Pajero 33" í 35"

Það er venjulega skorið aðeins aftan úr frambrettum þegar þessir kantar eru settir á, tekin festing sem heldur drullusokkum í frambrettunum og stundum skorið aðeins úr stuðarahorni. Mér finnst líklegt að það sé búið að gera þetta allt eða flest hjá þér.
Ég myndi bara prófa að skella þeim undir, það verður ekki stórmál að laga ef eitthvað þarf á annað borð að laga.
Ég er akkurat að setja svona kanta á núna og reikna með að 35" fari undir án vandræða að því loknu. Ég er reyndar með 40mm klossa undir gormum og búinn að skrúfa upp til samræmis að framan.
Minn er 2.8 og ég hef aldrei verið með hann á 35" en hann er fínn á 33". Veit ekki hvernig 2.5 bíllinn er en held að hann sé með öðrum drifum og lægra gíraður en minn.

Sæll

Hvaða hlutföll ertu með í bílnum hjá þér? Er hann bein eða sjálfskiptur? Fínt fyrir þig að lækka hlutföllinn aðeins til að gera hann sprækari. Það er málmplata á húddinu að innanverðu þar sem stendur einhver tala, t.d 4:636 eða eitthvað í áttina..

Þú getur líka slegið á þráðinn ef þig vantar frekari upplýsingar.
Matti 869-1618

Það er ekki alveg svo einfalt, 2.8 er með 4.88 ef hann er SSK en 4.92 ef hann er BSK. 2.5 bíllinn er með 4.88 ef hann er SSK en 4.88 eða 5.29 ef hann er BSK en það fer eftir árgerðum. 2.5 Bílar ’97 og yngri eru í flestum tilfellum með 4.88.

En ef þú keyrir ofan í Hafnarfjörð þá er sparnaðurinn unnin fyrir gýg, þar sem þetta eyðir svo mikið 😉
Það sleppur alveg með samsláttinn ef þú ert með dekkin á 10" breyðum felgum í staðinn fyrir 12,5". Gerir svipaða hluti á mjórri felgum þótt hann lúkki betur á þeirri breydd sem dekkin eru smíðuð fyrir. En varðandi krafleysið að þá er gott að bíða með að skifta um drifhlutföll og fara í breyðara púst. Það er lygilegt hvað 2,5" púst gerir fyrir þessa vél. Túrbínan kemur fyrr inn og vinnslan verður allt önnur. Svo er gott að fá sér boostmæli á túrbínuna og auka síðan boostið í henni smávegis. Það er gert með að setja ákveðinn fjölda skinna undir Waste-gate punginn sem er aftan við túrbínuna. Breytir þannig afstöðu armsins sem gengur ofan úr pungnum þannig að hann opnar ekki eins mikið og við það boostar bínan aðeins meira sem aftur gefur af sér eitthverja "aflaukningu"
Gangi þér vel.

Kv. Haffi

PS. Svo á ég til handa þér 13" breyðar felgur sem passa undir svona bíl. Þú getur þá sleppt því að affelga 33" og sett 35" á þessar felgur í staðinn.

Ég lét á sínum tíma setja opið 2,5 tommu púst á gamla Pajeróinn minn. Hann hresstist talsvert við það og hljóðið var í góðu lagi – aðeins þyngra og karlmannlegra á vissu snúningsbili en alls ekki til skaða. Það var einn lítill kútur aftarlega og ekkert meir.
Túrbínan gefur svo mikla hljóðdeyfingu að stórir kútar fyrir aftan hana eru óþarfir.
Lét gera þetta hjá Pústþjónustunni Ás á horninu á Nóatúni og Borgartúni.

Ágúst

Eitt sem mig langar að benda á.

Ég var að spá í opnu pústi undir LC 90 og spjallaði við þá í Ás í Nóatúninu. Niðurstaðan hjá okkur varð sú að það væri svo lítill munur á orginal pústinu og 2,5" pústi í sverleika að það væri vitleysa að henda því ef það væri í góðu standi sem það var.
Bíllinn var því tekinn inn á lyftu og pústið skoðað og þar sem að ástæðulaust var að henda því var stærsti kúturinn tekinn úr því og sett opinn túpa í staðinn. Mun betra flæði í gegnum hana og meiri " bassarödd" í honum eftir þetta. Það sem eftir er undir honum er því þessi túpa fyrir miðjum bíl ca og svo ein ræfilstúpa aftast sem er orginal. Maður tekur eftir hljóðinu í honum en það truflar ekki.
Það sem græddist á þessu var að bíllinn varð mun sprækari og ég losnaði við ákveðið vandamál sem ég hafði leitað töluvert eftir að losna við ( hökkti alltaf þega gefið var í og hann var í ca 2800-3000 rpm ) og eyðslan datt niður um ca 1 líter.
Borgaði innan við 20.000 kall fyrir þetta í sumar og sé ekki eftir því.

Mín skoðun er sú að þegar leitað er eftir hestöflum er alltaf best að byrja á réttum enda sem ég tel vera pústið.
Þetta var svo gert við LC 90 bílinn hans tengdó og það sama var upp á tengingunum þar, ekkert nema eintóm gleði.

Kv
Pétur