This topic contains 37 replies, has 1 voice, and was last updated by 
-
Topic
-
AnonymousSælir litlu jeppakallar!
Hvernig er þetta með ykkur eiginlega? Eruð þið íslendingar alveg hættir að aka um á JEPPUM? Ég meina ekki teljast þessar japönsku blikkdollur sem einhverjir jeppar að viti?
Ég var að koma frá stóra landinu í Vestri…tók með mér jeppa sem stendur undir nafni…..breytti honum að FLESTU leyti áður enn ég kom heim.
Mig langar til að gera eitthvað meira við hann…enn er mér sagt að það sé ekki hægt.
Er til eitthvað stærra en 44″ dekk?? Þetta lítur út eins og 35″ undir japönsku „jeppunum“.
Er að vonast til að það verði nú JEPPA sýning fljótlega þannig að fólk geti séð HVERNIG jeppi á að vera.
Ja eða hreinlega einhver ERFIÐ jeppa ferð ….svo að hægt sé að reyna aðeins á bílinn.
Kv
PowerPS…mynd kemur fljótlega af gripnum…..
PSS…eru menn enn að nota 38″ sumardekk???
-
Replies
-
Sæll Power
vonandi verða 44" dekkinn í lagi í vetur þegar stóru ferðirnar verða farnar,því ekki kemurðu með á 38" dekkjum.
Fullt hægt að gera meira fyrir svona bíl. T.d. að létta hann um svona 2 tonn… þá kannski nær hann að drífa jafnmikið og japönsku blikkdollurnar 😉
Kv.
Bjarni G.
p.s. bíð spenntur eftir myndum jarðýtunni.
Mér þykir menn í meira lagi ánægðir með gripinn. Það er eins gott að hann standi sig vel í vetur svo hann neyðist ekki til að fá sér einn japanskann sem er 5 sinnum ódýrari í rekstri og drífur eflaust meira:)
kv
Hvati
ég hef séð frekar stór dekk undir Unimoc líklega yfir 50 tommur og mjög breið eru reyndar á 20 tommu felgum en stærsti plúsinn er sá að þetta eru radíal dekk og ætti því að vera hægt að keyra á þeim.
Ég sá þessi Unimog dekk einmitt í dag og þau eru 475/80 R 20. Frekar stór ! Pössuðu allavega ekki undir Súkkuna mína !
Valdi
Líst vel á þennan "grip". Hlakka til að sjá hann í vetur… sendu mynd sem fyrst, hvað mældist tog?
V-12 Ford Econoline já…….hvar fanstu hann?
Sæll stóri jeppakall,
vert þú velkominn til landsins með þinn fjallabíl, nei ég held að einhverjir okkar séu enn akandi um á jeppum en hinns vegar er ég kannski í vafa hvað sé JEPPI miðað við kröfur þínar. Vonandi er það misskilningur hjá mér en eins og fyrr segir vert þú velkominn!
Kveðja Hjörtur og JAKINN.
Loksins kom einhver með fullu viti og mikið "power" inn á 4×4 siðuna nu verður gaman i vetur
Anonymous- Umræður: 0
- Svör: 16404
Ja ég er nú sammála Stebba. Hvaðan kemur þessi vél? Úr GT-40 kannski? Ekki skil ég hvað er svona rosalega gott að vera keyrandi um á klettþungum andsk. sérstaklega ekki þegar það fyrsta sem þú spáir í er að fá þér einhver risa-dekk, og það áður en það er farið að snjóa. Er þetta ekki bara viðurkenning á því að hann kemst ekkert meira en japanskir jeppar á 36-44" dekkjum? Heyrðu ég veit um 29×29.5 dekk undan hjólaskóflu sem þú getur fengið ódýr.
Kv Birgir
Með því að senda inn þennan póst varstu að tryggja þér fyrsta sætið í kepninni "Bullukollur ársins"……Til Hamingju.
Vona að þér gangi vel með draumajeppann og þig dreymi jafnvel í vetur og þú gerir núna. Við hinir treystum á þig í hríðarbil og snjókófi að þú komir með skóflu og spil til að redda litlu jeppunum okkar.
Hvað kostar annars drátturinn?
Maður bara orðinn spenntur!
