range rover breyting

Já, ég hugsaði mikið um þetta einusinni, en vildi bara 8 gata tæki, dísel kom til greina, nema hvað þær eru allt of þungar og dýrar (GM 6.2-6.5) þannig að ég gerði upp ´84 módel af 3.5 vél, setti 4ra hólfa blöndung og breytti milliheddinu því ég tímdi ekki að kaupa það nýtt á um 40 þús þá, hefur sennilega eitthvað lækkað í verði núna, einnig keypti ég nýjan knastás, undirlyftur, tímagír, portaði hedd og smíðaði mér flækjur. Vélin er búin að fara í gang og virtist virka en þó á eftir að prufa þetta endanlega. Þú getur séð myndir í albúminu mínu en ég er reyndar með Land Rover boddý ofaná RR grind, vél, kössum og hásingum.

Bensínkveðjur
Ásgeir

þú fyrirgefur hversu hart út ég tala……….

mér fynnst þessi Landrover þinn allveg með einsdæmum ljótur
og má ég spyrja, til hvers að stytta milli hjóla, þar sem að nú flestir reyna að hafa sem lengst milli hjóla á svona stórum dekkjum, og bara jeppum yfir höfuð (hér á Íslandi)

Sæll Ísmaður.

Þú fyrirgefur hversu hreint út ég tala.
En er ekki allt í lagi með þig?
Þetta er með flottari bílum sem ég hef séð og kemur án efa til með að verða einn af öflugustu bílum landsins þegar hann er tilbúin.
Ef að þú skoðar myndirnar aðeins og íhugar hvernig bílar þetta eru samsettir, þá þarf að sjálfsögðu að stytta á milli hjóla.
Stuttur Landrover + Range Rover grind = passar ekki
EN
Stuttur Landrover + stytt Range Rover grind = tær snilld

Bíllinn alveg fisléttur (að miklu leyti úr áli og létt vél), dekkin eru eins langt fram og hægt er (eins og sést á hliðarmyndinni) og einnig eins langt aftur og hægt er (þau rekast í afturstuðarann þegar hann fjaðrar saman, eins og fram kemur hjá honum).

Ekki misskilja mig það á hver að vera með sina skoðun á útliti bíla en þú bara hljómaðir eitthvað svo gagnrýnin yfirhöfuð að ég varð að skjóta þessu inn
Ps þetta er nú það sem ég álykta með styttinguni á milli hjólanna, leyfum nú hönnuðinum að svara hvers vegna þetta var gert…

Kveðja
Izeman

Ég er sammála Izeman, ekki dæma svona hart. Mér sýnist nú á myndunum að þessi tiltekni jeppi sé ekki að fara langt í bráð. Það vantar á hann ljós og ja, nokkurn veginn allt nema vélbúnað og dekk. Þessi bastarður verður ábyggilega fínn þegar að það er búið að dúllast aðeins í honum, punta hann með kösturum, toppi og lakki;)

Hlakka til að sjá myndir af stólpuðum bastarði tilbúnum á fjöll.

Haukur

Þakka síðustu ræðumönnum!
Bíllinn er ekki að fara neitt í bráð eins og þú HÞS sagðir, ég er að stefna á að gera hann ferðafæran fyrir næsta vetur, þó á ég allt annað sem vantar á myndirnar en það er bara svolítið mikill tími sem fer í þetta púsl. Pælingarnar hafa verið miklar og þessi stytting sem ég talaði um er náttúrulega lenging fyrir boddíið sem ég nota, original gamli landróver er 88 tommur milli hjóla (miðja í miðju) en minn er 95 tommur sem eru 241 cm. munurinn þessar 7 tommur sem eru 17.5 cm er í rauninni lengingin á milli hjóla á robbanum, ég þurfti bara að stytta Range Rover grindina um 9 cm þannig að þetta kæmist mögulega saman annars væru semmilega engin frambretti.

Hver hefur sinn smekk og ætti að vera frjálst að tjá sig þannig að ég ætla bara að segja það persónulega finnst mér Þessir nýju plaststuðarabílar óttalega asnalegir, ekki þarf nema að brotna niður úr ís 1nu sinni og þá eru stuðari ef ekki báðir, kantar og svona drasl allt í henglum, og 100 þúsundkallarinir eru fljótir að fjúka í þannig.

Vonast eftir meira umtali um eldri og reyndari bíla
Gamlingjakveðja Ásgeir

Ég ver nú eiginlega að vera sammala þér ásgeir í þessum efnum en sumir tíma þessu og þá er það alllt í lagi mín vegna. Ég hins vegar tími þessu ekki þannig að mér liður vel í hvert skipti sem ég skemmi minn eld gamla range rover og kostar mig yfirleit ekki meira en 5000 að gera við.

Ásgeir ekki býrð þú svo vel að eiga tveggja hólfa blöndung alveg sama hvernig.

Hvar fékkstu þetta millihedd?

kveðja

ég hélt að þetta tæki þitt væri tilbúið, bara svona sem leiktæki :D, aðalega vegna dráttarkúlu festingarinnar að framan, sem svo má nota sem sprunguvarnar tæki eins og þeir sem að óku yfir Suðurskautslandið 😀 en eins og ég sagði, í ÞESSU ástandi fynst mér bíllinn með einsdæmum ljótur, og afsaka hörð orð

en með plast stuðarana, þá er ég nú meiri Willy’s maður en margur annar, samt ekki sá mesti, og þá helst svona bastard úr Willy’s boddýi og Bronco grind 😉

Já bíllinn er ekki tilbúinn, hélt að það mundi nú alveg sjást á myndunum…
…þetta með blöndunginn er þannig að ég bý ekki svo vel að eiga 2ja hólfa tor en get þó reddað þér notuðu; milliheddi fyrir 4ra hólfa tor, edelbrock 500 blöndung og loftsíuuniti af range rover, allt notað en ekki í mörg ár, stendur bara inni á verkstæði og gæti kostað um 40 þús íslenskar lýrur.

Milliheddið mitt er fyrir orginal 2 stromberg blöndunga sem ég sagaði toppinn af og sauð á flangs fyrir blöndunartæki. Þannig er mun betri gangur í vélinni og léttara að stilla hana.

Kv. Ásgeir