This topic contains 4 replies, has 1 voice, and was last updated by 
-
Topic
-
Hvað sem hver segir þá vil ég hafa bíla eins litla og ég kemst af með. Því finnst mér bestu kaupin í litlum japönskum pallbílum, sem reyndar fara stækkandi um þessar mundir. Í október kemur nýr Hilux sem orðinn er aðeins stærri (en sama 102 hestafla vélin, en mun fást í öflugri „intercooler“ útgáfu á næsta ári) og þegar er kominn nýr Nissan Navara með sömu vél og í Pathfinder, þ.e. 2,5 lítra 174 hö díeselvélinni.
Toyotu þekkir maður nógu vel til að vita hvaða túttur má setja undir og hvernig það er gert, en þennan nýja Nissan veit maður ekkert um. Er einhver þarna úti sem hefur skoðað þessa bíla (Navara og Pathfinder) og myndað sér skoðun á málinu. Hvað með drif, hlutföll í þau og læsingar?Nefna má að Nissan Navara er með gorma og diskabremsur allan hringinn, en hann er líka 180-200 kg þyngri en nýi Hilux-inn.
Svo er spurningin hvort gáfulegast sé að fá Halldór í KT á Akureyri (http://www.kliptrom.is) til að flytja inn Toy Tacoma með 4 lítra bensínvél fyrir 3,1 millu (lengri gerð, sjálfskiptur)? 1880 kg bíll, að ég held með samskonar drifbúnað og Landcruiser 120.kv
Arnar
-
Replies
-
Í nýjasta Four Wheeler blaðinu er grein um ameríkutýpuna af Nissan pallbílnum (heitir Frontier þar). Þeir eru með einhverja "off road" týpu sem er með rafknúna læsingu sem virkar sem tregðulæsting þegar hún er ekki 100% læst. Það er spurning hvort þessi læsing komi hingað. En ég er djöfulli hrifinn af V6 bensín vélinni, 264 hestöfl! Reyndar er bíllinn rúm tvö tonn, það er spurning hvort dísel bíllinn sé ekki eitthvað þyngri en það?
Er 2100 kg,hef það eftir sölumanni IH.
Hvað er málið með það að vera alltaf að troða þessum helv… aukakílóum á þessa bíla?
Sælir
Smá leiðrétting varðandi Nissan Navara. Þar sem engar upplýsingar er að finna á http://www.ih.is þá fór ég í gær inn á http://www.nissan.no og þar stendur að bíllinn sé á gormum aftan og framan og með diskabremsur að aftan. Þetta er bara helber þvæla því undir bílnum að aftan eru gömlu "góðu" blaðfjaðrirnar og skálabremsur. Eitt sem mér finnst vera til leiðinda á nýja Navara er að brettaútvíkkanir (brettakantar) eru ekki úr plasti eins og á eldri Nissan Double cab, heldur er kanturinn úr stáli, þ.e.a.s. hluti af frambrettum og skúffu. Kanturinn (útvíkkunin) er stór og nær langt upp þannig að ef til vill verður vandamál að koma fyrir alvöru brettaköntum.kv
Arnar
You must be logged in to reply to this topic.