Pólera felgur

Sæll

Talaðu við Áliðjuna vesturbæ Kópavogs s:554-4720
Ég hef alltaf farið til þeirra að laga álfelgur og ef þeir pólera ekki þá vita þeir allavega við hvern þú átt að tala!

kv, Geiri Gúrka

Ég er með póleraðar álfelgur sem lakkið var flagnað af á köflum og ljót oxidering í lakklausu skellunum. Ég fékk mér lakkleysi (ABSENTA frá Hempels) og bar ríkulega á felgurnar til að leysa glæruna af (passa bara að bera ekki á dekkin og það sem maður vill ekki láta lakkið fara af, t.d. það sem er gullitað á felgum undir Grand Cherokee Ltd.). Síðan háþrýstiþvoði ég felgurnar, pússaði álið og frískaði upp með plastflókamottum sem sprautarar nota til að glatta lakk (fæst t.d. hjá Orku). Þegar tæringarpollarnir voru horfnir póleraði ég þær með Autoglym bóni fyrir málma. Síðan sprautaði ég á þær álfelguhreinsi sem inniheldur sýru (þetta gerir þær ljósari) háþrýstiþvoði aftur og lét felgurnar þorna vel og spautaði loks yfir með nokkrum umferðum af glæru felgulakki. Ég sleppti því að taka dekkin af felgunum á meðan.
Mér fannst þetta koma vel út. Þetta er auðvitað smá vinna og dálítið sóðalegt á köflum, en vel þess virði.

Ég var að spá í þessu fyrir tæpu ári síðan. Hagstál í Hafnafirði er að gera þetta. Var með 14" breiðar álflegur. Þetta stóð í einhverjum 20 – 25 þús. fyrir ganginn, glerblástur og pólýhúðun (ath. þeir glerblása ekki).

Datsún kveðjur.