Reikniformúlan hans eik

Ég var einmitt að reyna að mana mig upp í að, fyrst reyna að skilja ínnleggið hans Einars, og svo svara því.

Á sínum tíma útbjó ég í Excel reikniforrit til að reikna hámarks snertiflöt dekkja miðað við að hleypt væri úr þannig að dekkið neðan við felgubrún flettist alveg út (hámarksflot).
Þar gaf ég mér nokkrar stærðir þannig að fermetrafjöldin var kannski ekki alveg réttur, en hlutfallið milli dekkjastærða var nokkuð rétt. Og þar kom svo sannarlega stærð dekksins mikið við sögu. Bæði stærð belgs (hæð og breidd), ummál dekksins og felgustærðin.
Þyngd bíls og fleira var í töflunni, þar var meðal annars borið saman flot Súkku á 33" og LandCruser 80 á 38" sem að mig minnir var Súkkunni í vil.

Þyngd bílsins hafði þau einu áhrif að eftir því sem hann var þyngri þurfti minna að hleypa úr þar til hámarksfloti var náð. Ef hleypt var meira úr þá fór felgan (á mjúku undirlagi eins og t.d. snjó) að fara niður úr flotfletinum og í staðin fyrir að fá láréttan snertiflöt og alveg útflatt dekk varð hann U-laga, dekkið fór að leggjast upp með felgunni, og flotið minnkaði aftur.

En nú er Excel skráin týnd (tölvuskipti)svo ég get ekki slegið þessu nýja dekki inn og borið það saman við hin (alveg frá 33" upp í 44").
En nú er forvitning vakin svo ætli ég setji mig ekki í reiknistellingar aftur og búi til nýja!!!

Siggi_F

Sælir

Formúlan hans Eik er rétt að ákveðnu leiti, en þó ekki öllu. Þessi formúla gerir ráð fyrir að hluturinn ? í þessu tilviki dekk ? teygist jafnt í allar áttir við það að þrýstingur inni í honum lækkar. Með dekk er það hins vegar alls ekki raunin og því hefur stærð dekkja mun meira að segja heldur en formúlan gefur til kynna.

Til þess að átta sig á þessu án tilrauna er lang einfaldast að teikna þetta upp.

Með því að teikna tvo hringi hvorn utan um annan ? annan 15? og hinn 38? ? draga svo línu ca 5 ? 7 cm neðan við innri hringinn ? þá er lengdin á milli skurðpunkta þeirrar línu við stærri hringinn u.þ.b. = sporlengdin. Síðan er að taka tillit til þess hvernig dekkið flest út til hliðanna ? þá er að taka hæðina neðan við skurðarlínun og bæta ca 70 % af henni við breidd dekksins. U.þ.b 30 % af hæðinn tapast í beygjuna og það er mitt mat að þetta tap sé meira eftir því sem að felgubreiddin er minni en breidd dekksins ? þetta er miðað við 14? felgu.

Þessa aðferð hef ég sannreynt á 38? GH með 14? felgu og teikning og mæling gaf mjög viðlíka niðurstöðu.

Tökum dæmi:

500 kg bíll á 38? GH dekki ? hleypt úr niður í 1 pund.

Formúla Eik gefur snertiflöt upp á 7121 cm2

Sé þetta hins vegar teiknað eins og ég lýsi þá fæst sporlengd upp á 81 cm og breidd upp á 53 cm og þá er snertiflöturinn 4293 cm2

Af þessu sést að takmörkin sem 38? dekki setur vegna stærðar sinnar er um 2828 cm2.

Væri hins vegar um 44? dekk að ræða gæti mesti snertiflötur skv. Sömu mæliaðferð orðið 6232 cm2 ? en formúla eik gæfi eftir sem áður sömu niðurstöðu.

Til gamans má svo nefna að skv þessum tölum þá stígur þessi bíll niður með 0,12 kg/cm2 sé hann á 38? dekkjum en með 0,08 kg/cm2 sé hann á 44? ? til samanburðar stígur 100 kg maður á skóm nr 43 niður með 0,15 kg/cm2.

Kveðja
Benedikt Magnússon

Ég tók það fram að reglan gilti aðeins ef dekkið væri nógu stórt til að bera þungann, í dæminu sem hmm tekur, er dekkið ekki nógu stórt til að lyfta bílnum við 1 psi, því á reglan up hlutfall þyngdar og þrýstings ekki við. Eitt af því sem menn þurfa að passa sig á, er að hlutfallsleg skekkja algengra loftmæla getur verið mjög mikil við svona lágan þrýsting.

38" dekk er ekki nógu stórt til að bera 500k við 1 psi. (ef réttur loftmælir er notaður).

-Einar

Sælir

Það er rétt hjá Einari að 38" dekk ber sennilega ekki 500 kg í 1 pundi en þó er það ekki mjög fjærri.

Ég hef gert þessa tilraun sem Einar lýsir og mælt þrýstinginn sem þarf til að byrja að lyfta bílnum.

Þetta var gert með mjög nákvæmum mælitækjum og loftþrýstingur mældur með 3 mælum og sýndu þeir innan við 10% mismun.

Tilraunadýrið var sem áður segir 38" GH á 14" felgum og ofan á þessu er 98′ árgerð af Pajeró og viktar um 550 kg á hjólið sem prófað var.

Lengdarmælirinn var settur við felgubrún og festur við gólf. Þegar 1,5 psi var komið í dekkið var orðin mælanleg hækkun á felgubrún og því þrýstingurinn væntanlega farinn að lyfta bílnum.

Snertiflötur var við þessar aðstæður nánast sá sami og þegar dekkið var alveg flatt ( í 1 psi) eða um 4300 cm2 en eftir sem áður segir formúlan að snertiflötur við þessar aðstæður eigi að vera 5222 cm2.

Þessi munur skýrist af því að dekkið sem lítur ekki sömu lögmálum og kassi sem þenst jafnt í allar áttir. Þessi mismunur er vissulega minni eftir því sem dekkið er minna og þrýstingurinn meiri – en niðurstaðan er sú að formúla sem þessi getur að mínu mati og skv. þessum tilraunum ekki gefið rétta niðurstöðu – það vantar allt of marga þætti inn í dæmið sem hafa áhrif. t.d. stífleika dekks og felgubreidd.

Kveðja
Benni