This topic contains 7 replies, has 1 voice, and was last updated by 
-
Topic
-
Vegna fyrirhugaðrar ferðar inn á Mörk um helgina langar mig að benda á nokkur atriði fyrir þá sem áhuga hafa á umræðunni um uppbyggðan veg þarna innúr.
Á 4 km kafla frá Steinsholtsá inn að Hvanná hafa allir lækir utan lækurinn úr Stakkholtsgjá verið settir í ræsi. Þetta voru fyrir skemmstu stórir pollar á veginum sem gaman var að láta gusa yfir bílinn og skola rykið af. Ræsin eru vandlega falin og meir að segja búið að tyrfa að því fyrsta sem er lækurinn við Fagraskóg. Á þessum kafla hefur verið borið mikið í veginn og er hann því nánast uppbyggður á köflum. Allt í lagi að bera í veginn en hvers vegna að eyðileggja skemmtunina af því að láta gusast yfir bílana?
Kominn er 700m langur grjótvarinn varnargarður út frá Stakki. Svona fyrirbæri kostar pening. Hvers vegna svona langur garður?
Vegagerðin staðhæfir að ekki eigi að gera vegabætur eða breyta í nokkru veginum fyrir innan Lón. Hvað er þá að gerast þarna? Hvers vegna þessi feluleikur með ræsin?
Í fréttabréfi Vegagerðarinnar 3. maí sl. segir: ?En það getur ekki verið aðferð við takmörkun á gestafjölda að aðeins þeir sem eigi stærstu jeppana hafi greiðan aðgang inn á svæðið.?
Ég túlka það svo að það eigi að brúa allar ár að lokum enda er slíkt auðvelt nema þá Hvanná. Hvernig ætla menn að réttlæta það að skilja eftir 2-3 ár eftir óbrúaðar þegar komin er rennivegur sitthvoru megin við?Takið einnig eftir því hvert núverandi uppbyggður vegur stefnir þar sem hann endar. Hann stefnir upp í Hellissel langt upp í hlíðina fyrir ofan núverandi veg. Markarfljótið á augljóslega ekki að ná að narta í dýrmætan veginn.
Nú á næstunni er fundur hjá Vegagerðinni og hagsmumunaðilum á svæðinu (FÍ, Útivist, Austurleið-Kynnisferðir (sem þykjast ekkert vita af þessum framkvæmdum eða hvað?). Hvaða fyrirsláttur kemur af þeim fundi verður gaman að heyra.
Ég vona að menn eigi ánægjulega helgi þarna innfrá og vona að þetta bölsýnistal skemmi ekki fyrir.
Kv. alfur
-
Replies
-
Það eitt að fikta við leiðina inn í mörk er ekkert annað en skemmdarverk og er þá sama hver stendur fyrir því. Aðalsportið í því að fara þangað er sú staðreynd að það hefur ekki verið hægt að fara þangað á hvaða bíl sem er. Reyndar fór ég sumarið 90 þangað á gamalli Toyota Crown Disel og aftur til baka án þess nokkurntíma að fá "drátt" Bjargaði mér sjálfur yfir allar árnar á leiðinni, en ég svitnaði nokkuð oft þegar flaut upp og fór að spóla á miðju vaði. Nei það þarf að finna út hverjir það eru sem standa fyrir þeirri skemmdarverkastarfsemi að vera að byggja þarna upp veg. Hef með mér myndavélina um helgina og tek heimildarmyndir af þessu til að birta á vefnum mínum, http://www.alvaran.com ásamt kjarnyrtum greinarstúf um þetta og álit ýmissa aðila á þessari framkvæmd.
Kveðja Keli. E-1819
Fyrir um mánuði var þessi umræða mjög lífleg hér á vefnum og einhver sagðist hafa sent fyrirspurn til vegagerðarinnar.
Hefur ekki komið neitt svar við þeirri fyrirspurn?Er staðan enn sú að allir þykjast saklausir og segja að hinn ákvað það?
Er reyndar ekki búinn að fylgjast vel með, en vonandi að einhver geti frætt mig um þetta.
