This topic contains 14 replies, has 1 voice, and was last updated by 
-
Topic
-
AnonymousHvernig er það, má loga park í kösturum og þokuljósum hér á landi, ég veit að þetta má víðsvegar um evrópu. Er einhver með þetta á hreinu ?
-
Replies
-
Anonymous- Umræður: 0
- Svör: 16404
Ég veit ekki,enn frá mér séð, hef ég ekki önnur ljós logandi
á móti umferð enn lág ljós ,ég vil meina að park í kösturum munu rugla ,ég vil ekki mæta bíl sem ég veit ekki hvað er.
Anonymous- Umræður: 0
- Svör: 16404
Sæll
Parkljós í Köstarum er lögleit
og Þokaljós má bara nóta í þoka – þes vegna heitir það lika þokaljós.
Besides -Það er frekkar vont er folk koma á mótur með Þokaljós kviktFjalla kveðja
Ion
Mér hefur verið sagt að þetta sé löglegt í kösturum á flutningabílum en ekki á öðrum bílum, sbr. að við megum ekki nota toppkastara á jeppum á vegum, þótt flutningabílarnir megi það. Mér var sagt þegar ég kom með bíl með toppkastara í skoðun, að ég yrði að hafa hlífar yfir þeim í öllum venjulegum akstri. Kannski er verið að túlka þessar ljósareglur frá Brüssell eitthvað mismunandi eftir skoðunarstöðvum? Það er hinsvegar merkileg fóbía hjá fólki gagnvart þokuljósum. Þau lýsa skemmra og með dreifðara ljós en venjuleg lágljós en samt er sumt fólk að nöldra yfir þeim. Hinsvegar er óþarfi að vera að hafa kveikt á þessum ljósum inni í þéttbýli og annarsstaðar þar sem götulýsing er.
Anonymous- Umræður: 0
- Svör: 16404
Fór í víking á vef umferðarstofu og fann þar allt um þetta á bls 51-54 af 183;
Auka stöðuljósker: Ljósker skulu tengd öðrum stöðuljóskerum. Auka stöðuljósker eru óbundin ákvæðum um breiddarstaðsetningu og dreifingu ljósgeisla. Að öðru leyti gilda sömu ákvæði og um áskilin stöðuljósker.
Þar sem fleiri en eitt ljósker eða glitauga gegna sama hlutverki skal fjöldi þeirra vera jöfn tala nema annað sé tekið fram. Þeim skal komið fyrir í pörum samhverft um lóðrétt breiddarmiðplan ökutækisins.
Ljós eða endurskin frá ljóskerum þessum og glitaugum skal hafa sama lit og því sem næst sama ljósstyrk. Ljósker sem gegna sama hlutverki skulu þannig tengd að ljós logi samtímis á pari ef þau eru tvö, en á öllum ef þau
eru fleiri. Síðasttalda ákvæðið gildir ekki um stefnuljósker.Um kastara;
Ljóskastarar skulu tengdir háljóskerum um eigin rofa og samtengdir gaumljósi í mælaborði.
Auka háljósker: Ljósker skulu tengd öðrum háljóskerum og kvikna skal á þeim samtímis áskildum háljóskerum eða um sérstakan rofa. Þegar um er að ræða tvö pör aukaháljósa mega þau ekki loga samtímis. Þegar skipt er af háljósum á lágljós skulu öll háljósin slokkna samtímis. Aukaháljós skulu staðsett framar en ökumaður. Að öðru leyti gilda sömu ákvæði og um áskilin háljósker.Um dagljós;
Dagljós koma í stað aðalljósa þegar hvorki er skuggsýnt né skyggni lélegt. Sem ljósker fyrir dagljós má nota aðalljósker, aðalljósker með lækkaðri spennu, þokuljósker eða sérstök dagljósker með viðurkenningarnúmeri.Ég skil þessa romsu svo að auka park MÁ vera á bílnum!
Kastarar mega vera á þaki ef þeir eru framar en ökumaður, og það má líka nota þokuljós sem dagssjós.
Sælir.
Samkvæmt því sem skoðunarfrömuðurinn okkar, Einar Sól sagði á síðasta fundi, er það algerlega bannað að vera með hlífalausa kastara innanbæjar. það þýðir eftir mínum skilningi, að það er leifilegt að hafa parkljósið í kastaranum, en það er afturá móti bannað að hafa kastarann hlífalausan. þannig að tilgangurinn með ljósinu er ekki mikill.
Emil
Í umferðarlögum er þess getið að maður má nota þokuljós þegar skyggni er vont – en í lögunum er einnig sérstaklega tekið fram að ekki má nota ljós sem geta valdið öðrum ökumönnum glýju eða óþægindum.
Einhver (man ekki hvort það var ökukennari, lögreglumaður eða starfsmaður bifreiðaskoðunar) sagði mér að þetta þýddi í raun að þokuljós aftan á bílum mætti EINGÖNGU nota utan við þéttbýli, ef maður er aftastur í röð eða einn á veginum. Um leið og einhver er kominn í sjónfæri fyrir aftan þig verður þú að slökkva á þokuljósinu.
Mér þótti þetta skynsamlegt, enda veit ég fátt meira þreytandi en að keyra á eftir bíl með rauða sól í augunum.
Hvet alla til að hafa aðra bílstjóra í huga þegar þeir nota aukaljós.
Umferðarlög: http://www.althingi.is/lagas/nuna/1987050.html
(32. grein)kv.
