This topic contains 17 replies, has 1 voice, and was last updated by 
-
Topic
-
Sælir félagar.
Fyrir stuttu ákvað ég að breyta til, selja 4Runnerinn, sem ég hafði átt í 11 ár og kaupa 38″Patrol árg. 2002 í staðinn. Ég er að öllu leyti ánægður með skiptin, en þó er eitt atriði, sem er að angra mig og það er læsingin að aftan. Þetta er original vacum læsing, sem er oft lengi að taka við sér og síðan dettur hún úr sambandi í tíma og ótíma.
Þetta er búið að gera til lagfæringar:
1. Skipta um allar vacum slöngur frá membrunni á hásingunni og fram í vélarhús. Gömlu slöngurnar voru bæði morknar og sprungnar. Stálrör í lögnunum voru hins vegar látin halda sér, en blásið var úr þeim.
2. Skipta um læsingarhjól í drifinu, þ.e. hjól, sem er með tveimur ,,kubbum“ sem ganga inn í raufarnar á kastalahjólinu í læsingunni. Ég vona að þetta skiljist. Kubbarnir á umræddu hjóli voru orðnir nagaðir sennilega vegna þess að læsingin hélt ekki nógu vel.Nú um helgina fékk ég í fyrsta sinn tækifæri til að prófa bílinn í snjó og þrátt fyrir áðurnefndar lagfæringar hélt læsingin áfram að svíkja. Hún kemur að vísu á nokkru eftir að rofanum er snúið en síðan dettur hún úr sambandi ýmist þegar skipt er úr áfram í afturábak eða jafnvel í átaki á leið upp brekku. Þá blikkar ,,Diff lock“ ljósið og læsingin verður óvirk.
Það er eins og vacum þrýstingurinn detti niður og leki einhvers staðar út.Ég hef verið spurður að því hvort bremsurnar séu í lagi. Þær eru það, en ég tek þó eftir því að við það að stíga tvisvar á bremsupedalann hækkar hann talsvert. Nú veit ég ekki hvort einhver tengsl séu á milli bremsukerfis og þess vacum búnaðar, sem stýrir læsingunni, en læt þetta samt fljóta með.
Ég veit að innan ferðaklúbbsins 4×4 er saman komin mikil vitneskja og reynslubanki og því leita ég til ykkar um lausn.
Hvers konar ráðleggingar, sem leyst gætu ofangreint vandamál eru vel þegnar.Kv. Sigurbjörn.
-
Replies
-
Þú ert búinn með mest af því sem bilar en átt væntanlega eftir að skipta um segulspólurnar sem stýra læsingunni af og á þær geta bilað þegar vatn hefur komist í þær eins og gerist þegar slöngurnar gefa sig þá sýgur vacumkerfið vatn upp í gegnum allt kerfið og þess vegna bila spólurnar, þær geta bilað þannig að þær hleypa vacum á báðu megin á membruna og þá gerist það sem þú lýsir gaffallinn og mismunadrifshjól skemmist því að ekki er nægt átak til að halda gafflinum á sínum stað einnig er gott að skipta um rofann sem er á membrunni hann á það til að festast og gefa misvísandi skilaboð ef vatn hefur komist í membruna þannig að athugaðu hvort það sé vacum á báðum slöngum eftir spóluna (spólan er við húddlömina bílstjóramegin) lásbúnaðurinn er yfirleitt til friðs NEMA að vatn komist í kerfið þá fer illa. Bremsurnar eru eðlilegar svona í Patrol það er fara langt niður þegar stigið er á með bíl í gangi og hægt er að pumpa pedalann aðeins upp, þó ber að skoða færslupinna í hjóladælum vel að þeir séu ekki fastir og ekki sé slag í framhjólalegum en það hefur hvorutveggja áhrif á hemlapedalann.
Vonandi hjálpar þetta eitthvað
kv Gísli Þór
rofinn sem er á membrunni færðu í N1 á innan við 3-4000 kr.
kv. Kalli
Áður en þú ferð að kaupa spóluna þá myndi ég byrja á því að reyna að liðka hana upp. Þetta er kúluloki sem getur fests ef það kemst vatn inn í hann. wd40 eða álíka efni sem þornar eftir á, loft og þolimæði og þú gætir sparað þér peninginn sem nemur spólunni.
Já það er ef þú vilt stúta lásnum aftur þá endilega liðka upp spóluna ég er viss um að spólan er ódýrari en lásinn SKIPTU það er málið.
kv Gísli
Sælir.
