This topic contains 289 replies, has 1 voice, and was last updated by 
-
Topic
-
Sælir Pajeró eigendur/aðdáendur.
Þar sem mikill fróðleikur um okkar bíla er á hinum og þessum þráðum, langaði mig til þess að opna þráð þar sem við getum skiftst á hugmyndum, reynslu, fróðleik, myndum og fleiru á einum þræði.
Ég hef sjálfur gaman af pælingum og að prófa mig áfram og er ekkert nískur á að miðla því til annara.
(óþarfi að finna upp hjólið aftur og aftur.)
Ég sé fyrir mér (þar sem við viljum örugglega allir efla Pajeró flotann) að það verði mun aðgengilegra fyrir okkur að miðla fróðleik á einum þræði.
Ég held að það væri sniðugast ef menn eru að vitna í myndir að þeir bendi á þær í myndaalbúmið sitt en setji þær ekki hérna á síðuna þar sem hún gæti orðið þung í ræsingu ef Pajeró menn og konur nyta sér þennan þráð (vonandi.)
Ég set fljótlega inn myndir og upplýsingar um það hvernig Boost er aukið á einfaldan hátt.
Vonandi er framtíð í þessum þæði
Kveðja Halli E-1339
-
Replies
-
Eins og af flestu fer tvennum sögum af eyðslu, með superchips. Þær upplýsingar sem ég hef eru að eyðslan getur minnkað í sparakstri (meira tog), eyðslan gæti orðið svipuð í venjulegum akstri, en þar sem að þú ert að fá fleiri hestöfl út úr vélinni kallar það á meiri eyðslu við mikið álag. Hér er svo linkur á heimasíðu Superchips á Íslandi, http://www.superchips.is/
Kveðja Halli
hver er munurinn á bar og pundum, t.d 0,8 bör hvað eru það mörg pund?
Eitt bar er 14,7psi og eitt psi er 0,068bör.
0,8 bör er því 11,76psi.
kv. vals.
Sælir félagar.
Var að setja nýja skó undir pæjuna.
39,5" TrXus.
Vona að þetta komi vel út. Á eftir að reyna þessa fínu skó af einhverju viti. Hef bara prufað þá í einni ferð upp á Snæfellsjökul og var með í för 38" björgunarsveitar Patrol og fannst mér ég hafa yfirburði í þeirri ferð. (kannski ósangjarnt að miða sig við þungan Patta á 38").
Ég leyfi ykkur að fylgjast með hvernig þetta kemur út.
Kveðja Halli.
Anonymous- Umræður: 0
- Svör: 16404
Eitt get ég sagt strax, bíllin stórbatnar í útliti með þessum dekkjum, og hver veit nema að ég kaupi svona í haust, þegar ég er komin með 300tdi ofaní til að snúa dekkjunum..
Kv,
Jón þór
Sæll Halli,
Djöfull er hann flottur á þessum dekkjum – stórglæsilegur.
Hvernig gekk að koma þessu undir og hvernig er að keyra hann á malbikinu á þessu ?
Er mikið þyngra að snúa þessum heldur en 38" GH ?
Maður ætti kannski bara að drífa þetta strax undir minn – vera ekkert að slíta þessum 38"
Annars þarf maður að fara að skreppa túr með þér fljótlega og sjá hvernig hann virkar á þessu.
Kveðja
Benni
Sæll Benni. Takk fyrir hólið strákar.
Það gekk mjög vel að koma þessu undir, skrúfaði bílinn aðeins upp að framan og örlítið meira loft í púðana að aftan, annað gerði ég ekki. Þar sem minn bíll er ekkert hækkaður á boddíi hlítur þetta að ganga á Pæjum sem er búið að hækka á boddíi. Í fullri beygju og keyra í mishæðir ná dekkin aðeins að narta í stuðarahornin.
Mér finnst þessi dekk ekki eins góð og GH á malbiki en samt finnst mér þau betri en DC.
Veit ekki hvort þetta er "this is it" er bara búin að vera með þessi dekk undir í nokkra daga. En það sem komið er lofar góðu.
Það er greinilega þyngra að snúa þessum dekkjum, td. brekkur sem bíllinn hélt 100kmh. á GH fer hann nú á 90kmh. Eiyðslutölur hef ég ekki ennþá, en þær koma.
Já það væri gaman að reyna sig við sambærilega bíla og sjá hvort þetta brölt á mér sé að skila einhverjum árangri.
(myndir í albúmi)Kveðja Halli. (bara bjartsýnn)
Mér finnst Trexus dekkinn vera þau flottustu. T.d. finnst mér pajeroar oftast ekki flottir á 38" en sá rauði á 39,5" er svakalega fallegur.
Freyr
Anonymous- Umræður: 0
- Svör: 16404
Sælir félagar
Er einhver í pæjuvinafélaginu sem veit hvort hraðamælir í ’98 sj.sk. 2800 Pajero er gamaldags með barka eða rafmagnsstýrður.
Ég er að spá í að setja 35" undir í staðin fyrir 32", er með kanta en vantar að vita hvað ég þarf að gera fleira þ.e.a.s. upphækkanir,breytingaskoðun,þungask.mælir,hraðamælir ???Kveðja Siggi
Það þarf hraðamælabreytir í bílinn en þú færð hann hjá Samrás. Undir gormana að aftan þarf að setja 3cm og svo skrúfa örlítið upp að framan. Það þarf að skrifa inn breytingu í mælabókina af vottuðum mælamanni svo þarf slökkvitæki, sjúkrapúða og einnig þarf að vigta bílinn.
