This topic contains 7 replies, has 1 voice, and was last updated by 
-
Topic
-
Sælt veri fólkið! Um kl. 1700 talaði ég við Sveinlaug „Lauga“ Þorsteinsson „Klakann í Litlu-deildinni“ og segir hann þetta ekki verið betra. Voru þeir þá á toppnum þ.e.a.s. toppi Mýrdalsjökuls í rúmlega 1500 metra hæð hjá Goðabungu. Þeir eru á 26 bílum á dekkjastærðum frá 31″ til 38″. Ferðin var búin að ganga æðislega vegurinn inn að jökli harður og góður og fóru þeir síðan bara strax í 4 pundinn, jökullinn eins og best bverður á kosið, grjótharður og engar sprungur. Jökullinn var aðeins blautari í neðstu brekkum en ekkert sem ekki var til trafala, nema fyrir Stebba „Trúð“ sem tókst að affelga í fyrstu brekku. Þeir voru í svarta þoku og voru búnir að hringa sig saman fyrir myndatökur sem þó munu ganga erfiðlega. Yngsti farþeginn í hópnum er 2ja ára en einnig eru 4 hundar með í för af öllum stærðum. Þeir ætla að gista í Breiðabólstað í Fljótshlíð og Hellishólum sem eru smáhýsi 5 km innar í Fljótshlíðinni. Kvöldvakan verður haldinn þar. 12 bílar ætla að vísu ekki að gista og fara í bæinn í kvöld.
Meira síðar
Magnús G.
-
Replies
-
Ég hef reynt að ná í þá Rottufélag en ekki gengið. Náði ég þó í Kalla "hrekkjusvín" og tjáði hann mér að Rotturnar og flugsveitin hefðu farið norður í Mývatnssveit. Hélt hann að þeir hefðu fengið inni í skála við Vestmannsvatn (var ekki öruggur á nafninu) sem er eitthvað KFUM hús eða eitthvað svoleiðis og ætla þeir að leggjast í biblíulestur. Þar ætlaði flugsveitin að freista þess að kristna þessar Rottur og veitir ekki af. Jón Ofsa langaði víst inn í kverkfjöll með Flugsveitina þar sem hann ætlaði að taka þau kverkataki í skiptum. Já það er ekki af þeim skafið þessum Flugrottum.
Kalli sagði að Holtavörðuheiðin væri snjólaus og eintóm drulla, en frétt í stöðinni að fínt færi væri víst á Langjökli.
Meira síðar
Magnús G.
þetta er nátúrulega allt hauga lýgi hvað sem þið voruð að segja. En hét erum við fyrir norðan í SNJÓ, snjó, erum við hétna á 12-13 jeppum, Danni, Ebbi spottalausi, Beggi og Soffía, Egill, Gulli Mulhan, Jón Ofsi,Ingvi Reykur,Óskar Erlings á OFUR Dadda,Lúffi,Magni,Kristjá og fleyri og fleyri sem ég man ekki að nefna. Við Fórum í dag upp að Þeystareykjum og Víti og bar fátt til tíðinda, nema hvað Beggi braut stýrisstöng en það kemur svo sem engum á óvart að hann brjóti allt í mél, sá böðull. Danni braut framdrifið, Egill sleit dempara og Bazzi Trúður braut fjaðrablöð. Þannig að héðann er lítið að frétta. Við er um komnir í tengsl við innfædda og gengur okkur þokkalega að að eiga við þá samskypti þrátt fyrir að þeir tali einkennilega hérna fyrir norðan, tengiliðurinn heitir Hallgrímur Óli og er formaður deildarinnar hérna fyrir norðan. Hann er bóndi og fengum við að kíkja í fjósið hjá honum í dag. Og kom það mörgu borgarbarninu á óvart hvernig mjólkinn verður til, Við erum eð fara að grilla kálf sem bóndinn gaf okkur, enda var kálfurinn með Gin og Klaufaveiki. Bóndinn sagði að það væri ekki smitandi fyrir menn,Svo við fengu Páskaunga fyrir Begga. PS það fréttist að Siggi Tæknó hefði farið einbíla inn í Setur í dag, svo Hlynur Linur og aðrir ættu að vera klárir í björgunarleiðangur.
Flugrotturnar laaaaang flottustu.
Þegar komið var upp á Goðabungu var náttúrulega hrópað húrra fyrir hópnum,við stilltum okkur upp í eina röð og síðan var hlaupið út og teknar myndir.