EE
Í beinu framhaldi af kastaramálum,
Hvar á ég að kaupa góða kastara sem lýsa vel í gegnum skafrenning og þoku,Og hvernigkv JÞJ
Anonymous- Umræður: 0
- Svör: 16404
eg er með 2 hella kastara á þakboga þegar eg var að lata skoða bílinn þá var ekki buið að tengja þá, þeir byrjuðu að röfla yfir að þetta ætti að vera tengt þannog að eg klifraðu uppa stigbrettið skrúfaði laust og fleygði inn bíl og sagði að nu væri þetta ekkert vandamál, ótrulegt röfl og tuð yfir öllum þessum aukaljósum ég segi að það eigi lágmark eitt par af storum öflugum kösturum vera alveg á ser tengingu bara–geymir-reley-takki-kastari því ef eikað bilar í ljósabunaðinum á fjöllum þá er gott að geta haft birtu áfram
Mér sýnist að ég eigi sálufélaga þar sem "fjallið" er. Nákvæmlega það sama og ég hef lent í. Þó margt hafi batnað varðandi skoðun á bílum frá því gamla Bifreiðaeftirlitið var og hét, þá eru enn við störf í þessum bransa menn, sem virðast fá kikk út úr því að gera fólki lífið leitt að óþörfu. Þess vegna var líka flott að fá þessa tilvitnun þarna í vef Umferðarstofu, því þar er þetta allt saman svart á hvítu og semsagt tóm þvæla að það séu bara flutningadrekarnir, sem mega vera með toppljós. Og þetta með hlífarnar er bara bull og þvæla samkvæmt þessu?
Svo vil ég taka undir þetta með þokuljósin að aftan. Það eru alltof margir sem misnota þau.
Anonymous- Umræður: 0
- Svör: 16404
ég mindi bara setja skinjara hann kostar um það bil 200 þ.ú.s.u.n.d.k.a.l.l. það er ekkert mikið fyrir mig út af því að ég er með sérsmíðað’an Jeep
Fór með fákinn einu sinni upp á höfða í skoðun. Þar opnaði meðal annars einn kall húddið, sá mixuðu túrbínuna og brosti hringinn. Svo var bílinn tekinn í mengunartest helvítis, og það með þvílíku brosi af hendi skoðunarmanna. Það var testað og testað, og þegar bíllinn bara gjörsamlega neitaði að menga, þá urðu mínir menn bókstaflega fúlir (og testuðu aftur). Mér fannst þetta mjög undarleg hegðun, vægast sagt.
Svo fannst þeim sumum voða gaman að tékka hvort það slöknaði ekki örugglega á öllum aukaljósum þegar slökkt var á parkljósunum, eins og reglur segja til um (bannað að hafa ljós að framan án þess að hafa afturljósin logandi líka, sem er gott). Nema hvað að bíllinn er með dagljósabúnaði þannig að það er ekki hægt að slökkva á parkljósunum né afturljósunum. Það skipti víst engu máli! Rofinn í mælaborðinu (sem núna kveikir og slekkur á mælaborðsljósunum) var það sem skipti máli. Sé í reglugerðinni eins og hún er í dag, að það eru jú parkljósin sem skipta máli, en ekki mælaborðsljósin…:)Annars hef ég aldrei almennilega skilið af hverju það má ekki setja inn ástæður reglanna inn í reglutextann. Einhvernvegin hefði ég haldið að öll heilbrigð skynsemi segði að ástæðan væri jú það sem skipti mestu máli…!
Kveðja
Rúnar.
Sælir.
Alveg sammála Rúnari. Þessi reglugerðadýrkun, algerlega án tillits til heilbrigðrar skynsemi, er alveg komin út í öfgar og það á mörgum sviðum. Hver man ekki t.d. eftir lagasetningu háæruverðugs Alþingis allra Íslendinga, þar sem fjölmargir alþingismenn sem þó tóku skýra afstöðu, vissu ekkert um hvað þeir voru að fjalla þegar fréttamenn leituðu eftir því… Þá var verið að lögfesta einhverjar reglur frá Brussel sem fæstir vissu hvað þýddu.
Annað: Hver er munurinn á "aukaháljósum" og "kösturum"? Er hann yfirhöfuð nokkur? Snýst hann kannski bara um tengingar (sem þó skipta engu eins og Rúnsi benti á)…?
Ferðaljósakveðja,
BÞV
Þarna til viðbótar kemur að Hannesarnir hjá okkur eru svo að barna reglurnar frá Brussell til að gera þær ennþá vitlausari. Sbr. þegar lögregla og skoðunartittirnir hjá Frumherja eru að halda því fram að það verði að hafa hlífar yfir kösturunum þegar ekið er innanbæjar og á þjóðvegum BARA Á JEPPUM, svo stendur þetta ekki einusinni í reglugerðarkjaftæðinu, eins og sýnt var fram á hér ofar! BÞV, hvern fjárann eruð þið að læra í lögfræðinni þarna vesturfrá???? Er kannski sér lögfræði fyrir þá sem ætla að verða Hannesar hjá ríkinu?
Þetta er nú orðið svo mikið kraðak af reglugerðum um gerð og búnað ökutækja að það virðist stundum vera geðþóttaákvörðun skoðunnarmanna hvað er leyfilegt og hvað ekki. Við jeppamenn liggjum vel við höggi þar sem við erum að breyta bílunum, en erum örugglega mikið löghlýðnari en margur fólksbílaeigandinn. Allavega sér maður skrautlega flóru ljósanotkunnar á fólksbílum. Kraðakið er það mikið að lögreglan virðist alveg hætt að skipta sér af þessu og er ég reyndar efins um að þeir kunni þetta allt.
Er ekki verið að vinna í endurskoðun á þessu á einhverjum Evrópustaðals grunni?
Bkv.
Magnús G.
You must be logged in to reply to this topic.