REXTON

Sæll Snake.

Nú þekki ég ekki til þessa undratækis sem þú ert að lýsa, en það verður að játast að það dregur mjög úr slagkraftinum hjá þér að þú ert alltaf að skipta um skoðun á því hvað það er sem heillar þig mest. Þetta mynnir helst á barn í sælgætisverslun sem bendir stöðugt á næstu sælgætiskrukku og getur ekki valið…

Ef ég man rétt, þá er ekki langt síðan að þú hélst úti miklu spjalli um það hve frábær og mikill yfirburða bíll Bronkó II væri. Maður klökknaði bara í fyrstu af hrifningu þinni… en allt í einu var þessi Bronkó týndur og seldur vegna þvílíkrar aðdáunar á Musso. Við fengum að heyra miklar lýsingar á ágæti þess bíls, þótt þú hefðir reyndar þá ekki ennþá prófað hann. Núna ertu líklega búinn að prófa hann og viti menn… aðdáunin horfin og fokin út í veður og vind fyrir nýrri REXTON aðdáun………

Ég bara fylgist spenntur með því hvað það verður næst.

Vona annars að þú finnir leið til að eignast svona bíl og vona líka að aðdáunin verði enn til staðar þegar þú verður búinn að breyta honum og prófa hann! 😉

Ferðakveðja,

BÞV

Þorri er vonandi mikill húmoristi sem hefur alveg sérstaklega gaman að hræra í mönnum sem eiga aðra tegund en Toyota til að svona ná fram líflegum umræðum, sem eru þó full flatar af hálfu Toyota manna og sérstaklega Þorra sem virðist ekki ráða við sig þegar menn sem eiga aðra tegund, lýsa ánægju sinni á bíl sínum.

Snake virðist vera í uppáhaldi hjá Þorra og hefur hann sérstaklega gaman af að svekkja Snake, sem er búinn að leifa sér að prufa fleiri tegundir en Toyota og verið ánægður með þann bíl sem hann hefur átt í það og það skipti.

Segðu mér eitt Þorri hvernig bíl áttir þú áður en LC 90 kom til sögunar ? varstu ánægður með þann bíl? Því í ósköpunum skiptirðu? Af hverju varstu ekki bara á þessum gamla áfram og neitaðir að horfa til framtíðar?

Er það ekki bara þannig að okkur langar alltaf að prófa eitthvað nýtt og fylgjast með nýungum.

Kveðja Jón

Er þetta ekki með eindæmum, ég bara nærri búinn að missa af svona líflegum umræðum um blikkdósir….. Er alveg undrandi á B Þorra að vera ekki búinn að svara og klukkan orðin rúmlega 17 á sunnudegi….

Svona áfram nú…..

Við bíðum öll….

kv
P

Sæll Snake.

Þetta fannst mér skrítinn póstur. Þú ert að vekja athygli okkar skrælingjanna á einhverri nýjung sem þú telur aldeilis frábæra eftir að hafa farið á forsýningu sjálfur. Er það leyndó sem sýnt var þangað til fram yfir frumsýningu?

Ég vona bara að þessi tækniundur séu ekki einhver austurlanda samsuða sem búin er til eftir áratuga gömlum teikningum frá vesturlöndum sem gefnar hafa verið sem þróunarhjálp… Einhvern veginn minnkar það spennu mína að heyra af "nýjungum" sem byggja á eldgamalli framleiðslu.

Annars geturðu verið alveg rólegur með það að ég mun ekki fullyrða neitt um það sem ég þekki ekki og ekki hefur verið prófað. Þótt sumir aðrir fullyrði eitt og annað án þess að hafa prófað hlutina, þá hefur 15W peran mín enn dugað til að forða mér frá þeirri "ormagryfju".

Annars gleðst mitt barnslega hjarta mest yfir því að niðurstaðan úr þessu öllu er að við erum þá bæði ég og þú hæstánægðir með það sem við höfum, því þá er tilganginum náð.

Ferðakveðja,

BÞV

Sæll Þorri!

Forsýninginn var í boði Bílabúðar Benna og fór hún fram í Þórsmörk. Frumsýninginn verður örugglega mjög fljótlega eins og ég var búinn að segja.

Það að ég nefndi þennan bíl var einfaldlega til að koma minni skoðun á framfæri…ég get sent þér myndir af þessum bíl ef þú vilt til að þú fáir að sjá hann. En málið er það að ég vil ekki vera sá sem segir frá þessu þar sem að ég er ekki á vegum Benna og hef ekki verið beðinn um að kynna bílinn.

