This topic contains 13 replies, has 1 voice, and was last updated by 
-
Topic
-
Sælir
Ég er með patrol sem ég er nýlega búinn að setja 6.2 í. Ég notaði bílinn ekkert í rúmt ár svo að ég get ekki sagt hvort vandamálið hafi komið upp við breytinguna eða hafi verið að koma áður.
Vandamálið er að bíllinn fer að kippast allur til eftir að ákveðnum hraða er náð, milli 70 og 80. Þetta er ekki eins og menn lýsa „jeppaveikinni“ því að ég finn ekkert í stýrinu. Bíllinn er mjög lítið hækkaður svo að brotin á drifsköftunum hefur lítið breyst frá því sem nissan gamli setti í hann.
Undirniðri kraumar fínn víbringur sem minnir á hjöruliðskrossa titring. Ég finn ekkert í krossunum enda eru nýjir krossar í afturskaftinu. Aftari krossinn reyndar virðist vera þannig að önnur hreyfingin er pínulítið þyngri en hin. Eins heyrist smá smellur ef ég banka í skaftið. Þessi víbringur einn og sér er ekki tiltökumál en þeim fylgja allrækilegir kippir. Ef maður horfir á gírstangirnar finns manni eins og allt kramið gangi svolítið til. Þessir kippir eru mismiklir eftir t.d. vindátt. Ef ég keyri í logni tiltölulega flatann veg ef þetta hóflegt en ef gefur á öðru megin eða vegurinn fer að halla til annarar hliðar ymist eykst þetta eða minnkar. Stórfurðulegt.
Ég er búinn að vera að atast í framhjólalegunum en finn ekkert athugavert við þær, ekkert slag og ný feiti. Þar er samt hlutur sem ég skil ekki og það er hversu mikið ég get snúið dekkinu áður en drifskaftið fer að hreyfast. Ég er með original lokur læstar en hvað er það sem gefur svona langt travel og er það í lagi eða getur það verið hluti af hristingnum.
Mér datt í hug afturhjólalegur og tjakkaði bílinn upp að aftan. Þegar þangað var komið snéri ég einu afturhjóli í einu og heyrði einhvert tikk sem mér líkaði ekki. Heyri ekki almennilega hvaðan það kemur en þá tjakkaði ég undir kúluna og setti í gír og snéri dekkinu. Þá náttúrulega snúst annað fram og hitt aftur en þá tikkaði ekki neitt.
Ég er búinn að prófa að taka afturskaftið úr bílnum og keyra þannig en við það fór skjálftinn ekki en ýmislegt annað varð undarlegt svo að ég ákvað að þau vísindi væru ekki alveg heilög.
Hafa menn einhverjar uppástungur um hvað er að. Dekkin eru vel balanseruð (á margrómuðu dekkjaverkstæði á Húsavík, með betri jeppadekkjaverkstæðum landsins) og sá sem vann það sagðist ekki eiga von á að aðrar hreyfingar í dekkjunum kæmu fram í akstrinum.
Dettur einhverjum hér eitthvað í hug. Ég skal alveg trúa að það séu fleiri en eitt vandamál á ferðinni, bíllinn er mikið notaður og ég sé enga ástæðu til að útiloka eitthvað sem þó bilar sjaldan.
Kv Jón Garðar
-
Replies
-
Anonymous- Umræður: 0
- Svör: 16404
Hefurðu athugað hvort felgumiðjurnar séu heitar eftir akstur…. man eftir einu atviki á nýlegum patrol á 44" þar sem felgumiðja sjóðhitnaði að aftan og þá fannst reyndar olíulikt líka. Bíllin var tjakkaður upp til að taka á dekkinu en það fannst ekkert slag i legunni. Síðan þegar þetta var opnað kom samt sem áður í ljós að legan var handónýt….. kanski er þetta fjarri lagi hjá mér en maður vonar alltaf að þetta sé eitthvað einfalt 😉
Sæll
Jamm búinn að þreifa nokkrum sinnum og felgan volgnar aðeins eftir langkeyrslu, mér finnst ekkert óeðlilegt við það.
Kv JGH
Hvað með framskaftið ? Er það rétt set saman eða krossar í lagi ? Ertu búinn að tjakka upp aftan og sjá hvort það er kast á dekkjunum þegar þú lætur þau snúast ? Bara sona datt þetta í hug í fljótu bragði. Ég hef lent í því að dekkjaverkstæði ballensera og láta undir án þess að segja manni frá ef það er vírslitið dekk eða skökk felga.
Prufaðu að skifta um driflokur.
kv. Kalli
Voru drifsköftin tekin í sundur við breytinguna? Ef svo er, fóru þau örugglega rétt saman aftur, þ.e. snúa bjargirnar á skaftinu örugglega eins? Kv. Logi.
