krabbameins sem eru nær eingöngu bundnar við reykingafólk. Svo sem ungnakrabbamein, krabbamein í hálsi og krabbamein í munnholi. En einnig eru önnur krabbamein algengari meðal reykingafólks en reyklausra og má þar nefna hálskrabbamein, krabbamein í vélinda, nýrum, milta, leghálsi og þvagblöðru. Þegar hætt er að reykja, líða 15 ár, áður en hættan á lungnakrabbameini er orðin álíka lág og hjá reyklausum.
Æðakölkun.
Æðakölkun er nátengd reykingum. Æðakölkun við hjartað, sem veldur einkennum, og getur valdið blóðtappa, er mun algengari hjá þeim sem reykja og 9 af hverjum 10, sem fara í hjartaæðaaðgerð (by-pass) eru reykingafólk. Æðakölkun í heila, sem getur valdið lömun, er algengust meðal reykingafólks. Æðakölkun í fótum, sem getur haft í för með sér drep og aflimun, er algengust meðal reykingafólks. Ef reykingar eru lagðar af, aukast lífslíkurnar verulega. (Sænsk rannsókn hefur sýnt fram á að þeir, sem hafa æðakölkun í fótum, auka lífslíkur sínar úr u.þ.b. 5% upp í u.þ.b. 40%, á 10 árum, með því einu að hætta að reykja).
Þungun
Líkurnar á að verða barnshafandi lækka umtalsvert við reykingar.
Reykingar hafa áhrif á fóstrið og lækka fæðingarþyngd. Sennilega vegna þess að barnið fær minna súrefni, alla meðgönguna, en ef móðirin reykir ekki.
Eftir fæðingu er barninu mun hættara við veikindum. Börn foreldra, sem reykja eru líklegri til að fá eyrnabólgu og astmakennda berkjubólgu (bronkitis).

Þetta er nú alveg frábært með reykingarbannið í Mörkinni.

Ég leit við í mörkinni núna í kvöld eins og oft áður og eftir
að reykingabannið var sett á þá hefur nú ekki fjölgað félagsmönnunum í Mörkinni.
Nei þeir sem hafa fyrir því að mæta standa niðri í andyri og reykja. Hinir sem ekki reykja og kvarta yfir reyknum láta varla sjá sig. Þetta er allavega búið að vera svona í þau tvö eða þrjú skipti sem ég er búinn að líta við eftir að bannið tók gildi.
Það vaknar hjá manni spurning hvort það sé rétt að mánudagsfundur eigi að ákveða svona hlut eða fólkið sem þó mætir í Mörkina ætti kannski að kjósa um þetta þar. Það virðist jú vera reykingar fólkið sem hittist í Mörkinni. Það þarf nú kannski ekki að taka það fram að ég er reykingamaður. En ef reykingar yrðu nú kannski leyfðar aftur í Mörkinni þá þætti mér sjálfsagt að þær væru á mjög afmörkuðu svæði. En mér er nú engin vorkun af því að fara niður eða jafnvel út í bíl að reykja. En mér finnst það nú ekkert glæsileg sjón að sjá fullorðið fólk hanga í andyrinu að reykja.

Bestu kveðjur
Með von um góðan snjó í vetur.
Röggi

Sælir

Mér finnst alveg merkilegt að umræða um reykingar skuli vera á þessu stigi árið 2002.

Kveðja
Ferðir