En aftur get ég sagt ykkur hvað mér finnst þó svo að þið hinir sem ekki sáuð jeppan getið kanski ekki tjáð ykkur á sama hátt fyrr en eftir að þið eruð búnir að sjá hann.

Eins og ég er búinn að segja áður þá hvet ég ykkur til að fara og skoða hann þegar hann verður frumsýndur þar sem að þetta er kær velkominn bót í jeppa flóru landsmanna.

Þetta er alveg nýr bíll að öllu leiti, nema kramið. Það mætti kanski segja að þetta sé í raun ný viðbót við Mússóinn….Hann er reyndar með sama drifbúnað og Músso sem er náttúrulega bara gott mál þar sem að hann hefur komið mjög vel út. En aftur allt annar bíll hvað varðar útlit og stærðarhlutföll miðað við Mússóinn. Þetta er Stór lúxusjeppi, og var mér tjáð að hann væri ekki nema 3 sentimetrum styttri en Land Cruiser 100 sem ég reyndar veit ekki hvort sé rétt.

Vona ég bara að þetta dugi þangað til að menn sjá hann sjálfir.

Kv
Siggi

PS…Þorri ef þú vilt sjá myndir af þessum bíl hafðu þá bara samband.

Þið getið skoðað myndaalbúmið mitt, þar er þessi nýi Rexton. Bara mjög glæsilegur JEPPI
Gretar

Ég var þarna um helgina, (skar mig áreiðanlega svolítið úr hópnum, kom ekki á Musso heldur kom ég gangandi með bakpoka, legghlífar, línu og allt það sem flesti jeppamenn á svæðinu voru líklega ekki með). Það er eitthvað við þennan nýja jeppa sem veldur því að hann heillar mig ekki. Mér finnst hann líta út eins og útblásinn Daewoo Nubira fólksbíll. Einnig hefur það alltaf setið í mér að Musso séu ekki áreiðanlegir jeppar, veit ekki af hverju en svona er það nú sammt. Að vísu skoðaði ég jeppan nánast ekki neitt svo ég telst kannski ekki fullkomlega dómbær á hann.

Freyr

Sæll Freyr!

Þú segir að það sé eitthvað við Mússó sem þér finnst ekki áreiðanlegt, hvað heldur þú að það sé sem veldur því? Hefur þú einhverja eigin reynslu af þeim sem gerir það að verkum að þér finnist þetta?

Ég skal telja fram nokkra kosti og líka einhverja galla.

VÉLARNAR í þessum bílum eru frá MERCEDES BENZ, og eru framleiddar í verksmiðju í Kóreu sem Mercedes Benz á og rekur, þar eru framleiddar flestar díselvélar sem notaðar eru í Benzana og einnig í stóru vörubílana frá Benz.

SJÁLFSKIPTINGARNAR eru frá Mercedes Benz, sömu skiptingar og eru notaðar í einhverjum gerðum af Benz sem ég reyndar veit ekki hvaða gerðir er um að ræða.

GÍRKASSARNIR í þessum bílum eru frá Borg&Warner, amerískir kassar sem eru níðsterkir enn með einn galla í Mússóinum, og það er að það eru ekki nógu góðar sínkróníseringar í þeim, en að öðru leiti mjög slitsterkir.

MILLIKASSARNIR eru einnig frá Borg&Warner, níðsterkir, enn með þann galla að þeim er skipt með rafbúnaði sem ég tel vera bæði kost og galla. Kosturinn er að sleppa við þessa aukastöng sem yfirleitt fylgir jeppum, gallinn er að það er ekki eins öruggt og að vera með stöng.

HÁSINGARNAR eru frá DANA/SPICER að aftan er heil DANA44 hásing sem er gömul og reynd hönnun sem virkar MJÖG vel og er sterk og létt að fá allar mögulegar gerðir af hlutföllum og læsingar í. Hásinginn að framan er DANA30 og er mér sagt að sé einn sá alsterkasti klafabúnaður í nýjum jeppa ídag.
Sel það reyndar ekki dýrara enn ég keypti það. Einnig er létt að fá hlutföll og læsingar í framhásinguna.

Grindinn í bílnum er öflugri en gengur og gerist og er ekki eins gjörn á að ryðga og þær grindur sem eru gerðar úr prófílum.