Anonymous- Umræður: 0
- Svör: 16404
Langsótt tilgáta, en getur verið að driflásinn að aftan fari á þegar bíllinn er í gangi?
(Það er greinilegt skv. lýsingunni að hann er ekki fastur)kkv
Grímur
Sælir og takk fyrir ágætar tillögur.
Eins og ég sagði áður er ég á því að fleiri en eitt vandamál séu í gangi og ég er helst á því að dekkin eigi stóran þátt í pakkanum. Ég setti hærri loftþrýsting í þau og eitthvað skánaði en ekki nóg. Ekkert af drifsköftunum fór í sundur og ég er búinn að kíkja eftir því hvort þau séu rétt sett saman og sé ekkert athugavert þar. Krossana í framskaftinu hef ég ekkert atast í, ekki skipt um þá eða gert neitt en þegar ég tók skaftið undan fann ég ekkert athugavert við krossana.
Pinionlegurnar hef ég ekkert athugað nema með því að skakast eitthvað í endanum á drifinu án þess að finna neitt að. Ætli ég prófi ekki eftir helgina að skipta aftasta krossinum út, sá skratti er asnalegur þó að ekkert slag sé í honum.
Ég er hinsvegar ekki nógu sleipur í að átta mig á því hvað getur gerst í drifkögglinum sjálfum. Í mínum augum getur annaðhvort allt verið í lagi eða brotið en þetta tikk hræddi mig svolítið. Hef reyndar ekki gert þessa sömu tilraun með drifskaftið ótengt. Ég hef ekki svo miklar áhyggjur af lásnum, hann er allavega í lagi og ef hann væri að detta af og á kæmu stakir slynkir og bíllinn myndi örugglega ekki láta vel að stjórn.
Sömuleiðis er ég ekki hrifinn af því hvað travelið er langt í framhjólastellinu og væri ánægður ef einhver kannaðist við það að original lokurnar geri þetta eða hvort það sé eitthvað orðið slitið annað hjá mér.
Ég ætla samt að taka fram að eftir að hafa horft á bananceringuna á Húsavík þá ætla ég ekki að efast um vinnubrögðin þar. Hinsvegar eru dekkin mikið slitin og notuð og gætu látið eins og asnar.
Takk takk, Jón Garðar
sæll
Ertu í 4×4 þegar þessir kippir koma ? Ef svo er þá giska ég á driflokurnar, fá lánaðar lokur og prófaðu að skipta.
Ég myndi líka prófa að setja annan dekkjagang undir sem þú veist að er í lagi og prófa.Alltaf best að byrja á þessu einfalda áður en þú ferð að rífa
kveðja
Agnar
Sá að þú talar um að stangir hristist mikið var að spá hvort þú hafir skoðað púðana undir kössum og vél gæti verið að þeir væru of mjúkir fyrir þessa vélarsamsetningu eða farnir að slitna?????
Sælir
Það er reyndar snilldar hugmynd. Ég notaði rétta mótorbúða sem virtust í lagi en gírkassapúðana notaði ég frá gamla og miklu minni gírkassa. Kíki á það.
Kv Jón Garðar
Eftir að ég lét smíða nýtt drifskaft að framan í 44" pattan minn þá tók ég eftir því í fyrsta skipti sem ég setti hann í 4×4 að mér leið eins og ég væri að keyra yfir rúlluhlið, eða mjög fínt þvottabretti.
Það kom svona víbringur, en ekki þessi klassíska jeppaveiki sem hafði hrjáð bílin um stund líka.
Ég tók skaftið undan og fór með það í Stál og stansa og þeir stilltu það fyrir mig og allt varð eins og blómstrið eina.
Svipað vandamál var í 60 cruser- bíllinn valhoppaði reyndar út um allan veg í verstu vírbingsköstunum. Lausnin var að setja nýa og stífari mótorpúða. Ég ók gamla patrol helling með ónýtan gírkassapúða og fann ekki fyrir neinu, en það var "gamli patrol"
Óli Hall
Þú ert sjálfsagt löngu búinn að finna og leysa vandann. En ég lenti í þessu nákvæmlega sama. Vandamálið hjá mér var annars vegar stýrisdælan og hinsvegar stýrisdemparinn. Bílinn byrjaði að láta eins og þú lýsir og svo fór að þyngjast stýrið og þá var ljóst að stýrisdælan var orðin léleg. Eftir að ég skipti um hana snarlagaðist málið og svo þegar ég skipti út lúnum stýrisdempara þá losnaði ég við þennan ófögnuð.
You must be logged in to reply to this topic.