This topic contains 6 replies, has 1 voice, and was last updated by 
-
Topic
-
Sælir félagar. Ég er með Patrol 2.8 lítra dísel með túrbínu og millikæli. Túrbínan lekur orðið meiri og meiri smurolíu sem berst yfir í millikælinn og svo alla leið inn í soggrein. Ég er að velta fyrir mér hvernig maður fer að því að laga þetta. Mér sýnist helst að það sé farin pakkdósin á túrbínuöxlinum. IHelgason selur ekki þessar pakkdósir. Veit einhver hvar fær maður nýja slíka pakkdós?
Hvað ber helst að varast við að rífa úr túrbínuna og í sundur og skipta um sjálfur.
Þarf etv. sérfræðing í þetta?
Etv. er hægt að benda mér á gamlan spjallþráð um þetta málefni. Þakkir og kveðja, Arnþór
-
Replies
-
Anonymous- Umræður: 0
- Svör: 16404
Sæll Arnþór,
Það er rétt metið hjá þér að þetta geta verið þéttihringirnir við túrbínu öxulinn, sérstaklega ef þetta er orðið mikið notað. Hinsvegar getur smurolían líka farið á svona flakk ef það er loftleki á lögninni frá túrbínu gegnum millikæli og að vél, en þá ætti líka að koma fram olíuleki þar sem forþjappaða loftið lekur út. Fyrst olían er farin að safnast fyrir í millikælinum er líklegra að fyrri skýringin eigi við.Til að ná túrbínunni úr er best að aftengja púströrið við túrbínu ásamt kælivatns og smur lögnum. Losa síða soggreinina og pústgreinina frá vélinni og taka pústgreinina úr með túrbínuna fasta á. Síðan er hægt að losa túbínuna frá greininni og taka í sundur eða fá sérfræðinga í það.
ÓE
Sæll,
Ég myndi rífa hana úr og fara með hana í framtak/Blossa.
Þeir geta bilanagreint hana fyrir þig.
Það þarf að ath. afgashúsið hvort það er sprungið eins myndi ég ráðleggja þér að láta þá ballensera öxulinn.
Mig minnir að fóðringasettið kosti eitthvað í kringum 10-15 þúsund hjá þeim.Kveðja
Glanni.
Sælir! Var og er ekki verkstæði upp á höfða sem heitir Túrbó? Kolleki minn heldur að þeir eigi skiptitúrbínur, eða í verstafalli geti þeir frætt þig um þetta mál.
Kv. Magnús G.
það getur líka lekið olía að túrbínu frá ventli sem er á ventlaloki hann á að loka þegar að mikið sog er á túrbínunni svo að það sogist ekki olía frá vélinni niður í túrbínu. ath hvort það er mikil olía í rörinu niður að túrbínu ef svo er þá er ekkert annað en að skipta um þennann ventil hann er ekki svo dýr þú getur annars haft samband ef þig vantar nánari uppl
kveðja Gísli s 8931527
Túrbó ehf er reyndar á Tunguhálsi, en ég mæli með að þú farir þangað, þeir vita ALLT um þessar Patrol túrbínur, ég lét þá gera upp bínu fyrir 2 árum í Patrol fyrir mig og hún hefur haldið kjafti síðan. Fínir gæjar og ágæis verð.
kv, Ásgeir
Bestu þakkir fyrir allar þessar ábendingar.
Kveðja,
Arnþór
You must be logged in to reply to this topic.