This topic contains 7 replies, has 1 voice, and was last updated by 
-
Topic
-
Sælir.
Núna er farið að sjá í endan á endurgerðinni á hiluxinum okkar og hann rúllar í sprautun í næstu viku. Einn hausverkur sem er eftir er að hann pústið.
Þetta er ’96 hilux og í honum var 2,4 bensín, settum í hann 3.0 v6 4runner vél með flækjum. Þannig að núna eru tveir 3″ stútar hvoru megin. Við höfum allan tíman ætlað að sameina rörin í hvarfakút fyrir aftan millikassan og taka rör upp fyrir grind þar sem drifskaftstupphengjan er, skjóta því á milli bensíntankana en þar er 15cm breitt pláss og síðan hljóðkút aftast. Gallin við þessa leið er helst að þurfa klæða tankana af með hitaeinangrun.
Síðan er spurning hvort við þurfum að hafa hvarfakút á vél sem er 1991 árgerð, það er miðað við 1994 og yngri bíla.
Önnur hugmynd er að hafa tvö sílsapúst með túpum undir stigbrettum en þá er vandamál með pústskynjaran, hefur einhver farið í svoleiðis framkvæmd?
Þriðja leið er að sameina pústið fyrir aftan millikassa og hafa eitt sílsapúst undir stigbrettinu bílstjóramegin. Það er hásing að framan þess vegna er ekki hægt að sameina pústið fyrr en aftan millikassa.
Núna þekki ég þessar túpur ekki nógu vel, hvað þyrfti t.d. svera og langa túpu fyrir alla 6cyl þannig að það væri ekki leiðindahávaði í þessu?
Nú væri gaman að fá ykkar álit á hvaða leið við ættum að fara í þessu. Eins líka hvaða sverleika mynduð þið hafa á kerfinu.
-
Replies
-
Sæll,
ég er með 4runner ´91 og ég fór þessa sílas leið, hafa eitt sílsapúst undir stigbrettinu bílstjóramegin. það var ekki plás á milli tankana eftir að ég setti auka tankin undir þannig að þetta var lausninn þetta var gért hjá Pústþjónustuni ÁS ehf nóatúni 2 og var það ekki dýrt, hann sándar vel með þetta en ekkert of mikil læti bara svona jeppa hljóð hehehe og rann í gégnum skoðum með þetta ekkert sett út á þettaKv Snorri
Sælir,
ég er með fjórhlaupara ’94 módelið (klafa bíll), flækjur teknar saman við pústskynjara og 2,5" afturúr, enginn hvarfi, ein túba hjá bensíntaknum (aukatankurinn er aftast) og svo kútur aftast, rosalega flott hljóð í þessu.Veit því miður ekki málin á túbunni, en Einar áttavillti smíðaði þetta í bílinn hjá mér, hef einnig heyrt góða hluti af pústþjónustunni ÁS.
kv,
Höfuðpaurinnp.s. heyrði einhversstaðar að hvarfinn sé nú miðaður við ’95 og yngri, tek enga ábyrgð á því.
Þá er það komið á hreint að árgerð bílsins krefst hvarfakútar ekki nema vélin sé það vel stillt að útblásturinn sleppi undir mengunarmörk sem er 0.5 eitthvað, 3,5 á eldri en ’95.
Dugir túpa ekki ein og sér sem hljóðdeyfir?
Tvöfaldur umsnúningur eitthvað…..en ef ég skil þetta rétt, þá er þess ekki krafist að hvarfakútur sé til staðar í bíl ef mengunarmælingin(lambda-gildi minnir mig að það kallist) sleppur undir 0,5. Samsvarandi gildi fyrir eldri bíla en 1995 árgerð er þá 3,5.
Ekki slæm regla, þar sem hvarfakútar geta hreinlega gert illt verra í sumum tilfellum.
Hvarfakútur ekki hvarfakútur er ekki síður spurningin um stýringu/stillingu á blöndungi/innspýtingu. Svoleiðis gripur þarf um 10% of feita blöndu til að fá nægjanlegt óbrennt eldsneyti til að halda uppi hita og bruna á NOxum og öðrum restum.
Með lambda sondu er innspýtingu stýrt þannig að svo og svo mikið óbrennt eldsnyti er að fara aftur í hvarfakút. Veit til þessa menn hafa misst eldsnytiseyðsluna upp við að henda hvarfakútnum bara si svona.
l.
Jæja búinn að vera hringja í pústverkstæðin og hitti loks á einn speking sem var nú samt ekkert að kjafta af sér en sagði mér þó að þessar vélar væru mjög háværar og túba dygði engan vegin ein og sér. Þannig að planið er að taka rörið milli tankana og hafa hljókút aftast.
Hvar fæ ég svona hitaeinangrandi mottur á skikkanlegu verði?
Er ekki nóg að vera bara með púshlíf úr járni eða áli eins og í flestum bílum. Beygja hana bara í kringum pústið og hafa opið niður. Eða sitthvorn 1/4 hringinn beggja vegna við pústið.
You must be logged in to reply to this topic.