This topic contains 9 replies, has 1 voice, and was last updated by 
-
Topic
-
Sælir félagar. Nú er smá bras. Það er útleiðsla í bílnum hjá mér sem er 4runner v6 92´ Þetta er í leiðslu frá DOME örygginu undir húddinu sem liggur inn í bíl. Það sem mig vantar að vita er þetta, hvað annað er þetta tengt í en útvarp kveikjara og inniljós. Ég er búinn að taka öll öryggi úr en hann sýnir samt ennþá útleiðslu. Prófaði að taka leiðsluna í sundur á einum stað og tengdi svo ljósaprófarann á og byrjaði þá eitthvað flaut inn í bílnum, svipað og það sem kemur þegar maður gleymir ljósum á. Vonandi vita einhverjir eitthvað meira um þetta en ég. Með fyrirfram þökk. Palli
-
Replies
-
Sæll.
Eina sem ég held að sé líka á þessu öryggi er klukkanÁgætis "skítamix" er að fá sér bara straumlás og smella í ef þetta er ekkert voðaleg útleiðsla.
Tryggir amk start á morgnana 😉
Hvað með hurðarofana, sem kveikja inniljósið þegar maður opnar hurð, prófaðu að taka þá úr sambandi, þeir eða lagnir að þeim gætu leitt út án þess að kveikja ljósið.
-haffi
Eru ekki hurðarofarnir tengdir í gegnum öryggi? Ér er nefnilega búinn að taka öll öryggin úr en fæ samt útleiðslu. Kv Palli.
Sæll Páll
Hurðarrofarnir eru að stjórna mínusnum að inniljósinu, þannig að þeir leiða örugglega ekki út.
Emil
Getur verið að ég sé að gera einhverja vitleysu í þessum mælingum. Nú tengdi ég peru milli plús á geymi og á skóinn og fæ alltaf ljós sama hvað ég tek úr sambandi. Getur verið að það eigi að vera svoleiðis. Prófaði líka að tengja plúsinn aftur og aftengdi mínusinn, setti peruna á milli mínus og mínusskó og fékk þetta fína ljós. Var búinn að aftengja altenator og startara. Fekk jarðsambandið beint úr boddíi. Á þetta að vera svona? Það eru 2 öryggi undir húddinu sem gefa mér ljós á peruna, það eru DOME og HAZ-HORN sem stendur væntanlega fyrir viðvörunarljós og flautu. Þegar ég tek þessi öryggi úr þá sýnir peran ekkert. er þetta ekki örugglega merki um útleiðslu?
Spyr sá sem ekki veit alveg. Kv Palli.
Sæll
Persónulega finnst mér ljósapera afskaplega takmarkað mælitæki til að mæla útleiðslu.
þú þarft ampermæli, helst vísismæli og raðtengja hann við geyminn. Þá ætti mælirinn að sýna nokkur milliamper meðan bíllinn er dauður og svissað að fullu af honum. Þá byrjaru að tína út eitt og eitt öryggi og stingur þeim jafnvel strax aftur í. Þegar mælirinn fellur seturðu viðkomandi öryggi ekki í aftur. Þannig heldurðu náfram þangað til mælirinn sýnir ekki neinn straum.
Það sem truflar mælinguna eru tækin sem eiga að muna s.s. útvarp, klukka og hugsanlega tölva ef einhver er. gera má ráð fyrir að þessir hlutir sýni alltaf smá straumtöku.
Ef þú finnur út að einhver DOME öryggi sýni einnig smá straumtöku byrjarðu að rekja. annaðhvort rekurðu vírinn alveg frá öryggjaboxi sem er reyndar nánast óðs manns æði eða finnur teikningar og rekur þig áfram eftir þeim. Kippir perum úr og aftengir víra þangað til að mælirinn fellur og rekur þig þannig áfram.
Þetta er engin grín vinna.
Kv Izan
Ég hef verið að nota ampermæli í þessu brasi hjá mér, og er búinn að prófa að gera þetta eins og þú lýsir. Prófaði meira að segja að rífa öll öryggi úr, en allt kom fyrir ekki. Og það er alveg rétt að það er óðs manns æði að reyna að rekja leiðslu í þessu kerfi. Merkilegt að þetta þurfi að liggja inn í bretti og út úr þeim aftur á mörgum stöðum. Gæti verið að innspýtingin sé að taka einhvern straum,. Ég á eftir að kanna það. Svo er það eitt enn. Það er þjófavarnarkerfi í bílnum, en ég er búinn að prófa að mæla hvort það er að taka einhvern straum en það gerir það ekki. Prófaði samt að aftengja það í húddinu en er ekki viss hvort það geti verið tengt á öðrum stað. Ætli þjónustuverkstæðin geti tengt þetta við bilanatölvu til sjá hvað þetta er. Með þökk fyrir upplýsingarnar. Palli.
það er eitt sem mér sýnist á teikningum ekki vera tengt í gegnum öryggi , það eru bremsuljósin.
Kv. Kalli
Sæll
Prófaðu að aftengja altarnetorinn.
Kv Izan
Ps hvað ertu að slást við mikinnn straum?
You must be logged in to reply to this topic.