Vonandi kemur þetta að gagni.
Kveðja Hafþór
Sæll Siggi
´98 Pæjurnar eiga að vera með rafmagnsstýrða mæla.
Á mínum bíl er breytirinn á millikassanum en ef Hekla breytir svona bílum er líklegt að breytirinn sé undir útvarpinu.
Minn bíll er ekkert hækkaður á boddíi en samt á 39,5" dekkjum og hann tekur því bara nokkuð vel. (sjá myndir í albúmi, bílarnir okkar) þannig að þú ættir auðveldlega að koma undir hann 35" án þess að hækka hann á boddíi. Veit ekki hvort þú sleppur við það að færa hásinguna? Minn var skrúfaður upp að framan. Hásing færð aftur um nokkra cm. og settir 3cm klossar ofan á gormana þannig að það er spurning hvort þú þarft klossa fyrir 35". (Reyndar er ég komin með loftpúða að aftan og er það hrein snilld).
Vona að þetta hjálpi eitthvað.
Kveðja Halli.
Anonymous- Umræður: 0
- Svör: 16404
Sælir
Kærar þakkir fyrir upplýsingarnar en hvernig verður svo bíllinn akstri eftir breytingarnar ?
(afl og aksturseiginleikar)Kveðja Siggi
PS. Ég veit það eru mikil trúbrögð í kringum dekkjaval en eru einhver dekk frekar en önnur sem henta 35" pæjum, annars vegar á sumrin og hinsvegar á veturnar.Það fylgir mér eins og mörgum öðrum á landsbyggðinni að hafa helst nokkur kíló af nögglum í hverju dekki á veturnar
Sæll Siggi.
Þekki þessa bíla bara á orginal og 38"
þessa bíla er frábært að keyra á 38". Síst verri en óbreyttir. þannig að hann hlýtur að vera góður á 35"
Afl er kannski í lágmarki með óbreytta vél, en ef þú skoðar þráðinn hér fyrir ofan sérðu hvernig ég breytti minni vél.
Eru ekki BFG dekkin jafnbest? þekki BFG bara á öðrum bílum og líkaði vel.
Hafþór "Eiríksson", Benni "Hmm" og aðrir félagar þekkja þessa bíla miklu betur en ég á 35" (Með von um að reynslubolti á 35" Pæju bæti við þennan póst)
Kveðja Halli.
Sælir
Ég er búinn að vera með minn á 35" dekkjum núna og er bíllin eftir svipaðar breytingar og Dittó alveg frábær.
Ég er með 2,5" púst KN loftsíu ,og búið að auka við túrbínuna og loka EGR ventlinum.
Ég er núna að setja hann á 38"
Hvar er hann og hvað gerir hann og hvernig lokarðu honum.
og hvað færðu útúr því ?
Sælir
Ég er búinn að eiga 3 pajeró og sá sem ég er á núna var á 35" í nokkurn tíma.
Þetta er 98′ árgerð 2,8 sjálfskiptur.
Það hefur ekkert verið átt við vélina í honum – allt eins og það kemur frá framleiðanda – líka pústið.
Á 35" dekkjum var þessi bíll að þrælvirka – fínn kraftur og aksturseiginleikar nákvæmlega þeir sömu og á 32" – ef ekki betri. Allavega er bíllinn mun mýkri á 35" heldur en 32". Það eina sem er verra eftir breytingu upp á 35" er að hann þyngist aðeins í stýri. Ég notaði bæði BFG og Goodyear dekk og fannst BFG skemmtilegri.
Bíllinn er núna kominn á 38" og enþá hefur ekkert verið átt við vélina – hann er að sjálfsögðu dálítið þyngri af stað en á 35" en ekkert sem truflar mig neitt verulega. Þegar hann er svo kominn á snúnig (yfir 2200) þá finn ég engan mun á því sem var áður og krafturinn nægur.
Ég á eftir að reyna hann almennilega í þungu færi en það sem ég hef farið hingað til í snjó þá hefur ekkert vantað afl.
Kveðja
Benni
Sælir félagar.
Til hamingju með póst nr. 100 Benni.
Fór á Snæfellsjökul í fyrradag (22 mars) á nýju skónum (39,5") Rosalega gaman, þungt færi en vantaði sambærilegan bíl á 38" til að fá samanburð á drifgetu.
Var samt mjög ánægður með hvað hann gat.
Setti myndir í myndaalbúmið (Snæfellsjökull 22 Mars).
Þarf að fara að komast í góða ferð með öðrum bílum og sjá hvað hann getur.
Kveðja Halli.
Sælir
Takk fyrir það Halli – ég var ekki búinn að taka eftir þessu, djöfull röflar maður mikið.
En við þurfum bara að fara að koma á hópferð breyttra Pajero svo að þú getir reynt bílinn með öðrum svipuðum. Mig langar líka að fara að sjá hann með berum augum – hrikalega flottur á þessum myndum….
Kveðja
Benni
Ég vildi bara eiga heiðurinn að því að eiga 100 póstinn í þessum þræði þótt ég hafi ekki skrifað neitt í hann
kv, Geiri Gúrka
R-3010
Já væri endilega til í að smala í ferð
einhvern dagstúr, væri gaman að sjá og skoða hvað aðrir eru að bralla.
kb
pæji
You must be logged in to reply to this topic.