Páll Ásgeir og Vonarskarð

Mjög vönduð hugleiðing hjá Skúla en þetta "ítarlega" svar Páls eru hjákátlegt og sýnir hvað rök hans eru veik.

Kv. Óli

Sérkennileg uppákoma átti sér stað á bloggsvæði eyjunnar í gær. Þar kvartaði Páll Ásgeir yfir andsvörum jeppamanna á bloggi sínu og það að hann hafi ekki sjálfur tækifæri á því að veita andsvör á f4x4.is. Þetta sjónarmið Páls er vel skiljanlegt. En hinsvegar mætti velta því fyrir sér hvort það sé eðlilegt að hleypa Páli inn á f4x4.is á meðan t.d 649 jeppamenn eru á http://www.jeppaspjall.is/ og stór hluti þeirra hafa ekki aðgang að f4x4.is. Þetta má segja um fleiri sem hafa vilja tjá sig á f4x4.is og veita andsvör. T.d menn frá Landvernd og formaður Slóðavina ofl ofl. ég verð reyndar að skjóta hérna inn athugasemdum sem Páll gerði sjálfur í október 2009. En þá skrifaði hann pistil sem hét “Opin eða lokuð umræða” en þar segir Páll eftirfarandi: “Ég fann þó fjóra bloggara á Eyjunni sem hafa ekki opið fyrir athugasemdir. Þeir eru: Tryggvi Þór Herbertsson, Gísli Marteinn Baldursson, Þorbjörg Helga Vigfúsdóttir og Friðbjörn Orri Ketilsson.
Nú get ég sjálfviljugur kallað yfir mig tvenns konar athugasemdir. Annars vegar má hver sem er benda á hvað þessir fjórir ritsnillingar eiga sameiginlegt. Hins vegar mega þeir hver um sig segja mér og öðrum-hér í opnu athugasemdakerfi- hvers vegna þeir loka á athugasemdir”.
Það kom reyndar fram að það eru fleiri sem eru með lokað fyrir athugasemdir. Þeir sem eru með lokað fyrir athugasemdir virðast eiga eitt sameiginlegt. Þ.e að þeir hafa slæman málstað að verja. Þar er Páll engin undantekning eftir að hann er búinn að ráðast kerfisbundið á alla sem ferðast um landið á annan hátt en hann sjálfur.

http://blog.eyjan.is/pallasgeir/2010/04 … /#comments
Dagur Bragason // 24.4 2010 kl. 20:28

Sæll Páll.
Var að tala við Sveinbjörn formann F4×4 og gaf hann vilyrði um að þú fengir skrifaðgang að vef http://www.f4×4.is
Það eina sem þú þarft að gera er að senda póst á stjorn@f4×4.is og óska eftir skrifaðgangi að vef 4×4 og munt þú fá aðgangsorð sent um hæl.
Fullar persónuupplýsingar þurfa að fylgja með því enginn fær skrifaðgang nema undir fullu nafni og kennitölu.
kveðja Dagur Bragason

Páll Ásgeir // 24.4 2010 kl. 21:20

Sæll Dagur
Hef sent formanni skeyti og bíð aðgangs.
Takk fyrir þetta
Páll Ásgeir

Það hafa alltaf verið til Jónar og séra Jónar. Er þetta bara ekki enn eitt dæmið um það. Væri ekki athugandi fyrir þig Jón að fara á Hagstofuna og fá að breyta nafninu þínu í Séra Jón G Snæland, það hlyti að vera snilld að heita það 😉

[quote="AgnarBen":2d45rtc0]Þarna er ég sammála Jóni, ég skil ekki af hverju Páll fær aðgang þvert á stefnu klúbbsins sem nú er ríkjandi. Að sama skapi skil ég ekki af hverju Páll vill ekki veita andsvör á sínu eigin spjalli þar sem aths komu fram. Hér hefur varla neitt verið rætt um þetta mál. Félagsmenn geta líka uppfært þennan þráð með andsvörum Páls og honum er líka frjálst að senda andsvör á félagsmann sem póstar þeim hér inn.

kveðja
Agnar[/quote:2d45rtc0]
Ég sé enga þörf á því að Páll Ásgeir fái einhverja fýtimeðferð, hann á bara fara aftast í röðina og svo legg ég til að ekki verði teknir inn nýjir félagar fyrr en að afloknum aðalfundi.
Svanasöngur Páls er best geymdur á eyjunni að mínu mati og tek undir hvert orð Agnars, no special treatment available.