Ég þakka góðar og gagnlegar ábendingar. Í dag prófaði ég að víxla slöngunum við segullokann, en það breytti engu.
Næst á dagskrá er að setja bílinn á lyftu og kanna lagnirnar betur. Hugsanlega geta verið göt á stálrörunum, en ef svo er ekki mun ég snúa mér að segullokanum sjálfum.
Ef og þegar orsök vandamálsins finnst mun ég upplýsa um það hér.Kv. Sigurbjörn.
Ég lenti í svipuðu máli með mína læsingu. Frammi í vélarhúsi eru að mig minni tveir litlir kútar sem eru hluti af kerfinu. Gegna hlutverki ,,vakúm forða" (á þeim er undirþrýstingur og einstreimislokar þannig að kerfið virki einnig þó dautt sé á vélinni t.d. með kúplingu og bremsum fyrir ræsingu) Þegar ég var búinn að gera allt það sem þú lýsir þ.e. skipta um rofa á drifkúlu. Lagnir fram í vél. Báða rofana sem stýra vakúminu þá virkaði læsingin illa. Eftir mikla pælingu komst ég að því að kúturinn var orðinn fullur af vatni sem tottast hafði í gegnum kerfið hægt og bítandi, eðlilega fraus vatnið og virknin var engin. Þessi kútur er að mig minnir síðasta tenging frá vakúmdælu á vél að rofunum fyrir læsingu. Athugaðu það.
Takk fyrir þetta, Kristófer. Ábendingu þinni verður bætt við gátlistann.
Kv. Sigurbjörn.
Smá spurning þegar bíllinn er í gangi og læsing er ekki á er vagúm á annari slönguni við læsinguna en ekki hina, á vagúmið að víxlast á milli slangnana strax og rofanum fyrir læsinguna er skift eða verður bíllinn td að vera í 4wd.
Er rofinn á hásinguni ekki bara fyrir ljósið í mælaborðinu til að sýna að læsingin sé af eða á.
Smá skýringarmynd frá Hr. Nissan.
-haffi
[attachment=0:1kg73ehx]PatrolLaesing.jpg[/attachment:1kg73ehx]
Þegar bíllinn er í gangi og læsingin er ekki á, er sog á annarri slöngunni, en þegar læsingin er sett á fer sogið yfir á hina slöngunna, þannig að ekki er annað að sjá en sú virkni sé eðlileg.
Ég prófaði læsinguna lauslega nú í vikunni og strax þegar ég sneri rofanum kom ljósið á. Þegar ég var búinn að keyra nokkra metra byrjaði það að blikka og ég er nokkuð viss um að þá fór læsingin af.
Ég hef enn ekki haft tækifæri til að skoða málið betur, en ég þakka þér fyrir teikninguna Hafsteinn. Hún segir manni heilmikið um uppbyggingu læsingarinnar og virkni.Kv. Sigurbjörn.
Hvernig er best að liðka upp segullokana sem víxla vagúminu á milli læst og ólæst
Lenti í svipuðu þegar ég keypti bílinn minn 99árg. Þá hafði verið skipt um hlutföll og öxullinn í læsingunni gekk ekki nógu langt fram og til baka til að grípa í raufina. (hringurinn með 2 pinnunum í og raufarnar á drifinu). Þegar ég hafði rennt nýja skinnu á öxulinn til að kamburinn kæmist í raufina og að fullu til baka hefur allt unnið eðlilega. Ef hann kastar sér úr læsingu þá mætti kanna þetta.
kv
Þröstur
Nú er driflæsingin loksins komin í lag. Prófað var að skipta um segullokana, sem stýra læsingunni en það breytti engu.
Var þá köggullinn rifinn úr öðru sinni og framkvæmdar einhverjar stillingar, sem ég kann ekki skil á. Kannski var það eitthvað í ætt við það, sem Þröstur lýsir hér að framan. Allavega virkar læsingin 100% núna.En þegar eitt vandamál er úr sögunni tekur annað við. Nú er það hraðamælirinn. Oft hreyfist hann ekki þegar ekið er af stað, en þegar eknir hafa verið nokkrir kílómetrar lifnar hann við og tekur þá stundum miklar sveiflur, t.d. frá 40 upp í rúmlega 100, sama á hvaða hraða ekið er. Svo þegar stoppað er t.d. á ljósum hangir hann uppi í 40 til 60 km, en sígur svo stundum rólega niður.
