This topic contains 22 replies, has 1 voice, and was last updated by 
-
Topic
-
Ég var að fá póst frá Klúbbnum, ég hélt að það væri verið að fíflast í mér en við nánari athugun fannst lítið merki 4X4 í umslaginu !! ég geri ráð fyrir að ég hafi fengið það vegna þess að ég er búinn að borga félagsgjaldið, gott mál. En, hvað á ég að gera við það ??. Í fyrstu datt mér í hug að líma það á félagsskirteinið en það er ekkert lím eða annað á merkinu, ég er búinn að reyna að taka flippa aftan af merkinu eins og er oft aftan á svona merkjum en er næstum búinn að eyðileggja það. Plís hjálp.
kv. vals.
-
Replies
-
ef þú setur merkið uppí munninn á þér og tyggur 30 sinnum og kyngir og bíður eftir að meltingarfærin breyta þessu í límkennt efni sem síðan er skellt á skírteinið.
Ég er engu nær um hvað ég á að gera við merkið sem ég fékk frá klúbbnum. Það sem mér dettur í hug er að fá mér lím og líma þetta yfir 5 merkið á félagsskyrteininu en er ekki viss. Ef þessi tilgáta er rétt hvers vegna fékk konan mín ekki svona merkið og svo hitt ef verið er að senda okkur svona í sparnaðarskyni þá þarf að fylgja með hvernig á að meðhöndla svona lagað.
Ég er búinn að bíða með að endurnýja þennan póst í von um að fleirri hafi borgað og fengið svona sendingu og einnig í von um að þeir sem senda þetta komi með einhverja útskýringu í staðin fyrir svona vitiborið koment eins og frá Ásgeirkv. vals.
ég er búinn að borga, dráttarvaxtalaust, soldið langt síðan, en hef ekki fengið neitt svona merki – er þetta ekki bara upp á punt?
Siggi
Aftan á merkinu sem þú tekur af,að vísu er ekki einfalt að taka hana af en mér tókst það þó eftir töluverðan tíma og náði að setja það óskemmt á skírteinið.
Vals taktu kutann upp og skafðu bara þessa himnu af(best að taka himnuna af á horni merkisins,þá ættiru að geta límt merkið á teinið.
Kv-Jóhannes
Góða kvöldið. Hefur mönnum aldrei dottið í hug að útbúa tölustafi með lími til að hafa í afturglugga eða annarsstaðar með félagsmerkinu líkt og FR var með hér á árunum ? Þetta kostar náttúrulega eitthvað en þetta er bara svona hugmynd. Kveðja Olgeir
Sælir.
Ég sendi póst í apríl á þessu ári og bað um að vera skráður í klúbbinn. Það var síðan ekki fyrr en í september að ég fæ gíróseðil, sem ég greiddi í heimabankanum og geymdi auðvitað kvittunina. Í byrjun nóvember hef ég hinsvegar ekki ennþá fengið neitt félagsnúmer svo ég sendi fyrirspurn í gegnum síðuna og hef enn ekkert svar fengið. Ætli ég fái nokkuð svar fyrr en í maí? Hvað er að gerast ef það tekur 6-8 mánuði að verða meðlimur?Kveðja
Ásgeir
Sæll Ásgeir. Þú sagðir ‘sendi fyrirspurn gegnum síðuna’. Hvernig nákvæmleg? Væntanlega farið í liðinn Hafa samband og valdir þar hvað? Það er væntanlega eitthvað þarna sem er ekki að virka sem þarf þá annað hvort að laga eða bara fjarlægja.
Annars er alltaf öruggast að senda einfaldlega á f4x4@f4x4.is. Það berst þá skrifstofunni sem sér um að afgreiða svona mál.
Kv – Skúli
Þegar ég skráði mig í klúbbinn á sínum tíma tók það ferli um 8 mánuði og umtalsverðar tölvupóstsendingar. Að lokum fékk ég greiðsluseðil og númer. Nú, eftir 3 ár hef ég ekki en fengið félagsskírteini og fæ því alltaf bögg þegar ég ætla að nýta mér afsláttinn minn, sem er ekki oft. Hvað er til ráða?
Otti S.
Ö-1423
Er það límið undir gamlamerkinu sem maður á að nota þ.e. kroppa gamlamerkið af án þess að taka límið með og líma síðan nýja merkið með gamla límið !! snild, svona á að spara, þetta líst mér vel á. Þakka þér fyrir þessa útskýringu Jóhannes mér hefði aldrei dottið þetta í hug. Ég mun reyna þessa aðferð í kvöld og ef það tekst ekki nota ég bara plástur það hlýtur að halda.
kv. vals.
Ég borgaði gjaldip 1.11 og er ekki komin með merki fá ekki allir merki til að spreita sig á gestaþraut
Teppalímband þetta er til í býko eða húsasmið
með lími báðum megin og er næfurþund, ég nota
þetta mikð á límlausa hluti eftir að búið er að festa
er ervid að ná því af …. kv mhn
Er ekki best að taka bara plastið aftan af límmiðanum sem kom í póstinum og líma hann á félagsskírteinið. Virkaði allavega hjá mér.
Heyrðu ! er verið að mismuna félagsmönnum, af hverju fær Birgir miða með lími en ekki aðrir maður þarf að fara að athuga sinn gang !!!.
Nei, svona í alvöru þá væri gott ef póstþjónar klúbbsins mundu senda nýja miða á þá sem fengu miða án líms, ekki það að ég get örugglega fundið út úr því að láta hann hanga á félagsskyrteininu en mér finnst þetta bara ansnalegt.kv. vals.