ÓE, R166

Sælir.
Mér finnst algjörlega fráleitt að hann blessaður maðurinn Páll fái hér aðgang til að geta svarað þessari umræðu, ef hann vill það svo gjarnan ætti hann að borga félagagjaldið eins og aðrir. Hugsa að mun betri, svo ég tali nú ekki um skemmtilegri umræður skapist hér ef hinum sem lokaðir voru úti í vetur yrði hleypt hér inn aftur heldur en að fá Pál, þó ég hafi ekkert persónulega á móti honum. En þegar menn tjá sig um jafn stór málefni eins og endalausann aulahátt og heimsuhátt jeppamanna hljóta menn að gera sér grein fyrir að þeir verið ræddir á öðrum svæðum internetsins heldur en á heimasvæði sínu og algjörlega fráleitt að gagnrýna félagsskapinn fyrir það að geta ekki svarað fyrir sig. Hann verður að gera það annarsstaðar eins og aðrir sem ekki borga félagagjaldið hér.

góðar stundir.
Hjalti Steinþórsson

Víðerni.
Nú fer ég vítt og breytt um í þessum pistli mínum.

Mér finnst þessi umræða athyglisverð varðandi aðgang að spjallsvæði f4x4.is. Eins og staðan er í dag er lokað fyrir skrifaðgang annarra en félagsmanna.

Páll Ásgeir (greinilega ekki félagsmaður) kvartar undan því að hafa ekki aðgang að spjalli f4x4 til að geta svarað fyrir sig. F4x4 sem eru frjáls félagasamtök sem fólk borgar fyrir að vera í og er það valkvæmt. Hins vegar vill hann fá ókeypis skrifaðgang og er það dæmigerður hugsunarháttur göngufólks. Vilja fá allt frítt. Tjalda rétt áður en komið er á skipulögð tjaldstæði og labba svo frítt á klósettið þar. Þeir sem ekki komast alla leið, leyfa bara öðrum að ganga og jafnvel keyra í hægðum sínum.

Á sama tíma finnst Pál Ásgeir sjálfsagt að láta loka á aðgengi mitt að stórum svæðum á hálendi mínu, Ísland og hef ég ekkert um að velja þar.

Skilaboðin sem ég fæ er að ef ég get ekki gengið um landið mitt þá þurfi ég ekkert að sjá það, sennnilega á ég það bara ekkert skilið. Lang bestu rökin sem ég hef heyrt fyrir því að loka fyrir umferð vélknúna ökutækja á hálendinu komu frá Andrési Arnalds á málstofunni í Keldnaholti. Hann vildi geta notið öræfarkyrrðarinnar án þess að heyra í vélknúnum ökutækjum en bað jafnframt fundarmenn um að tala hærra því hann heyrði orðið svo illa. Hvernig er hægt að tækla þessi rök án þess að virka fordómafullur.

Ég vil taka það fram að mér finnst mjög gaman að ganga og hef gengið fullt s.s. upp á Hvannadalshnjúk (upp Virkisjökulinn), labbaða Laugaveginn og fimmvörðuháls, auk þess á mörg fjöll í nágrenni höfuðborgarsvæðisins. Reyndar er ég hætt að nenna að fara í Esjuna þar sem hún er orðin niðurnídd eftir átroðning göngufólks, búið að leggja uppbyggða göngustíga og tröppur sem taka alla náttúruna úr náttúrunni sem hún á að vera. Ætlaði að gefa henni séns um páskanna en fékk ekki bílastæði og var göngufólkið búið að leggja bílunum upp á túnin við hliðina á malbikaða bílastæðinu, í hlíðum Esjunnar, skamm göngufólk fyrir þennan utanvegaakstur. Ég tók ekki þátt í því en fór hins vegar og labbaði upp Skálafell í staðin og var eini bíllinn á bílaplaninu þar.

Landmannalaugar er staður sem ég fer helst ekki á. Sá í fyrra viðleitni landvarðar til að reyna að loka gögnustígum í hrauninu sem göngufólk var búið að traðka niður með stefnulausri göngu sinni.

Nú er göngufólk uppi með þær hugmyndir að taka náttúruperluna Vonarskarð og gera hana að öðrum eins umhverfisviðbjóði og Landmannalaugar eru undir formerkjum “stýrt flæði” og “náttúruvernd”. Það eiga að koma massi af göngufólki þangað inn eftir og byggja “fjallasel” til að þjónusta þá en loka á fyrir alla vélknúna umferð. Hvað skildu margir Íslendingar t.d. stoppa við náttúrulegu perluna Gullfoss í dag. Gætið ykkar í tröppunum þær geta verið sleipar.