Svo kemur það líka fyrir að um leið og bíllinn er settur í gang rýkur hraðamælirinn upp í 80 og hangir þar þó að bíllinn sé ekki hreyfður. Vegalengdarmælirinn telur einnig þó að bíllinn sé í kyrrstöðu.Búið er að tengja framhjá hraðamælabreytinum, en það breytti engu. Mig grunar helst að bilunin sé í svokölluðum speed sensor eða hraðaskynjara, sem gengur inn í millikassann.
Áður en ég fjárfesti í nýjum skynjara þætti mér þó fróðlegt að fá álit reyndra Patrolmanna á því hvað hér geti verið á ferðinni.Kv. Sigurbjörn.
Sæll
ég hef ekki tekist á við bilaðan hraðamæli en mér detta samt fáeinir pungtar í hug.
"búinn að tengja framhjá hraðamælinum" …. hvað meinarðu? Hvernig tengir maður framhjá hraðamæli?
Allavega er einfalt að útiloka nokkra hluti. Hraðamælirinn er púlsteljari á öxli sem gengur út úr millikassanum og það er bara venjulegt hraðamælatengi á því s.s. á öxlinum sem snýst. Með því að taka það úr sambandi og halda öllum rafmagnslegu hlutunum tengdum getur þú séð hvort eitthvað sé athugavert við drifið sjálft.
Þvínæst tekurðu nemann sjálfann úr sambandi og ef vandamálið hættir þar ertu allavega kominn á slóðina. Ef vandamálið heldur áfram þrátt fyrir að púlsteljarinn hafi verið aftengdur er nánast öruggt að sá búnaður er allur í lagi.
Hraðamælirinn er pottþétt ekki tengdur við tölvuna, þó að flest önnur mælamerki fari í gegnum hana því að ég fjarlægði þá tölvu og hraðamælirinn svínvirkar. Þá er bara spurning hvort þú getir fengið annað Patrolmælaborð tilað prófa. Það er dálítið brölt og nokkrar skrúfur að skrúfa en tiltölulega einfalt að skipta út mælaborðinu.
Hraðamælirinn er, að ég best veit, bara púlsmælir og með AVO mæli sem mælir tíðni (Hz) ættirðu að geta fengið einhverja mynd á hvaða sullingur er að koma inn á mælinn. Þessi mæling gefur þér samt aldrei nákvæma mynd á það sem er að gerast en ef þú t.d. tengir mælinn og hraðamælinn og ferð svo út að keyra og það er ekkert samhengi milli tíðnimælisins og hraðamælisins færi maður að horfa á hraðamælinn.
Kv Jón Garðar
Sæll Jón Garðar.
"Búið að tengja framhjá [b:19vn8yce]HRAÐAMÆLABREYTINUM[/b:19vn8yce]" sagði ég reyndar, en það er búnaður, sem settur er í jeppa á stærri dekkjum til þess að leiðrétta hraðamælinn miðað við dekkjastærð. Þessi búnaður getur bilað eins og önnur mannanna verk og þess vegna var ákveðið að prófa í fyrstu að tengja framhjá BREYTINUM til þess að útiloka að hann væri orsakavaldurinn að ruglinu í mælinum.
Annars þakka ég góðar ábendingar.
Kv. Sigurbjörn.
Ertu búinn að prófa að hreinsa tengið sem er á kaplinum sem liggur í skynjarann? Ættir að finna það með þvi að rekja vírinn frá skynjara. Einnig að rekja vírana fram í húdd, þaðan í "tölvuna" og þaðan í mælaborðið og hreinsa öll plögg á leiðinni. Snúningshraðamælirinn er út og suður hjá mér og breyttist ekki þó ég skipti um vél þannig að ég held að þetta liggi í mælaborðinu
-haffi
Hraðamælirinn er nú kominn í lag. Öfugt við það sem ég hélt hafði ekki verið tengt framhjá hraðamælabreytinum þar sem hann fannst hvergi í bílnum. En þegar ég var að skipta um talstöð um daginn og gera fleiri endurbætur í mælaborðinu fann ég þennan breyti, sem er frá Samrás vel falinn á bak við útvarpið. Ég aftengdi hann og viti menn, síðan hefur hraðamælirinn virkað. Hann sýnir að vísu 10% of mikið en það er spurning hvort maður á nokkuð að vera að ergja sig á svoleiðis smámunum.
Ég þakka góðar ábendingar, sem komu fram á þessum þræði.Kv. Sigurbjörn.
You must be logged in to reply to this topic.