This topic contains 12 replies, has 1 voice, and was last updated by 
-
Topic
-
AnonymousHeil & sæl,
einhver var að segja mér að ef ég skrúfa pajeróinn minn upp að framan um 2-3cm, þá þurfi ég að fara með hann í hjólastillingu. Er eitthvað til í því?
Annað, þegar ég set bílinn í 4H (all wheel drive) úr 2H, þá finnst mér hann allur verða grófari og hávaðaðri. Var því að spá í hvort menn hafi verið að lenda í vandræðum með millikassa eða gírkassa í þessum bílum. Ég er á 2.5 TD beinskiptum, var ekki að finna þetta á mínum gamla (sama boddy) sem var V6 sjálfskiptur.
Þakka svör.
kv,
– btg
-
Replies
-
Sæll,
þegar þú setur í 4 hjóladrifið heyrist vissulega meira hljóð enda meira af tannhjólum, keðjum, legum að snúast.
Það er eðlilegt að það heyrist aðeins, einnig má búast við einhverri þvingun þegar beigt er mikið á þurru malbiki.
Ég er sjálfur á L200 með sama dót þe. 2,5 tdi á 38" ég get ekki hvartað undan þessu miðað við hvað ég er búinn að láta reyna á þetta.Millikassarnir hafa almennt verið að endast vel og má fá þá á partasölum fyrir sanngjarna upphæð.
Hvort þú þurfir að fara í hjólastillingu finnst mér ekki ólíklegt, ég hefði skellt bílnum í gegnum slíkan process bara til að vera viss um að fara ekki illa með dekkin.
Gangi þér vel.
Elvar
Þegar þú setur í 4H þá er eins lítil þvingun og getur verið í fjórhjóladrifi þar sem öll drif í bílnum eru opin, millikassinn líka. En ef þig dauðlangar að fara í drullugallann og skríða undir bílinn sem er eitthvað sem við Mitsubishi eigendur gerum svo til ekkert af þá er ekki vitlaust að skipta um olíur á kössum og drifum.
P.s
Geri líka ráð fyrir því að þessi póstur hjá þér sé bara afsökun til að komast út í skúr að drekka einn eða tvo kalda og drullugallinn sé tandurhreinn.
Anonymous- Umræður: 0
- Svör: 16404
Endilega að drulla sig smá út, jafnvel þó þú þurfir ekkert að gera (nema auðvitað dást að græjunnni). Það geri ég allavega :).
Ég keyrði frá Grundarfirði til hafnarfjarðar í gærkveldi, svona rétt undir sektarmörkum, með framdrifið á alla leiðina án þess að heyra svo mikið sem tíst í því. Ef þú ert farinn að heyra eitthvað í millikassanum eða framdrifinu þá er eins gott að fara að athuga málið.
Ég lenti í því þegar bíllinn var kominn í um 20.000 km. að heyra smá hljóð í millikassanum þegar ég setti hann í framdrifið, ég skreið að sjálfsögðu strax undir bílinn. Það kom í ljós að pakkdósin, þar sem framskaftið fer út úr millikassanum, var farinn og öll olían með, einhver framleiðslugalli var hér á ferð. Ég skipti um allar legurnar og pakkdósirnar í kassanum og síða hefur hann verið eins og lamb.kv. vals.
Sælir
Ég var á ´94 módelinu af svona bíl og það var alltaf djöfuls hávaði í millikassanum á honum – það var eiginlega óþolandi að keyra hann í 4H en svo var hann skárri í 4HLc.
Ég lét kíkja á þetta í Heklu og þeir fundu ekkert að – ég trúði því samt svona tæplega og ætlaði alltaf að láta skoða þetta betur en seldi svo bílinn og hef ekki heyrt af neinu veseni með þetta.
Núverandi bíll er hins vegar þannig að ég heyri ekki bofs í þessu og skiptir engu í hvaða drifi hann er. Einu óþarfa hljóðin eru bara söngurinn í dekkjunum, en við þeim er lítið að gera.
Kveðja
Benni
Anonymous- Umræður: 0
- Svör: 16404
Þakka svörin drengir. Ég hélt í einfeldni minni að þessir klafar myndu sjá um að rétta sig af sjálfir þegar þeir eru skrúfaðir pínu upp
Vals, veistu cirka hvað það kostaði þig að skipta um legur og pakkdósir?
Ætli það sé hægt að setja einhverja undraolíu á kassann sem gæti hugsanlega minkað háfaðan og gert eitthvað gott fyrir hann?
Ég er á ’97 bíl, en sá eldri sem ég átti var ’92.
Er hugsanlegt að þegar það er verið að smíða bílana þá er bara útboð í hina og þessa hluti og að þeir séu jafnvel misgrófir á milli ára/útboða. Dettur það svona í hug fyrst ekkert fannst að bílnum hans hmm.
kv,
– btgp.s. og það bara snjóar og snjóar (:->
Passar ekki gírkassinn og millikassinn úr 86 2,6 bensíndollunni í 91 V-6 3000 án vandræða?
Ég fékk legurnar og pakkdósirnar að mestu í Fálkanum og restina í Heklu. Heildarkostnaðurinn var ca. 14.000kr. en það var fyrir þremur árum síðan. Ég veit ekki hvaða kassa þú ert með í bílnum en ég er með endurbætta kassann, sem á að vera töluvert betur gerður en eldri millikassinn.
kv. vals.
ps. ég framkvæmdi verkið sjálfur og rekna því ekki kostnað á það.
Anonymous- Umræður: 0
- Svör: 16404
Takk fyrir þetta Vals. Ætla að taka stöðuna hjá Fálkanaum. Þeir voru einmitt þeir einu á landinu sem áttu hjörulið fyrir ekki löngu síðan, fyrir utan Heklu náttúrulega sem átti original hlut, 3-4X dýrari.
Annað sem mig langaði að spyrja ykkur út í, það er að stundum þá byrja einhverjir smellir í mælaborðinu, eins og að um sé að ræða relay eða eitthvað slíkt sem sé að smella inn og út. Er ekki alveg búinn að finna hvort það sé eitthvað munstur í þessu, þ.e.a.s. hvenær þetta gerist en er farinn að hallast að því að það sé þegar það er raki úti eða verulega blautt. Gerist samt ekki alltaf, bara endrum og eins. Einnig hef ég tekið eftir þvi eftir að það fór að dimma, að þegar smellirnir byrja, þá er eins og að þa dragi pínulítið niðrí aðaljósunum á meðan.
Kannast einhver við þetta?
kv,
– btg
Kassinn úr 2,6 gen 1 bílnum er ekki með all-wheel-drive og passar eflaust ekki uppá gírkassann í díselnum.
Og svo er allt annar millikassi í 2.8 og 2.5, kassinn í 2,8 er víst mun öflugri og sá sami og í 3.5 bensín bílnum. Það er frekar spurning um að fá svoleiðis kassa til að passa.
Hávaði í 4H drifi getur líka verið í dragliðnum að framan (allavega á Músso) þagnar, allavega tímabundið, við feiti.
l.
Ég hef heyrt þessa smelli hjá mér líka en ég veit ekki hvaðan þeir koma. Eflaust bara ellismellir
You must be logged in to reply to this topic.