This topic contains 16 replies, has 1 voice, and was last updated by 
-
Topic
-
Jólagjöfin mín í ár er bilaður bíll
Mér datt í hug að gá hvort einhver gæti gefið ráð, komið með hugmyndir etc….
Þetta byrjaði á því að snúningshraðamælirinn tók tryllu – gaf því enga sérstaka athygli, enda er hraðamælirinn búinn að vera upp og niður – og þegar hinn byrjaði þá hugsaði ég með mér „klassískt patrol vesin – hélt ég slyppi“.
Þegar ég kem að bílnum eftir vinnudaginn þá loga öll rauðu aðvörunarljósin í mælaborðinu, án þess að það sé svissað á hann – allt normalt þegar ég set í gang.
Á leiðinni heim gerist það að þegar ég gef stefnuljós þá kviknar hleðsluljósið og voltmælirinn fer niður fyrir núll (Hazard ljósin virka eðlilega). Á leiðinni taka öll aðvörunar ljósin upp á því að blikka og láta öllum íllum látum. Þegar ég kem heim þá svissa ég svona á og af og er eitthvað að „hugsa“ um þetta … og eftir það hafa ljósin ekkert kviknað, mælar allir í núlli, utan að hleðsluljósið logar stöðugt. Mæling sýnir að bíllinn er ekkert að hlaða sig (setur kannski smotterí inn á geyminn þ.a. ég kem honum í gang – ennþá). Þessu til viðbótar þá er stöðugt víbríngshljóð frá forhitara relay-inu.
Hugmyndir ?
Hvaða verkstæði mælið þið með í svona ? Rafstilling er hætt að þjónusta bíla, eru bara á fullu í viðgerðum á búnaði.kv. Siggi
-
Replies
-
Þetta hljómar eins og laus jörð einhversstaðar.
Ef ég man rétt eru jarðvírarnir úr mælaborðinu teknir saman allir í einn stað vinstra megin, bakvið innréttinguna sem liggur niður að gólfi. Myndi athuga það áður en þú ferð með hann á eitthvað verkstæði.
Annars gæti ég nú örugglega litið á þetta fyrir þig ef þú finnur ekkert úr þessu.kkv, Úlfr
E-1851
ulfr.thor@ulfr.net
Er í svipuðu með snúnigshraðamælinn hjá mér. Er með terrano tdi 2000módel. Hann kemur og fer. Kemur til dæmis inn í um 3 snúningum og svoleiðis.
Hvað getur þetta verið er einhver með svipaða reynslu á terrano?
Svo ég bauli aftur sömu romsuna og ég kom með áðan, þá myndi ég kíkja á jarðtenginguna á mælinum. Man eftir að hafa lent í þessu 1-2 og þá var í bæði skiptin laus jarðvír. Reyndar veit ég ekki með ’00 módelið af Terrornum hvort það sé komið eitthvað bus kerfi (tölvudót) fyrir snúningshraðamælinn. Þessar rafmagnsbilanir verða alltaf svæsnari og svæsnari með hverjum nýjum árgangi af bílum. Alveg glatað.
Er mjög feginn að bíllinn hjá mér er nánast laus við rafmagnsdót nema eitthvað voða einfalt.Rafmagnskveðjur, Úlfr
E-1851
Reyndar, fór aðeins að spá með þetta víbringshljóð, getur verið að díóðubrúin/reglarinn á riðstraumsrafalnum (fyrst maður er að nota íslensk orð á annað borð… hehe) sé eitthvað orðinn dapur? Eru aðrir hlutir eins og útvarp farnir að haga sér undarlega? Jafnvel blikka eða álíka grunsamlega hluti?
kkv, Úlfr
E-1851
Ég hef verið beittur umtalsverðum þrýstingi (30psi eða meira) til að sækjast eftir því að fá hjá þér Íslensku námskeið Úlfr…
Ég er nokkuð viss um að hann er hættur að hlaða. Svona aukaverkanir eins og hér er líst, eru nokkuð algengar í mörgum bílum þegar þeir hætta að hlaða. Byrja á því að mæla spennuna upp við geymi.
Góðar stundir
Nú? Hver er að beita þig svona miklum þrýstingi? 30psi er slatti! (amk meira en í dekkjunum hjá mér þessa dagana)
Allavegana, ég held að íslensku kunnátta mín sé nú ekki þess verð að fara að kenna öðrum mína ósiði í rituðu og töluðu máli. =)
En þú getur náttúrulega alltaf kíkt í skúrinn eitthvert kveldið og ég get kannski gert fyrir þig æfingahefti. 😉
kkv, Úlfr málfræðikennari (greinilega…)
E-1851
Ekki er það bara bíllinn – heldur maður sjálfur sem er farinn að bila … lasarus bankar þar á – hygg að lausnin við því sé auðfundnari 😉
.