Og þá komum við að yfirbyggingunni, sem hefur sína kosti og sína galla eins og hjá flestum öðrum framleiðendum. Gallarnir eru þeir að mér finnst. Sætinn mættu vera betri (er ég þá að miða við minn bíl sem er ´98 módel getur verið breytt í yngri bílum) Þau fara vel með mann og allt það og maður þreytist lítið í þeim, enn þau eru ekki nógu slitsterk að mínu mati. Það er óþægilegt að spenna öryggisbeltin þar sem að læsinginn á þeim er heldur stutt og þarf maður að troða hendinni á milli sín og boxið sem er á milli sætanna. Glasahaldararnir í mínum bíl eru alltof litlir til að geta tekið ja…allar gerðir af flöskum sem eru á markaðnum.

En mér finnst kostur með bílinn að það er rosalega gott útsýni útúr honum og er það betra en í nokkrum öðrum jeppa, maður sér svo vel framfyrir sig þar sem að húddið hallar mjög mikið miðað við gerð af bíl. Mér finnst hann fallegur að innan og er ekki þetta týpíska JEPPA lúkk inni í honum. Stýrið er þykkt og grip mikið og er það MIKILL kostur að mér finnst þar sem að ég er með nokkuð stórar hendur.

En svo er aftur annað sem ég get bent þér á að lesa svo að þú fáir nú betri hugmynd um hvernig þessi bíll er.

Farðu inná þessa síðu og lestu umsögnina um Mússóinn og segðu mér svo hvað þér finnst.

Þessi síða er umsögn um bíl eins og minn.
http://www.leoemm.com/musso.htm

Þessi síða er umsögn um nýrri bílana.
http://www.leoemm.com/musso.htm

Ég vona að þú lesir þetta þó svo að það geti tekið smá tíma þá er það vel þess virði og færðu nokkuð góða hugmynd um hvað þessir bílar eru.

Kveðja

Siggi Frikk

Ég veit ekki hvort að það sé óhætt fyrir mig að tjá mig hérna en ég læt vaða samt sem áður…………

Til að útiloka allar sögusagnir þá er LC100 17cm lengri en Rexton og skilar 82 hö og 174nM meira en 2.9L Benz. Hann er nú einu sinni Kóngurinn. Það er eflaust LC90 sem var átt við, hann er 3cm lengri en Rexton.

Við "mína" fyrstu sýn þá kemur þessi bíll bara vel út og er eins og hinir frændur hans í þessum klassa þ.e.a.s. M-Class Benz, X-5 BMW og Lexus RX-300. Og allir þessir bílar þá líta þeir út eins og uppblásnir fólksbílar, en það er markmiðið með hönnunini.

Ef einhverjir vilja skoða specs um bílinn þá eru þau á:
http://www.daewoo-gps.at/rexton/datenblatt.htm

Snake: Helsta ástæðan fyrir því að ég er ekki hrifinn af Musso er að ég heyri endalausar sögur um eitthvað sem bilar, sjaldnar heyrir maður í ánægðum mönnum eins og þér. Boddí virðist ekki alveg nógu vel samsett. Hér koma nokkrir punktar sem ég hef heyrt eða lennt í með Musso, bæði góðir og slæmir.

Þetta hef ég heirt:

1 Vorum á Chevrolett (gömlum), einhverjum Toyota jeppa og Musso í Tindfjöllum. Það eina sem bilaði voru slitnir ventlar í Musso.

2 Mussoinn var á ferð á vondum malarvegi og afturrúðan datt bara úr.

3 það skröllti svo í boddíinu að ég hélt að það dytti af.

4 Vorum í hraðakstri á jökli og vatnslásinn gaf sig.

5 Frábær jeppi, endalaus orka (í 3.2 vélinni).

Þetta hef ég séð, hef verið viðstaddur (oftast) eða finnst.

1 Pabbi var að skoða undir Musso á varkstæði og þá sagði viðgerðarmaðurinn "ekki fá þér svona jeppa", ástæðan var að þeir bila svo mikið.

2 í nýliðaferð 4×4 fyrir 2 árum var (held ég) það eina sem bilaði vatnslás í Musso með 3.2 bensín.

3 Mér finnst Musso flottir, samt EKKI sá nýi.

4 Mér finnst vélarnar í Musso spennandi.

5 Mér finnst fráhrindandi að Musso er samsettur í Kóreu.

Það sem mér finnst helst fráhrindandi er að jeppinn er samsettur í Kóreu. Benni auglýsir m.a. "Kóresk vandvirkni" ég er ekki viss um að hún sé jafn góð og t.d. sú japanska.

Freyr