Mér finnst líka gaman að keyra og skoða landið mitt. Ég á meira að segja Hálendisbókina ökuleiðir , gönguleiðir og áfangastaðir á hálendi Íslands eftir sjálfan Pál Ásgeir og hef mikið flett í henni. Vakti sérstaklega athygli mína mynd af litlum landrover á bls. 100 sem er með Snækoll í baksýn og líklegast með spottann fram á sér sem Óskar Erlings vísar í. Ég fæ ekki betur séð en að bíllinn sé utan slóða. Reyndar hef ég ekki stórar áhyggjur af því enda er bíllinn á stærri dekkjum og við sem þekkjum til vitum að þau valda minnstum ef nokkrum spjöllum. Hefði að vísu haft aðeins minna loft í þeim þá verður bíllinn bæði mýkri í akstri og markar ekki í. Myndin á bls. 143 er klárlega landrover í utanvegaakstri, líklegast á sprengisandi.
Nú veit ég ekki hvort að þessar myndir gefi mér leyfi til að alhæfa og kalla Pál Ásgeir og alla þá sem eru göngumenn og aka um á landroverum (sorry Skúli H.) skemmd epli, http://blog.eyjan.is/pallasgeir/2010/02 … mdu-eplin/ en ef ég nota aðferðarfræðina hans Páls Ásgeirs þá væri svarið hiklaust já.

Hvað varðar skrifaðgang að spjallinu þá hafa rökin verið þau að það eru svo margir sem myndu skrifa um allt mögulegt og spjallið yrði svo líflegt.
Smá upprifjun, það var opið fyrir allt og alla og það fór ekki mikið fyrir því að hinir og þessir væru mikið með málefnalega umræðu um hagsmunamál ferðamanna eða útivist almennt. Það eina sem breyttist við lokun á spjallinu var að skítkastið datt niður og menn passa sig betur í skrifum. Og þó Jón “Bónus” sé alltaf að vísa í hið nýstofnaða jeppaspjallsíðu og segir að f4x4 síðan eigi að vera opin fyrir alla, þá sýnist mér að þeir sem eru að skrifa þar séu margir hverjir félagsmenn f4x4 þannig að sú síða er bara ágætis viðbót við vefsíðuflóruna á veraldarvefnum sem og facebook en þar eru líka heilmiklar umræður í gangi um ferðamál oft á tíðum. Eiga þær ekkert skilt við það hvort að F4x4 taki ákvörðun um að opna eða loka skrifaðgangi að sinni síðu. Hins vegar hefur fólk val um hvort það vill lesa hana eða ekki. Ég get ekki séð að Páll Ásgeir eigi eitthvað frekar en einhver annar að fá “frían” aðgang að vefsíðunni. Ef fólki er mikið í mun að koma einhverju til skila á F4x4 síðunni þá er hægur vandi að senda tölvupóst á stjorn@f4x4.is og biðja hana um að koma athugasemdum á framfæri.

p.s.
Ég er ekki með skanna og get því ekki sett inn myndirnar af litla landrovernum.

Sælir

Mér finnst jafn vont þegar jeppamenn eru skíta út göngumenn, eins og þegar göngumenn eru að skíta út jeppamenn. Ég held að það hljóti að vera markmið allra þeirra sem finnst gaman að ferðast um landið hvernig svo sem það er gert að geta gert það í sátt við alla hina sem ferðast, sama hvaða aðferð þeir nota.

Ég tel að jeppamenn ættu ekki að fara niður á sama plan og þeir sem agnúast út í aðra ferðamáta, heldur halda okkur á upplýstri og faglegri umræðu um það að allir eigi að gera ferðast á svipuðum slóðum og sýnt öðrum tillitssemi á ferðalögum.

Kv. Óli

Get verið sammála tveimur síðustu skrifurum hérna. Það er engum til framdráttar að mismunandi ferðahópar fari í eitthvert skítkast sín á milli, en menn geta samt verið ósammála um eitt og annað. Björn Ingi er líka að benda á mikilvægan punkt, þ.e. að það þarf að koma í veg fyrir að náttúran skemmist við átroðning og þar þarf að horfa til fleiri þátta en aksturs. Það er ekki sjálfsagt mál að ekið sé hvar sem er og það er ekki sjálfsagt mál að það sé gengið hvar sem er. Dimmuborgir t.d. gott dæmi um stað þar sem virkilega þarf að stýra því hvar sé gengið og hvar ekki og hefði líklega mátt grípa til aðgerða þar fyrr en gert var. Álag á göngustígum inn í Goðalandi er komið á það stig að það þarf að huga að einhverri skynsamlegri stýringu á gönguferðum þar og líklega eru einhverjir blettir í nýju gígunum á Fimmvörðuhálsi sem menn vilja ekki láta sparka út. Með Vonarskarð eða öllu heldur sérstaklega Snapadal held ég að það þurfi að hugsa svolítið vel um ef göngutraffík þar eykst. Ég held hins vegar að aðrir staðir í Vonarskarði séu ekki í sérstakri hættu. Það er alveg rétt hjá Birni að fótaátroðningur mættu alveg vera meira áberandi í opinberri umræðu um náttúruvernd, en engu að síður er heilmikið verið að spá í þessa hluti og friðlýsingar beinast mjög oft meira "gegn" göngumönnum en jeppamönnum.
Kv – Skúli