Patrol stolið!!!!!

Hvernig er það, fær Jón eigandi þessa rauða hann eitthvað bættan frá tryggingum ef enginn finnst bíllinn? kv Svavar.

Ég lenti í því að þurfa að færa patrol um daginn og prufaði þá eitt. Tók lykilinn að Pajeroinum mínum og stakk honum ca. 1 cm inní cylenderinn og viti menn, hurðin fór úr lás. Svo hoppaði ég inn og og stakk sama lykli örlítið inní svissinn og eins og við manninn mælt þá svissaði hann á og fór svo í gang.

Það eina rétta sem þeir sem eiga eldri patrola geta gert núna er að fara í hóp niður í IH og fara fram á það að þeir geri vel við sína og bjóði lásasett á lágmarksverði til Patrol eigenda til þess að þetta fari nú að hætta.

Eru kanski allir búnir að gleyma Nissan Sunny faraldrinum sem gekk um höfuðborgarsvæðið hérna um árið. Mig minnir að umboðið hafi boðið Sunny eigendum einhver kjör á cylendrum í kjölfarið af því.

Sælir

Einhvern veginn grunar mig nú að Nissan eigendur geri sér ekki allir grein fyrir þessu þjófnaðarvandamáli.
Það eru jú aðallega bílaáhugamenn sem ræða svona lagað sín á milli og eins er það ekki á hverjum degi sem maður er að prófa aðra lykla í svissin hjá sér. Ég hef sjálfur þurft að upplýsa nokkra eigendur af eldri Nissan bifreiðum um þetta vandamál.

Það kostar lítið (20 – 30.000 kr í komið) að fá sér þjófavarnarkerfi og þess vegna tel ég það vera af hinu góða að þetta komi fram hér á þessu spjalli svo fólk geti brugðist við.

Ég tel hinsvegar að þeir sem eru að stunda það að stela bílum viti allir um þetta lásavesen…

Kveðja
Izeman

Málið er að skipta út lásunum fyrst. Þessir aðilar eru augljóslega að stela þessum tegundum vegna þess að megninu af þeim má stela með húslyklum. Ef að þjófurinn kemur að bíl sem hann getur ekki opnað með nissan lykla safninu sínu þá eru mjög góðar líkur á því að hann láti viðkomandi bíl í friði og leiti áfram.
Þetta tel ég vera "höfuðlausnina" og þjófavarnarkerfi og höfuðrofa koma þar á eftir.

Ég skoðaði þetta með Corollu fyrir nokkrum árum og þá kostaði lás í bílstjórahurð, sviss og farþegahurð undir 10.þús. En þetta eru að sjálfsögðu bara cylendrar sem þarf að stilla eftir lylkinum og það kostar eitthvað aukalega. Og svo er að koma þessu í sem er ekkert stórmál fyrir laghenta menn.

Sælir.
Ég keypti nýtt cylendrasett í heilan bíl. Í því var sviss með stýrislás og svissbotni ásamt boltunum til að festa hann utan um stýrisleggin. Cylendrar í hurðir þ.e. allar ásamt cylendra í lok fyrir olíutank. Þetta kostaði allt saman um 40.000 kr með vsk.

Þessu setti fylgdu 2 lyklar að herlegheitunum. Það á hins vegar eftir að skipta um settið í þessu verði. Skipti sjálfur um í mínum bíl og það tók mig um eina kls.

Maður hefur verið hugsa um það nú undanfarið hvernig manni væri innanbrjósts í sporum þessa félaga okkar, sem á þennan bíl. Það er ekki bara hið peningalega tjón sem þarna kemur við sögu, heldur hitt að geta ekki verið í friði með eigur sínar, þótt maður hafi gert allt sem venjan er að gera til að þær séu látnar í friði af svona liði. En eitt kom í hug í sambandi við það í hvaða umdæmi bíllinn fannst, – í fréttunum í dag hefur komið fram að lögreglan á Selfossi var ansi mikið upptekin við eitt tiltekið mál s.l. nótt – skyldu þessi tvö mál tengjast eitthvað? Það væri nú eftir öðru að þetta dóplið væri viðriðið málið! En mikið er þó gott að bíllinn fannst, þótt sjálfsagt sé hann ekki jafngóður.