Reglugerð um ljós og grindur

Gildir þessi reglugerð ekki bara fyrir bíla sem eru þá skráðir 2008 og uppúr? er svona afturvirkt?

Það var fjallað um þessi reglugerðar ákvæði í [b:4wb201s8][url=http://www.f4x4.is/new/forum/default.aspx?file=bilarogbreytingar%2f9723:4wb201s8]þessum þræði.[/url:4wb201s8][/b:4wb201s8]

-Einar

. hæ hó nennti ekki að gera athugasemdir við þennan pistil, enda var það gert 18 apríl. Þakk snögg og geinagóð svör.

það er alveg ljóst að grindur valda í langflestum tilfellum minni skaða á þeim bíl sem ber grindina, en ég er hræddur um að það sé ekki það sem átt er við. Hvað er það sem við getum getum til að þessi reglugerð taki ekki gildi, Við höfum greinilega verið alvarlega sofandi því þetta er ein versta atlaga að jeppamennsku á íslandi í langann tíma og enginn hefur sagt orð á móti þessu. Aldrei hefur verið eins mikil nauðsyn að vera með grillgrindur en nú þegar það eru ekki lengur stuðarar á nýrri bílum heldur bara eitthvað plastdrasl sem verður eftir í næstu á sem farið er yfir að vetri til. og þá er mér að mæta því sem umhverfisnefndarmanni sárnar mér ef menn skilja eftir rusl í náttúrinni.
þessi reglugerðarómynd kamur frá Brussel en Svíar og Finnar tóku hana ekki upp því þar er löng hefð fyrir grindum og aukaljósum. auðvitað eigum við að gera slíkt hið sama. Ég lýsi hérmeð eftir mönnum til að vinna í þessu að þessi reglugerð taki ekki gildi því það er ekki hægt að fara eftir henni.
kv. Freyr fyrrverandi Tækninefndarmaður.

Þetta hefur verið rætt oftar en einusinni á félagsfundum. Þar fékk sú skoðun að þetta boðaði endalok íslenskrar jeppamensku ekki mikinn hljómgrunn, en Freysi hefur ekki legið á þessari skoðun sinni, og veit að þetta hefur verið Arctic Trucks mönnum mikið hjartansmál. Þeir hjá Arctic Trucks hafa þó ekki haft samband við Tækninefndina, heldur við fyrrvarandi formann, sem mun hafa notað sambönd sín til þess að fá gildistöku ákvæðisins frestað, án þess að blanda tækninefndinni inn í málið.
Skoðun tækninefndarinnar hefur verið að það sem máli skipti hér er það hvernig þetta ákvæði verður útfært.

-Einar

Bara svona til að upplýsa okkur fáfróða, hvert er hlutverk tækninefndarinnar?
.
Er það bara að vinna í radíómálunum fyrir okkur eða víðtækara?
Ef tækninefndin hefur það hlutverk að upplýsa okkur um það hvernig við skulum hátta breytingum á bílunum okkar EFTIR að búið er að setja um það lög að þá hefur nefndin þar ansi veigalítið hlutverk.
.
Er það ekki einmitt stór tilgangur nefndarinnar að geta komið að svona málum á forstigum og reynt þá að hafa einhver áhrif í stað þess að bíða bara og sjá hvernig þetta kemur út???
.
Verður lítið gaman að sögunum okkar eftir 10 ár þar sem við sitjum öll saman í nýja hótelinu í Landmannalaugum og horfum á alla "vænu" fólksbílana okkar þar á uppbyggðu og upphituðu planinu.
.
Sögurnar verða þá meira bara eins og allar hinar….. "vó, sástu hvernig kvikindið svínaði á mig við brúnna yfir Bjallavaðið? Gaurinn var örugglega á a.m.k. 120!!" ….hvað er varið í það?

Það er starfandi sér fjarskiptanefnd innan 4×4, en engu að síður er ánægjulegt hvað margir hafa skoðun og áhuga á fjarskiptamálum.

