Patrol breytt á 44″

Þumalputtareglan er nú að skástífur og togstöng séu nálægt því að liggja láréttar þegar bíllinn stendur í hjólin, halli kannski aðeins niður til að koma á móti hleðslu á bílnum. Og að skástífa að framan og togstöng liggi sem næst því eins.

Mér finnast 60mm klossar frekar lítil hækkun fyrir 44" ef bíllinn er ekki boddíhækkaður. Ég myndi nota 100mm klossa og 50mm liftgorma fyrir 44".

Varðandi sektorsarminn geturðu t.d. fengið þér nýjann stýrisarm á spindilhúsið hm. sem er með hækkun. (þú færð líka breytingarvottorð með honum fyrir breytingarskoðunina) Þeir græja það fyrir þig í Stál og Stönsum t.d.

Svo skaltu síkka turnana fyrir skástífurnar jafn mikið og þú hækkar bílinn og sjóða í þær skástyrkingar yfir í grind hinummegin.

Einn hér í þræðinum nefndi 20mm afturhásingarfærslu sem er mjög passleg. Þú þarft ekki að færa skástífuturnana fyrir þessar hásingafærslur.

Passaðu bara pinjónshallann að aftan, að stefnan á pinjóninum sé 2-3° fyrir neðan beina línu við drifskaftið. Ef þetta liggur í línu færðu mikinn skjálfta. Svo við svona hækkun þarftu að hafa endaskipti á afturskaftinu svo það rekist ekki í styrktarrörið í grindinni aftan við millikassa. Þ.e.a.s. dragliðurinn sé nær millikassa.

Algeng hásingarfærsla að framan á Pattanum er ca. 30mm eða svipað þykktinni á klossanum sem framstífurnar boltast í við grind. Ef þú færir hana e-ð framar ertu kominn í vandræði með togstöng og skástífu, þ.e. þær fara að rekast í hásinguna.

Og í guðannabænum síkkaðu framstífufestingarnar aðeins meira en sem nemur hækkun. Patrol er ekki með nema ca. 2.5° í spindilhalla orginal og þú vilt alls ekki að hann minnki þegar hann er kominn á stærri dekk. Þá færðu bíl sem getur látið mjög illa á vegi, þ.e. lítil rásfesta. Einnig eiga Stál og Stansar "offsett" fóðringar í framstífurnar sem gefur ca. 2° í aukinn spindilhalla. Svo skaltu láta setja tvöfaldann lið í framskaftið við millikassa.

Svo myndi ég hiklaust mæla með stýristjakk fyrir 44" dekk! Það getur gjörbreytt bíl á svona stórum dekkjum.

Ég er örugglega að gleyma einhverju en þetta eru svona nokkrir punktar sem þú getur stuðst við.

Kveðja Sigurþór

daginn oskar eg a brettakanta til sölu ef þu hefur ahuga simi 6624228
kveðja Helgi

Sæll Kristján, mig langaði að forvitnast um súperswamperinn. Hvernig er hann að bælast? Hvað þarftu að hleypa mikið úr áður en hann fer að bælast almennilega og fljóta?

-haffi

Gaman að heira að menn eru enn að breit þessum góðu bílum. Mér sínist að breitingarnar séu að takast vel hjá þér en það er eitt sem ég hef um þetta að segja og það er um dekkin eru þau ekki svolítið þung að snúa þeim fyrir patrol ég mindi allavegana kaupa mér 3 raða vatsnkassa, góðan koler og annan pústkuðung áður en að þú fer að keira svo þú bræðir nú ekki heddið í fyrstu ferð. Kv Jón B (patrol fan nr 1)

Það gerði ég og það virkar mjög vel
kv Gísli

Já ég færði hásinguna þannig að færsluklossinn í miðjunni var hálfnaður út úr gatinu vona að skiljist
þú notar tvöfaldann lið uppi við millikassa og þá er vanalega ekkert vesen niðri við kúlu að framan
skástífusíkkunin að framan er þannig að skástífan liggi samhliða togstönginni á stýrinu
að aftan getur þú sett hana lárétta, bara muna að styrkja turna
kv Gísli

Ég veit að margir hafa keypt svartar plast plötur í málmtækni 1mm á þykkt og sett þær inn í brettið
kv
Einar