Rafsoðið framdrif

Það er alls ekki slæmt að vera með diskalás að framan það er varla að maður finni fyrir honum.
En rafsoðið að framan er eitthvað sem þú verður vel var við og gerir að verkum að þú verður að fara út og taka alltaf úr lokunum þegar komið er á autt allavega annari.Þú beygir ekki á malbiki með með soðið framdrif á flestum bílum.

Ég held að þeim fjármunum sem er varið í að kaupa driflæsingu númer 2 sé -almennt séð- fremur illa varið. Ein 100% læsing dugar í flest og gerir talsvert gagn og það má vel vera rétt hjá Gunnari Inga hér ofar að hún sé betur komin að framan en að aftan.

Vandinn við diskalásana er að þeir halda ekki nægilega fyrir stór dekk til að skila þessu hlutverki. Í mörgum tilvikum verður niðurstaðan sú að það eina sem þeir gera er að vera til bölvunnar í hálku en svíkja síðan þegar reynir meira á. Á þessu eru samt til einhverjar undantekningar, þetta er ekki alveg klippt og skorið. Í den var t.d til læsing sem hét Power Lock og var þeirrar náttúru að öxlarnir fyrir millihjólin í mismunadrifinu sátu í V-laga raufum og við átak þá ultu þeir til og juku þrýstinginn á diskana. Þessi lás kom original í Scout og einhverjum Willysum og virkaði. Á hinn bóginn er síðan hellingur af diskalásum sem læsa eingöngu fyrir þrýstiátakið sem kemur frá skátenntum mismunadrifshjólunum og pressar á diskana – ég hef aldrei vitað til að þeir geri neitt fyrir bíla á stærri hjólum.

Einhverra hluta vegna virðast íslenskir jeppamenn hafa hafnað no-spin. Það skil ég ekki, ef ég ætti svona sætan hilux þá færi no-spin í afturendann á honum og málið dautt.

*viðbót*
powerlock er greinilega framleitt enn – sjá hér t.d
http://www.nitro-gear.com/positractions/
[img:28c3xqsd]http://nitroga.squarespace.com/storage/products/Powerlock.png[/img:28c3xqsd]

Já ég segi það með ykkur, No-spin er mátturinn og dýrðin hallelúja og amen. Ég held satt að segja að flestir þeir sem hallmæla slíkum búnað hafi enga reynslu af honum. Ég er með No-spin í afturhásingunni í mínum Wrangler og dettur ekki í hug að skipta því út. Ég er nú með tiltölulega öflugan mótor og nenni hreinlega ekki að standa í því í hvert skipti sem á að hreyfa eitthvað við fótstiginu þarna hægra megin að slá einhverjum lás inn svo ég spóli nú ekki á öðru hjólinu. Allt tal um að þetta sé slæmt í hálku blæs ég síðan á af aleflil, annars vegar þá dugir fínt að vera í framdrifinu og auk þess þá er afskaplega vænlegt að slá af í beygjum og ekki gefa aftur í fyrr en aftur er komið á beinan kafla. Ef þetta er gert þá er afskaplega ólíkegt að no-spin verði til vandræða en auðvitað er hægt að klúðra öllu og skal þá haft í huga að árinni kennir illur ræðari. Hvað varðar Power-lock hins vegar þá er mín skoðun að það sé bölvað drasl en það gæti ef til vill litast svolítið af því að hægri fóturinn á mér átti drjúgan þátt í að brjóta slíkt apparat hér um árið ásamt drifinu sem þar fylgdi með.

Sælir ég er með no-spin að aftan og lock right framan á toyotu 4runner og get ekkert kvartað undan drifgetu eða öðru bara muna að vera mjúkur á gjöfinni í beygjum. Ég er svo á leiðinni að setja hásinguna undir að framan og verð þá með true track í henni sem virkar mjög svipaar og lock rihgt

No-Spin að framan og aftan eða bara að aftan, svona gamall hilux er svo léttur að framlásinn er bara bónus til að geta sagt frá honum. Ég var á svona díselbíl í den sem var máttlausari en andskotinn en hann dreif samt allt og aðeins meira til. Mönnun þótti það stundum pirrandi að vera búin að sigrast á einhverjum ófærum og svo kom eftir smá stund rauður dísel hilux og jafnaði metin.
36" og 12" felgur eru málið ef þú ætlar ekki á 38", í mínu tilfelli var mynstursdýpt aukaatriði og fúi í hliðum var bara kærkomin hjálp í úrhleypingum, svona náttúrulegur úrhleypibúnaður.

[quote="brjotur":2hk6xgxs]já Stebbi menn komast nú yfirleitt í förunum á minni dekkjunum 😉
Alltaf jafnfyndið að lesa þessi komment….. ég kemst allt á litlu dekkjunum og þarf ekki stór dekk……….
furðulegt að menn séu að fá sér stærri dekk alveg stórfurðulegt ef það gerir ekkert gagn.[/quote:2hk6xgxs]

Ææææjjii þú er svo sorglegt grey Helgi, hvernig fékstu það út að ég færi alltaf í förin, ertu miðill ?
Ég er ekki og verð ekki faramaður, en ég kanski umfram þig lærði að keyra á sínum tíma og þurfti þarafleiðandi ekki að stækka dekkin svo mikið.

Sæll

Átti einu sinni willys sem var soðinn að framan og með nospin að aftan og það var ömurlegt að keyra hann nema þá kanski beint áfram en öfugt við þá félaga Helga og Stefán þá kann ég ekkert að keyra jeppa en þetta er sjálfsagt fint á fjöllum;)

Kveðja Hjalli

Já mikið rétt Guðni og ég veit fyrir víst að eitt akstursíþróttafélag hefur áhuga á að halda svoleiðis mót í vetur.
Og gamli já held mig við traktorinn frekar en ofvaxin folksbíl

Fyrirgefðu Elli en maður verður pirraður þegar það sem maður skrifar í góðri trú um að vera hjálplegur þeim sem spyr í upphafi er viljandi misskilið og kryddað með ímyndun og minnimáttarkend til þess eins að koma svona löguðu af stað. Sumir eru því miður duglegri við það en aðrir.