This topic contains 3 replies, has 1 voice, and was last updated by 
-
Topic
-
Er orðinn leiður á sundlauginni á pallinum hjá mér og langar að þétta pallhúsið betur að pallinum sjálfum. Ég prófaði í sumar að kaupa þéttiborða í Bílasmiðnum og setja á milli en eitthvað voru festingarnar lausar hjá mér og er þéttiborðinn hægt og rólega búinn að skríða undan.
Þetta er Carryboy pallhús með svona álklemmu og bolta í gegn sem gera sitt besta til að halda pallhúsinu að pallinum. Mig langar að hætta að nota þær og bora bara beint í gegnum og setja bara svera bolta. Er eitthvað sem mælir gegn því að gera þetta svona og hefur einhver gert þetta svona?
Eru menn almennt að nota einhverja svona pjattaða þéttiborða eða á ég bara að skella vænni rönd af sikaflex á milli? (það að pallhýsið fari ekki af aftur er meira kostur en ókostur)
-
Replies
-
Lögðum okkar í silicon, gúmmíþéttilista, silicon , ekki dropi inn. Mundu bara eftir að teipa húsið og pallinn að utanverðu svo umfram siliconið leki ekki inn á lakk.
Fyrir alla muni aldrei nota silicon í bíla, sýrustigið er það hátt í siliconinu að það flýtir verulega fyrir ryðmyndum og við viljum það helst ekki. Silicon á bara heima á örfáum stöðum, til dæmis í hillunni í búðinni, í kringum vaska og baðkör á heimilinu, tja sumir segja líka í brjóstum kvenmanna en best er það geymt í ruslinu. Það er ástæða fyrir því að það er sérstakt límkítti til að festa framrúður, og ef maður þarf að líma eitthvað í bílum á að nota sérstakt rúðukítti í rúðuísetningar eða alhliða límkítti, td 40FC frá húsasmiðunni eða 14LM frá byko og svo eru fleiri merki sem ég þekki minna.
En ég notaði venjulegan glergúmmíborða, 4×10 til að festa mitt pallhús á og það lekur ekki dropi….með því allavega
Á eftir að lauma rönd af svörtu límkítti með afturhleranum.
Ef menn eru að kítta þar sem á að sjást, td með gluggum á pallhúsi eða brettaköntum þá finnst mér best að eyða smá tíma í að teipa með málningarteipi til að afmarka það sem á að kítta, smyrja svo ríflega af kítti í, draga puttann eftir því til að fá ágætis áferð og rétt magn í fúguna, rífa svo teipið frá og græja svo sápuvatn, td 30% uppþvottalög á móti 70% af vatni og pensla svo í kíttið. Með því þá getur maður djöflast á kíttinu og tekið niður brúnir og gert mjög flott þar sem kíttið hefur enga viðloðun við þá fleti sem vættir eru í sápuvatninu.
Svoleiðins gerði ég á mínum lux þar sem ég kíttaði og kemur afskaplega vel út.
Vonandi er þessi einfalda lýsing ekki of flókin
Þetta er gott ráð, sílikon, hvort sem það er með ediksýru eða án er bölvað drasl sem gagnast í fátt nema það sem Elmar er að lýsa. Silikon loðir ágætlega við gler, postulín og annað yfirborð sem hefur nær ekkert ísog og er slétt. Annað ekki.
You must be logged in to reply to this topic.