Ég fékk sendan miðan áðan og prófaði og það gekk eftir smá stund að ná bakhliðinni af og það var lím á bakhliðinni, já já og Vals ég gat þetta þrátt fyrir að vera búinn að naga neglurnar upp í rót. En þeir sem ekki eru búnir að setja límmiðann á þá ættu menn að útbúa sig með dúkahníf með ekki þykkra blaði en 0,5 og flugbeittri flísatöng og svörtu kaffi. Það hefur góð áhrif á miðtaugakerfið.
Nú getur maður sleppt því að greiða félagsgjaldið og prentað bara miða "með lími á".
Meira af þessu stjórn.
Þetta er að verða frábært, ég komst ekki með Trúðunum í Nýjadal en get í þess stað dundað mér í að reyna að finna límið, ef ekkert lím er að finna get ég dundað mér í að kroppa gamla miðan af. Ef límið fer með gamla miðanum hef ég úr mörgu að ráða t.d. teppalímband úr BYKO, Jötungrip, Algrip, tonnatak, Límkytti, plástur og örugglega fleira, þannig að mér leiðist ekkert um helgina.
Góða helgi, kv. vals.
Hvaða skýrteini eru menn að tala um er það greiðslukvittuninn frá í firra eða eru einhverjir komnir með teini úr plasti?
kv JÓHANN
Anonymous- Umræður: 0
- Svör: 16404
Þessir límmiðar eru augljóslega til að setja á félagsskírteinin. 06 segir til um gildistímann, fyrir árið 2006. Þið þurfið ekki að setja hann á núna þar sem að árið 2005 er ekki allveg á enda komið.
Og auðvitað er lím aftan á miðanum. Miða fyrir aukafélaga er hægt að nálgast á opnu húsi.
Mér datt í hug að láta fylgja bréf með þessum miðum þar sem kæmi fram að þetta væru límmiðar til að setja á félagsskírteinin og gilti fyrir yfirstandandi tímabil, en stjórnin taldi ekki vera þörf á því, þess vegna koma miðarnir einir og sér í umslaginu. En frá og með deginum í dag mun ég senda lista yfir afsláttarkjör félagssins með miðunum.Ég er með fyrir framan mig yfirlit úr banka félagssins yfir þá sem eru búnir að greiða félagsgjöldin. Þetta eru í dag 25 bls. Augljóslega tekur tíma að fara yfir þetta og koma miðunum úr húsi og þar sem ég er ekki nema á þriðjudögum og fimmtudögum að vinna þá tekur tetta langan tíma. Ég sæti hér fleiri daga í viku ef ég hefði tíma til að reyna að koma þessu öllu út á sem styðstum tíma, en ég er líka í skóla og þarf að sinna honum. Eftir prófin verð ég hér örugglega á hverjum degi til að reyna að klára þetta. Markmiðið er að þetta verði allt búið fyrir 22.des og allir miðar komnir til sinna eigenda fyrir jólin, eða milli jóla og nýárs.
Í sambandi við að senda póst í gegnum vefsíðuna, þá er það einhverra hluta vegna ekki að virka sem skyldi. Það er best að senda beint á f4x4@f4x4.is sá póstur kemur beint til mín á skrifstofuna. Það er mjög leiðinlegt þegar það er að taka suma marga mánuði að skrá sig í klúbbinn.
Þegar ég skrái einhvern inn í landsdeildirnar þá sendi ég viðkomandi staðfestingu á því að hann sé kominn inn, og um leið sendi ég gjaldkera viðkomandi deildar staðfestingu á því að nýr félagi sem kominn inn í deildina. Þá er svo hans að hafa samband við nýja félagsmaninn vegna félagssgjaldsins.Þeir sem eru skráðir í aðra deild en Reykjavíkurdeildina verða að herja á stjórnarmeðlimi sinnar deildar til að fá félagsskírteinin sín. Landsdeildirnar sjá alfarið um að panta skírteini fyrir sína félaga og senda þau til sinna manna.
Með kærri kveðju
Selma
Þakka þér fyrir þessa lesningu Selma. Félagsmiðinn hefur verðir mér svolítil ráðgáta en ofanverð skrif eru einnig til gamans gerð. Ég gat með engu móti náð flipanum aftan af miðanum svo ég gæti límt hann á félagsskírteinið og ber kanturinn þess merki. Mörg góða ráð komu hérna á þennan pistil um hvernig maður skyldi bera sig að þessum gjörningi sem ég reyndi svolítið á föstudagskvöld síðastliðið en ekkert gekk. Á laugardeginum komu Ditto og frú Ditto í heimsókn til að ræða lífsins gagn og gæði og bar ég þessi vandræði mín á borð fyrir þau. Það er skemmst frá því að segja að frú Ditto svipti bakhlutanum af miðanum á augabragði eins og hún hafi aldrei gert annað og þar kom í ljós límið sem ég haf verið að leita að svo lengi. Ég skellti að sjálfsögðu miðanum á félagsskírteinið en fékk að heyra um þumalfingur að annað í þeim dúr það sem eftir lifði heimsóknarinnar. Það var mál manna að þetta væri alfarið kvenmans verk að ná bakhlutanum af félagsmiðanum, því er það spurning hvort þú gætir ekki tekið hann af áður en þú sendir hann til félagsmanna því að karlmenn eru jú í meirihluta í klúbbnum.
kv. vals.
Skemmtileg frásögn Vals af kaffiboðinu með herra og frú Dittó og gott að vandræði þín leystust með hjálp. Við verðum að þróa þessa límmiða einhvern vegin þannig að þeir verði við hæfi jeppakarla og hægt sé að ná bakhliðinni af með almennilegum verkfærum eins og slaghamri og meitli. Þessir límmiðar eru örugglega liður kvennanna að yfirtaka klúbbinn algjörlega úr höndum okkar.
Kv – Skúli
You must be logged in to reply to this topic.