This topic contains 2 replies, has 1 voice, and was last updated by 
-
Topic
-
Sælir félagar, ég bendi á að félag radíóamatöra (http://www.ira.is) er að fara að halda námskeið fyrir verðandi radíóamatöra. Ég er búinn að skrá mig á námskeiðið. Hvet fleiri til að gera slíkt hið sama. Vonandi verður næg þátttaka. Sjá einnig skemmtilegan amatöraþráð sem hófst hér á f4x4 spjallinu í okt 2009. Kveðja, Arnþór
-
Replies
-
Námskeið til amatörréttinda verður haldið á vegum félagsins Íslenskir radíóamatörar á tímabilinu 7. mars til 27. apríl n.k. Kennsla fer fram í félagsaðstöðu Í.R.A. við Skeljanes, mánudaga og miðvikudaga frá kl. 19:00-22:00. Kennslu getur þó lokið fyrr sum kvöld sem er háð kennsluefni hverju sinni.
Ath. að ekki verður af sérstöku kynningarkvöldi 2. mars n.k., heldur mun stutt kynning fara fram í byrjun fyrsta kvöldsins, þ.e. mánudaginn 7. mars. Öllum er frjálst að mæta það kvöld í félagsaðstöðuna.
Stefnt er að því að sækja um til Póst- og fjarskiptastofnunar að próf verði haldið laugardaginn 14. maí n.k. kl. 10 árdegis. Sú dagsetning býður upp á þann möguleika að efna til auka- og/eða æfingatíma eftir að formlegri kennslu lýkur.
Þeir sem hafa skráð sig á námskeiðið munu fá tölvupóst frá félaginu í dag, 1. mars, því til staðfestingar. Námskeiðsgjald verður 12.500 krónur. Innifalið eru námskeiðsgögn. Félagsmenn Í.R.A. greiða 9.500 krónur. Þeir sem gerast félagsmenn við skráningu njóta lægra gjalds. Í lögum félagsins segir, að þeir sem ganga inn eftir 1. ágúst ár hvert greiði hálft félagsgjald. Fólk á aldrinum 16-66 ára greiðir þannig 2000 krónur og fólk yngra en 16 ára (og eldra en 67 ára) 1000 krónur.
Þátttakendum er bent á að kynna sér upplýsingar um strætisvagnaferðir á heimasíðu og tímatöflu þeirra, en viðkomustöð Strætó er fyrir beint utan húsið. Nokkur spölur er í sölubúðir. Þátttakendum er því bent á að taka með sér nesti (ef þeir svo kjósa) en félagssjóður býður ávallt upp á kaffi.
Kjartan Bjarnason, TF3BJ, skólastjóri námskeiðsins veitir allar nánari upplýsingar. Tölvupóstur hans er kjartan@skyggnir.is
Sjá nánar hér: [url:324x7epq]http://www.ira.is/pages/viewpage.action?pageId=4557942[/url:324x7epq]
Minni á Amatörnámskeið sem hefst næsta mánudagkvöld.
Hvet þá sem hafa velt fyrir að fá sér amatörréttindi að mæta á mánudagskvöldið og kynna sér námskeiðið.
Snorri
R-16
You must be logged in to reply to this topic.