Patrol stolið!!!!!

VISIR.IS
Lögregla fann stolinn jeppa og hluti úr öðrum
Lögreglan á Selfossi fann á dögunum Nissan Patrol jeppa sem stolið hafði verið í Njarðvík í byrjun nóvember. Eftir ábendingu fannst jeppinn í bílskúr í bænum og í ljós kom að maður í Þorlákshöfn leigði skúrinn. Sá var handtekinn og færður í fangageymslur. Í jeppanum fundust hlutir sem tengdust öðrum Partrol-jeppa sem stolið var í Reykjavík í síðustu viku og fannst strípaður við Rauðavatn. Við yfirheyrslu játaði maðurinn að hafa stolið báðum þessum jeppum. Manninum var sleppt að loknum yfirheyrslum og mun mál hans verða sent til ákæruvalds sem ákveður framhald málsins.

Þetta eru afar góðar fréttir fyrir eigandann þó svo að það þurfi eitthvað aðeins að skrúfa í bílnum til að koma honum í samt lag, þá verður hann allavega með sinn bíl aftur. Óska eigandanum til hamingju og vona að það náist það sem upp á vantar í báða bílana þar sem þetta var sami aðili og tók þennan svarta. Ég lenti í þessu 3 okt og var viku að finna minn bíl. Er núna að verða kominn með hann í samt lag. Ég fékk þó aldrei frambrettið brettakantinn eða símstöðina. Einnig hefur annað lauslegt sem var í bílnum ekki skilað sér svo sem NMT símstöð vatnsheldur vinnukuldagalli (neyðargalli) ásamt verkfæratöskum. En hvað um það til hamingu með að vera búin að endurheimta bifreiðina.

Kveðja að norðan.

ég var með hnút í maganum fyrir hönd eigandans varðandi bílinn, vonandi er hann sem minnst skemmdur, svona aumingjar sem ekkert eiga sleppa algjörlega frá svona málum að mínu mati, ef engar eignir eru þarf þolandinn að borga allt tjónið sjálfur, sem er hrikalega skítt, þessum gæjum er líka bara sléttsama, fokking hálfvitar.

Játaði þjófnað á tveimur jeppum
lögreglan á Selfossi handtók í gærmorgun mann sem við yfirheyrslu játaði að hafa stolið tveimur Nissan Patrol jeppum, öðrum í Njarðvík í byrjun nóvember og hinum í Reykjavík í liðinni viku. Jeppinn sem hann stal í Njarðvík fannst í bílskúr sem maðurinn leigði, ásamt hlutum sem hann hafði fjarlægt úr hinum jeppanum.
Að sögn lögreglu fékk hún ábendingu um að jeppi líkur þeim sem stolið var í Njarðvík væri á Selfossi og við eftirgrennslan fannst hann í bílskúr í bænum. Í ljós kom að maðurinn, sem er búsettur í Þorlákshöfn, hafði leigt skúrinn. Maðurinn var handtekinn á heimili sínu og færður á lögreglustöð þar sem hann játaði á sig þjófnað á báðum jeppunum. Jeppinn sem hann stal í Reykjavík fannst í liðinni viku við Rauðavatn þar sem honum hafði verið ekið út fyrir veginn.

Dugnaðarforkar! löggan á Selfossi.

Sælir félagar

Ég veit um fyrirtæki sem setur gps sendi í bíla og tekur síðan við gögnum í gegnum gsm kerfið varðandi akstursupplýsingar td. staðsetningu á hverjum tíma.

Spurning hvort klúbburinn skoðaði þann möguleika að þetta yrði sniðið að okkar þörfum.

http://www.nd.is/

kv gundur

Er stefnan að taka aðeins til í andlitinu á honum, ef svo er þá er það mín skoðun að það sé það eina sem svona menn skilja.

Ég veit ekki hvað er best að gera til að fá svona einstaklinga til að hætta þessu. Ég er á því að við ættum að hringja í hann eða einhvern veginn að ná á honum og bjóða honum að bæta fyrir gjörðir sínar eða jafnvel að kynna fyrir honum starfsemi klúbbsins. Það væri hægt að sína honum hver samstaða jeppamanna er þegar eitthvað bjátar á og gera honum grein fyrir að það er ekki hægt að komast upp með svona. Ég hef ekki trú á að ofbeldi lagi það sem er að hrjá þennan mann. Þetta er greinilega mikill jeppaáhugamaður og afhverju ekki að kynna honum hvað við erum að gera og kynnast honum aðeins í leiðinni. Ekkert víst að þetta virki en það er þá búið að reyna það.

kv

HG

Ég tel að það væri réttast að taka upp gapastokkinn
og híðingar þá held ég að menn færu að hugsa sig
tvisar um áður enn menn fara að fremja svona lagað

Móðir þeirra sópar gólf og flengir þá með vendi………………………………….

Sammála