Hlynur fjarskiptanefnd

Mér sýnist flestir vera sammála því að það þurfi að bæta aðkomu okkar að regluferlinu. Það er verið að vinna í því máli, tækninefndin hefur m.a. fundað með aðstoðarmanni samgönguráðherra, sem sýndi okkar málum mikinn skilning og áhuga.
En það er með þetta eins og fleira, það er lengi hægt að gera betur og það má vissulega með góðum rökum halda því fram að tækninefndin gæti unnið af meiri krafti. En það má líka segja þetta um fleiri.
Og sem betur fer eru þeir málaflokkar sem hver nefnd fæst við ekki einkamál þeirra sem gefa kost á sér til setu í þeim á aðalfundi.
Varðandi drasl sem sumir festa framan á bílana sína, þá finnst mér persónulega bara allt í lagi að um það gildi eitthverjar reglur. Ég er búinn að eiga jeppa í tæp 20 ár, en hef enn ekki komið því verk að hengja dót framan á bílinn. En þetta er mín prívat skoðun og þarf hvorki að endurspegla skoðun félagsins eða tækninefndarinnar.
Ef menn vilja leggja okkur lið, þá er öll aðstoð vel þegin, hvað segið þið um að httast í mörkinni n.k. fimmtudagskvöld?

-Einar

Í ljósi þess að einum ónefndum aðila þótti óþarfi að hengja ýmist dót framan á bílinn (kastaragrindur t.d til að verja plastssvuntur eða veika framenda fyrir ís og krapa, eða spil til að draga fólk upp, svo má lengi telja), þá á bara að banna þetta allt? Ekkert að aðhafast í málinu frekar en að bara sjá hvernig útkoman verði? Mér þykir þetta afar dularfullt mál, en nefndin hlýtur nú að geta útskýrt fyrir okkur hvernig þetta á að æxlast og "reddast" með tímanum, fyrst þeir virðast vera með þetta allt á hreinu.

Mér þykir alvarlegt ef persónulegar skoðanir nefndarmanna eru hafðar að leiðarljósi í málákvörðunum, ég tel að það hafi verið fullljóst frá byrjun að þessi lög myndu hitta á fínustu taugar annsi marga. Ég er ekki með að fólk sé að hlaða kengúrugrindum með göddum á framan á bílana, en mér finnst meðalhófs mega gæta, öll aðför að frelsi jeppamanna (og almennt fólks hér í heiminum) eigi að teljast varasöm, sama í hvaða formi hún birtist.
Allt í lagi að setja reglur um hvað megi hafa framan á bílum og hvað ekki, en allavegana þykir mér að þetta mætti vera skýrara og birtast fyrir framan sótsvartan almúginn svo hann geti nú eitthvað fylgst með.

Ég bíð bara eftir, eins og fleiri hafa minnst á, að upphækkanir verði bannaðar, dekk yfir 29" verði dæmd ólögleg og felgur breiðari en 10" verði ávísun á rauða miðann í skoðun.

Ég verð að segja fyrir mitt leiti, ég er æfur. Virkilega, virkilega æfur yfir því að tækninefnd, sem ég sem félagsmaður treysti á að geti gætt að hagsmunum jeppamanna og félagsmanna 4×4 að leiðarljósi.

Mér finnst þetta afturför. Þetta kallar á að fólk þarf að fara í kringum lögin á allan hátt með sín ljós og "mannvígsgrindur" (eins og hæstvirtu f**istar í Brussel líta á þetta).
Kannske er ég að dæma þetta of hart, kannske mun þetta "reddast" eftir því sem nær dregur lagasetningunni. Ég veit það ekki.

Kkv, Samúel Úlfur Þór.
E-1851

P.S. Endilega, endilega leiðréttið mig ef ykkur finnst ég fara með rangt mál. Því ég er afar svekktur ef þetta er niðurstaðan í málinu…

Þetta mál hefur margsinnis verið rætt og kynnt á félagsfundum. Þar hafa verið lítil viðbrögð, en þó hefur Freysi talið að þetta stkipti miklu máli og veit að það forsvarmenn fyrrverandi vinnuveitanda hans voru í sambandi við fyrrverandi formann félagsins. Þó að ég sé hér aðeins að túlka mínar skoðanir, þá minnist ég þess ekki að það hafi verið ágreiningur um þetta í tækinefndinni þegar við vorum að fjalla um þetta.
Nú er einmitt rétti tíminn til þess að vinna í því að framkvæmd reglnanna verði skynsamleg. Það er ekkert sjálfgefið í því efni.
Ef það verður niðurstaðan að klúbburinn vilji að þessi regla verði afnumin, þá er aldrei of seint að vinna að því. Ég tel þó sjálfur að það séu mörg mál mikilvægari til þess að beina kröftunum að.
Sjáumst í mörkinni n.k. fimmtudag.

-Einar