Kv. Davíð
Eftir að hafa unnið við vegagerð sem pjakkur dettur mér oft í hug vísan hans Óla Ket þegar blessaða vegagerðina ber á góma:
Á vegagerðar vísdómstindi,
með blauta sína tíu fingur,
sjáirðu mann á móti vindi
míga, það er verkfræðingur.Ég sé ekki hvaða lögsögulega réttlætingu vegagerðin hefur til að gera fólksbílaveg inn í Mörk. Það liggur í augum uppi að svæðið þolir ekki margfaldan ágang á við það sem nú er.
Þeir þekkja það sem þetta lesa að ef fólk þarf að hafa mikið fyrir því að komast eitthvert, ber það meiri virðingu fyrir áfangastaðnum. Það er ekki langt síðan aukin jeppaeign og "betri" hálendisvegir urðu til þess að tillitssemi snarminnkaði á fjöllum. Að sama skapi eru nú fleiri á ferðinni sem bera minni virðingu fyrir landinu.
Það Á að vera erfitt að komast í Þórsmörk.
Ef maður "getur ekki" átt rétta bílinn til að komast þangað er alltaf hægt að taka rútuna. Það er beinlínis vanhugsun að leggja fólksbílavegi á staði þar sem gróður og land eru viðkvæm og þola ekki nema takmarkaðar mannaferðir.
Pú á vegbætur.
Kv.
Einar Elí
Fyrstu ferð inn á hálendið fór ég á gömlum LandRover árg. 1974 á orginal skurðarskífum árið 1984 og þrælaðist þá upp á kaldadal og Arnarvatnsheiði yfir á kjöl með miklu basli einbíla. Um sumarði þrælaðaist ég þar sem fært var og hafði gaman af þessu æfintýri. Ég tók mér viku í þetta og á þessum ferðum mínum þessi 2 sumur á hálendinu sem hver um sig tók þetta frá 3 dögum upp í rúma viku, þá sá maður kanski 2 til 5 bíla þarna uppfrá í hverri ferð. Þá var þetta æfintýri, en í dag er ekki þverfótað fyrir umferð. Nú er kanski svo komið að þetta hættir að verða æfintýri, nema kanski helst að vetri til þegar allra veðra er von og það er hið raunverulega æfintýri, þangað til umhverfisráðuneytið ákveður að allt hálendið skuli verða þjóðgarður lokaður allri bílaumferð.
Aðeins göngufólki skal vera heimilt að labba hálendið þvert og endilangt.
ef rétt er að það sé verið að "fjölfalda" umferð inn í Þórsmörk með upphækkuðum vegi sem og stýring á vatnsrennsli sem að mestu leiti hefur hingað til ráðið sér sjálft eða eins og náttúrann hefur hagaði því til….hélt að það væri það sem flestir vildu…sem náttúrulegast svona "original"…ef ég man rétt þá fór ég fyrst inn í mörk í kringum 1967 -69 þá ásamt föður mínum og Lionsklúbbnum Frey…pabbi hafði fengið sem lánaðann sem oft áður Volvo Lapplander mjúkur of fínn bíll
…þá var þetta heljarmikið ferðalag að keyra þarna innúr…gat verið allt að 4 tíma ferðalag inn í Bása en þar héldum við oftast til í Þórsmörk…. Mér er það dulin og hulin ráðgáta ef þeir sem vilja gera rétt ættli virkilega að klára þessa náttúruperlu með ágang og óþarfa umferð….
kv
Jon
best að klára þetta og malbika þetta bara þá komast allir þetta á sínum bílum……………
en já það var gaman í gamla daga þegar var erfitt að fara á skurðarskífunum inneftir
kv
Kalli
þetta var ekkert erfitt hér áður, bara engir vegir eins og á að fara að gera núna, bara slóðar eða árfarvegir, náttúra í heiðri höfð meira þá en nú, skil ekki að margir halda að með stærri dekkjum séu sumir að fara á staði sem aðrir hafi aldrey komið á áður….
kv
Jón
You must be logged in to reply to this topic.