Það var eitt um það bil hálftíma á toppnum en svo var ákveðið að leggja af stað niður þar sem skyggnið fór versnandi,það æddu allir af stað í einu,en ekki voru allir með GPS,svo það var kallað í stöðina og hersyngin stoppuð
af.Einhverjum í hópnum fannst að það vantaði skipulag á hlutina og spurði hver væri farastjóri,Benni á 38" pajero leyddi hópinn upp og fór með hópinn niður aftur þar sem hann var með trakið í Gps-inum.
Vil ég taka það fram að ef bílar æða af stað er auðvelt að týna þeim og hefur það verið regla hjá Litludeildinni að sá bílstjóri sem leiðir hópinn er sá EINI sem ræður um hver tekur við af sér,ef út í það er farið að skipta um héra,og eins er það með síðasta bíl og er lagt mikið uppúr því að hafa skipulag alveg á hreinu.
Þegar hópurinn var um það bil hálfnaður niður var snjórinn orðinn lausari og spottinn notaður 4 sinnum á undirritaðann
þar sem L200 var orðinn eitthvað þreyttur á að ryðja snjó.
Einhverjar gangtruflanir voru í einum bílnum þegar komið var niður að skálanum,en svo ákvað bíllinn að ganga betur þegar komið var niður á mölina.
Fyrstu bílar voru komnir um kl 19.00 eða 20.00 held ég að sé rétt,í hlað á Breiðabólstað.Mbk
Jóhannes:sem þurfti að renna heim í gærkvöldi.
Já þeir voru núna rétt áðan að fara út úr Langadal í Þórsmörk og hefur allt gengið eins og best verður á kosið.
Krossá er út um allt og því ekki mikið í henni. Dóttir Sveinlaugs KLAKA ók yfir Krossá og var það hennar jómfrúarferð í vatnaakstri. Gekk allt að óskum en Laugi sagði hana enn vera á skjálftavaktinni Nú er rigningarsuddi og skyggni farið að daprast.
Menn voru þreittir í gærkvöldi og varð því kvöldvakan í náttstað í styttra lagi en engu síður skemmtileg og gagnleg.
Þeir stefna nú á einhvern kaffistað þar sem þeir ætla að slútta þessarri ferð. Þeir biðja kærlega að heilsa öllum í bænum og eru ánægðir með ferðina.Magnús G.
Ég talaði við Jón um kl.1430 og voru þau stödd 12 km frá Dettifossi vestan Jökulsár á fjöllum á leið í Ásbyrgi – Reykjadalsheiði – Sæluhúsamúli (veit ekki hvar hann er) og síðan beint í þennann skála Vestmannsvatn sem eru sumarbúðir þjóðkirkjunnar. Minni snjór var þarna en á Þeystareykjum en -5°frost og gott færi. Var þessi viðkoma hjá bóndanum sem Jón talar um var stór upplifun fyrir margan ferðalangann og greinilegt að kúabúin eru orðin mikið tækniundur. Er aldursfulltrúi klúbbsins Geiri og frú með í för á Hyundai Terracan á 38", hvergi banginn.
bkv.
Magnús G.
Anonymous- Umræður: 0
- Svör: 16404
Sælir félagar. Við fórum nokkur túr austur á Skálafellsjökul og héldum til í Jöklaseli tvær síðustu nætur. Ókum austur á fimmtudag og vorum komin upp í Jöklasel um þrjúleitið í frábæru veðri og hitastigi sem almennt tíðkast ekki hér á landi þrátt fyrir hlýnun. Notuðum restina af þeim degi í bíltúr vestur að Kálfafellsdal, svona rétt til að smakka á jöklinum og útsýninu sem var frábært. Tókum svo föstudaginn langa snemma en þá var skyggni frekar fágætt niðri við Jöklasel. Við keyrðum hins vegar út úr skítnum upp við Breiðubungu og blöstu þá Kverkfjöllin við þannig að stefnan var tekin þangað og deginum eytt þar, en síðan brunað aftur í Jöklasel. Þá var byrjað að snjóa á þeim slóðum. Renndum síðan aftur niður á þjóðveg í morgun.
Færið á jöklinum var frekar þungt á fimmtudaginn, allavega þar sem við vorum á ferðinni. Hins vegar frábært færi í gær. Sáum slatta af bílum á ferð á jöklinum.
Kv – Skúli H.
Anonymous- Umræður: 0
- Svör: 16404
P.s. Set fljótlega myndir úr túrnum inn á Káravefinn (http://www.mountainfriends.com) og örugglega von á myndum víðar.
Kv – Skúli
You must be logged in to reply to this topic.