Skoða þetta með jarðvírinn. Allt annað virkar eðlilega utan jú að rafmagnsrúðurnar virka ekki. Hann dettur í gang, sé reyndar ekki glóðarhitaraljósið – en þumalputtareglan er að þegar ég er kominn í beltið og útvarpið byrjað að hljóma þá er hann orðinn heitur :)´
.
Altenatorinn er ca. 2 ára, upptekinn hjá Rafstillingu.
.
Kærar þakkir fyrir aðstoðarboðið – verð í sambandi ef ég sé ekkert ljós.
.
Siggi
Spurning að mæla líka vírinn sem sendir merki til rafalsins að hann eigi að byrja að hlaða. Ef það vantar (á það til að fara í sundur eða segulrofinn/stýringin fyrir það sé í rugli) þá hleður hann náttúrulega ekki. Gæti verið eitthvað sambandsleysi fyrst að mælingar sýna að hann hlaði eitthvað takmarkað.
Svo er náttúrulega þjóðráð að hreinsa upp öll tengi og geymasambandið ef það er einhver skítur á því. Lenti eitt sinn í því að ná ekki bílnum mínum í gang sama hvað ég gerði, og hélt hreinlega að startarinn væri farinn hjá mér, þar til ég tók eftir smá feitiklessu á milli tengjanna… Þreif það og voila, bíllinn hrökk í gang eins og nýsmurt brauð.
kkv, Úlfr.
(Titillinn er fyrir Tryggva. :P)
Ég skipti um "öryggjatöflu". Margt skemmtilegt gerðist við það: aðvörunarljós í mælaborði loga þegar svissað er á, stefnuljós virka og rafmagnsrúður komnar í lag.
Þá er bara eitt "smotterí" eftir og leita ég hér með á náðir ykkar kæru félagar.
Glóðarkertaljósið kviknar ekki og bíllin forhitar sig ekki. Í test punkt 8 á þesari mynd:
[img:2ilitaur]http://www.f4x4.is/new/files/photoalbums/5830/47503.jpg[/img:2ilitaur]
(hægt að zoom-a betur inn [url=http://http://www.simnet.is/haffster/PatrolRafmagn.png:2ilitaur][b:2ilitaur]hér[/b:2ilitaur][/url:2ilitaur] )
Mæli ég engan straum. Ég er ekki alveg viss um hvar þessir "Fuse-able links" eru staðsettir, en þeir sem ég hef fundið eru í lagi. Engin hljóð heyrast í Relay-unum sem eru framí þegar svissað er á.
Utan forhitara-tölvuna sjálfa – dettur ykkur eitthvað í hug ? Ef eina mögulega skýringin er forhitara-tölvan, getur einhver lánað mér eina slíka til að prufa (er á StórHafnarfjarðarsvæðinu) ?kv. Siggi
Sælli siggimagg, þú mátt fá mína lánaða til að einangra vandamálið.
-haffi
s: 856 7211 ( e. kl. 12
e. dagaffi (hjá) gmail.com
Þökk sé Haffa að þá komst bíllinn nær því að vera í lagi, forhitarastýringin var biluð.
Enn er þó "smotterí" í ólagi: hraðamælir og snúningsmælir. Hraðamælirinn hefur alltaf verið flöktandi, en snúningsmælir í lagi. Í upphafi þessara vandræða minna fór snúningsmælirinn á fleygiferð og hætti að virka … og nú, þó allt sé komið saman, virkar hann eigi.
Hugmyndir ?
.
Siggi
.
p.s. vantar forhitarastýringuna, Haffi kemst ekki langt án sinnar – sjá auglýsingu [url=http://www.f4x4.is/new/ads/default.aspx?file=varahlutir/23916:ha8iw8cb][b:ha8iw8cb]hér[/b:ha8iw8cb][/url:ha8iw8cb] .
hvaða litur er á plöginu á tölvunni það koma 3 gerðir til greina
kveðja ægir
Siggi, ég gleymdi að minnast á eitt. Snúningshraðamælirinn hjá mér er alltaf hoppandi og skoppandi en róast eftir að bíllinn hafi verið í gangi í töluverðan tíma. Merkið frá snúningshraðaskynjaranum fer í gegnum tölvuna, þannig að ég myndi sjá til hvort ný "tölva" lagi ekki sn.hraðamælinn.
Sæll Jepp
Þetta eru 2 plögg sem fara í gripinn (stykkið er staðsett innan í klæðningu við lappir framsætisfarþega – undir öryggjaboxi), en plöggin í mínu tilviki eru svört.
kv. Siggi
p.s. takk Haffi … ég er ekki þungt haldinn enn yfir þessum bilunum – er svo kátur að vera búinn að finna út úr öllu hinu
Var að fá minn úr viðgerð og það sem orsakaði þetta rafmagnsproblem í snúningshraðamælinum var knastásaskynjarinn…. Hafði aldrey heirt um þann skynjara áður en hann kostar um 22þ.
Ef einhver er í sama vandamáli þá að kíkja á þennan valmöguleika…..Kv Hagalín
You must be logged in to reply to this topic.