Hvenær fáum við að sjá myndir af jarðýtunni?
ég hélt nú reyndar að það væri bara til v10 en alltaf heyrir maður eitthvað nýtt hvernig væri það nú að skella nokkrum myndum inn á myndasafnið af slyddujeppanum og gefa okkur smá POWERSHOT……….
Hvernig er það POWER þegar þú ferð í ferðir, er ekki svolíti vont í vetrarferðum að ferðast með kannski svona "eitt stykki tonn af bensíni". Maður myndi halda að það ylli "smá" vandamálum. Eða sekkur bíllinn kannski bara svo djúpt í snjó að hann ryður bara fyrir bíl frá olíudreyfingu eða e-ð? Hvað eiðir hann á hundraði? Svo er "nebblea" annað "smá" vandamál hér á klakanum: Lítrinn hér kostar á við Gallon í Bandaríkjunum.
En það er bara gott mál að þú ert ánægður með gripinn; Hverjum þykir sinn fugl fagur!
Ég held að þú þurfir ekkert stærri dekk til að komast áfram, hugurinn ber þig hálfa leið og við skulum draga þig rest. Það slæma við að vera með nefið of mikið upp í vindinn er að maður þarf miklu meira vélarafl til að vinna upp loftmótsöðuna.
Til hamingju með nýja jeppan, ég vona að maður þvælist ekki of mikið fyrir þér í vetur og tefji þig á leið um fjöllin blá.
Fann fyrir þig alvöru 44" dekk fyrir alvöru JEPPA.
Þessar 44" eru sérstakar fyrir það leiti að vera sérsmíðaðar fyrir mikin burð á lágum loftþrýstingi, sérstaklega mikið flot á mjúkum jaðrðvegi, og sérstyrkt fyrir alvöru POWER. Þá ber þess einnig að gæta að þessi dekk eru 44" á breidd, en ekki hæð.Sjá nánar
http://agrieng.michelin.com/uk/catalog/megaxbib-r.htmKveðja
Runar.
Sæll POWER…..
Mér langaði að forvitnast í þessum Avöru jeppa þínum er ekki spil haft sem staðalbúnaður???? og svo annað hvernig mótor ertu með í bílnum því mér var pasteað af félaga mínum eftirfarandi
4.2L EFI V6
4.6L EFI V8
5.4L EFI V8
6.8L EFI V10
7.3L DI Turbo DieselEn mér hlakkar til að sjá myndir:)
Kveðja: Davíð R-2856
Anonymous- Umræður: 0
- Svör: 16404
Sælir aftur!
V12 Econoline fæst með því að lyfta original mótor úr og setja ASTON MARTIN V12 Vanquish, sem er original 460 HP, svo þegar búið er að fikta eilítið við hana þá er hún eins og þessi kominn uppí 547,3….togið í henni er eftir breytingar 726 Nm. Það er einnig búið að létta bílinn töluvert ég á reyndar eftir að fara með hann á vigt, enn ég reikna með að hann verði ekki meira en 3600 kíló tilbúinn í ferð.
Það er nú ekki sérstaklega þungt miðað við stærð á bíl.
Þetta kemur allt í ljós í vetur ef það verður þá einhver vetur.
Kveðja Power!!
Sýndu okkur myndir og þá munum við trúa… annars er hægt að leita á http://www.google.com að "econoline v12" og púff, þá kemur upp síða um ASTON MARTIN V12 Vanquish. Eitthvað er það nú gruggugt, en annars vil ég óska þér til hamingju með kaggann ef hann er til
Kv,
Eiður Ág
Gastu nú ekki fengið neitt krafmeira en þetta dót, ég hefði sjálfur notað Ferrari vélina sem er notuð í marga Toyota bíla, kölluð 2,4 Turbo Diesel og er um 8000 hestöfl og togar 30000 Nm. Þetta eru hræódýrir mótorar, kosta ekki nema 20 til 30 milljónir. Það er svo hægt að tjúna þessar vélar enn frekar en það er svo ódýrt að það er ekkert gaman. Þú villt kannski kaupa á móti mér nokkrar bensínstöðvar, ég nota dieselinn og þú bensínið??
Kveðja.
You must be logged in to reply to this topic.